Josué 10:33 - Biblia Enxet

³³ Yahamok axta han apkelanyexakmo m'a Horam, wesse' apwányam nak Guézer yetlo sẽlpextétamo apagkok, apmako elmeyók ma'a énxet'ák nak Laquis, apsawhawók axta eyke han apkelnapa Josué m'a énxet'ák nak, axta yeykmok xama enxoho.

Josué 10:33 ပူးပေါင်းရင်းမြစ်များ

2 Samuel 5:25

Aptemék axta David ma'a apkeltamhókxa axta etnehek Wesse' egegkok, keñe apmenxena m'a sẽlpextétamo filisteos, eyeynókxa m'a yókxexma Gabaón ekweykekxoho m'a yókxexma nak Guézer.

1 Crónicas 20:4

Tepékxeyk axta makham mók kempakhakma yókxexma Gob apkempakhákpo m'a filisteos. Apchaqhak axta han Sibecai ma'a Sipai, mékoho axta aptemessáseykxa', cham'a Sibecai apkeñama axta Husá, aptáwen neptámen axta m'a énxet'ák apkelwenaqte.

1 Crónicas 6:67

Apkelxawáyak axta han ma'a Siquem, tegma apwányam kélyexánegweykekxexa axta chá'a, apyetnama nak ma'a egkexe Efraín, yetlo m'a yókxexma ektaqmelakxa nak pa'at, keñe han ma'a Guézer,

Josué 10:32

Mók ekhem axta entáhak apmeyásekxo makham Wesse' egegkok ma'a yókxexma nak Laquis, ekhawo apteméssesakxa axta m'a Libná, sókwenaqte axta chá'a apkelyetxeyk énxet'ák Israel apkelnapa m'a apyókxoho énxet'ák nak, apkelnáhakkassek axta han ma'a aqsok apnaqtósso élleykencha'a axta m'a.

Josué 10:34

Apkelyeyk'ak axta énxet'ák Israel ma'a yókxexma nak Laquis tén han Josué. Axta apkelmeyákxak ma'a tegma apwányam Eglón, apwakhegwokmek axta m'a tegma apwányam nak keñe apketámegko.

Josué 12:12

wesse' nak ma'a Eglón, wesse' nak ma'a Guézer,

Josué 16:10

Axta eyke elántekkessók Efraín énxet'ák apagkok Guézer ma'a cananeos apheykencha'a axta m'a. Apchahayók axta aqsa apheykencha'a nepyeseksa, apkeltémók axta eyke eltemeykha etnahagkok apkelásenneykha naqsa. Makhemek makham apheykha cananeos xa yókxexma nak.

Josué 16:3

keñe axta ekmeyeykekxo m'a ekpayho nak ektaxnegwánxa ekhem, xapop apagkok axta m'a jafletitas, ekweykekxoho m'a néxa xapop nak Bet-horón ekmeyeykenta nak kóneg, ekweykekxoho m'a Guézer. Axta temégweykmok néxa m'a wátsam ekwányam nak Mediterráneo.

Josué 21:21

Keñe axta egkexe nak Efraín kélmésa m'a Siquem, yaqwayam etnehek apyexánegweykekxexa chá'a énxet ektáha enxoho apchaqhe pók, tén axta han ma'a Guézer,

Jueces 1:29

Mopwanchek axta han apmáheyo elántekkesek Efraín énxet'ák apagkok Guézer ma'a cananeos apheykencha'a axta m'a, cháxa keñamak apheykencha'a nak makham nepyeseksa m'a cananeos.