Josué 10:23 - Biblia Enxet

²³ Apkelyahákxók axta m'a énxet'ák nak Israel, apkelántekkessákxeyk axta kañe' meteymog áxwa m'a apkelwesse'e apkelwányam apkeleñama nak Jerusalén, Hebrón, Jarmut, Laquis tén han ma'a Eglón.

Josué 10:23 ပူးပေါင်းရင်းမြစ်များ

Deuteronomio 7:24

Elmések sa' kéxegke yaqwayam kólmok ma'a kelwesse'e apkelwányam apagkok nak, keñe sa' kéxegke kólteméssesek meyke ekxénweykekxoho chá'a kélwáxok keso náxop. Méko sa' xama enxoho apmopwána yenmexekxak kélnápomáxche kéxegke xa énxet'ák nak, kólsawhohok sa' kéxegke kólmasséssók ma'a apyókxoho nak.

Josué 10:1

Awanhek axta ektamheykha apwáxok apleg'a amya'a Adonisédec, wesse' apwányam nak Jerusalén, apma Josué m'a tegma apwányam Ai tén han apmasséssekmo, keñe han apteméssesakxa m'a tegma apwányam nak yetlo wesse' apwányam apagkok, ekhawo apteméssesakxa axta sekxók ma'a yókxexma nak Jericó yetlo wesse' apwányam apagkok, keñe han apleg'a amya'a ekmassa apmáheyo elnapakpok énxet'ák Israel ma'a énxet'ák nak Gabaón, keñe s'e kaxwo' nak apkelásekhákpoho tén han apkelweynchámeyncha'a m'a nepyeseksa nak. Awanhek axta apyegwakto apleg'a xa amya'a nak, hakte cham'a tegma nak Gabaón apteme axta xama tegma apwányam apagko', mexnawok ma'a tegma nak Ai, hawók ma'a ektémakxal'a apxegkesso aptamheykha xama wesse' apwányam, hakte meleygkehek axta han elmahagkok eyesagkexa m'a gabaonitas.

Josué 10:22

Keñe axta Josué aptáha s'e: “Kóllekwakxa sa' átog nentaxnamakxa nak ma'a meteymog áxwa, keñe sa' kólántekkesek ma'a cinco apkelwesse'e nak.”

Josué 10:3

Axta keñamak apcháphássesa amya'a Adonisédec ma'a apkelwesse'e apkelwányam nak, cham'a Hoham, wesse' apwányam nak Hebrón, Piram, wesse' apwányam nak Jarmut, Jafía, wesse' apwányam nak Laquis tén han ma'a Debir, wesse' apwányam nak Eglón:

Josué 10:5

Keñe axta xa cinco apkelwesse'e apkelwányam nak amorreos, cham'a apkeleñama nak Jerusalén, Hebrón, Jarmut, Laquis, tén han Eglón, apchaqnákxeyk axta keñe apkelxega yetlo sẽlpextétamo apagkok yaqwayam yekhegwók ma'a keto' nak yókxexma Gabaón, keñe han ektamagkok.

Josué 12:10

wesse' nak ma'a Jerusalén, wesse' nak ma'a Hebrón,

Josué 12:12

wesse' nak ma'a Eglón, wesse' nak ma'a Guézer,