Josué 10:11 - Biblia Enxet

¹¹ Apkelántepók axta aqsa amorreos ma'a ekweyweykentamxa nak ma'a Bet-horón, neyseksa apmenxenma m'a énxet'ák Israel, keñe axta Wesse' egegkok apkexénto nepyeseksa yegmen élyennaqte élyawe agko', apxámok axta élnapa m'a amorreos, axta kaxnawok ekwánxa axta élnapma sókwenaqte apagkok ma'a énxet'ák nak Israel.

Josué 10:11 ပူးပေါင်းရင်းမြစ်များ

Génesis 19:24

keñe axta Wesse' egegkok appalchesánto táxa, tén han aqsok ánek ekyátekto eyáléwomo nak, néten Sodoma tén han Gomorra;

2 Samuel 18:8

Sawhekxók axta apkelnápomap xa ekyókxoho nak yókxexma, apxámok axta han élnapma m'a naxma nak, axta kaxnók ekwánxa élnapma m'a sókwenaqte.

Job 38:22

¿Apweykmeya han ma'a seknegkenmakxa nak yeyam appok tén han yegmen élyennaqte

Job 38:23

seyáphassamól'a chá'a ko'o ekwa'a enxoho ekhem ekmaso, tén han kempakhakma?

Salmos 11:6

Yahak sa' Wesse' egegkok átex, táxa tén han aqsok eyáléwomól'a m'a énxet'ák élmaso nak apkeltémakxa, yahak sa' éxchahayam yaqwayam sa' kalwatnek ma'a apyókxoho nak. ¡Ellegássesagkohok sa' Wesse' egegkok ekpayhawo nak etnéssesek!

Salmos 147:17

Cha'a apcháphasso chá'a yeyam appok ektamheykekxa nak yegmen élyennaqte; keynnaqtések chá'a yegmen ma'a ekmáxaqxo apcháphasso nak.

Isaías 28:2

Yetneyk xama énxet apyennaqte aptaqmelchessesso m'a Wesse' egegkok, apyennaqte apagko', máxa m'a yegmen élyennaqte ekyennaqtél'a ektéyam, máxa m'a éxchahayam ekyennaqte ekmassesseykmohol'a aqsok, máxa m'a ekmámeye ekyawel'a, máxa m'a yegmen ekyawe ekmasól'a. Apmek sa' etnehek ekxeynták náxop,

Isaías 28:21

Sa' etnehek elának aqsok Wesse' egegkok ma'a aptémakxa axta egkexe Perasim, sa' etnehek elwok ma'a aptémakxa axta aplama m'a ekyapwátegweykenxa nak xóp Gabaón, yaqwayam sa' elának ma'a aqsok apmáheyo nak elána', magweteya nak, yaqwayam sa' epenaksek ma'a aqsok apkelane, aqsok apkelane magya'áseyak nak.

Isaías 30:30

Eltamhok sa' kañexchek appeywa eyeymáxkoho nak ma'a Wesse' egegkok, exekmósek sa' nahan apmopwána, cham'a peya nak elának yetlo aplómo apagko', yetlo m'a táxa eyáléwe élwatnamo nak aqsok, tén han takha' aplo yetlo ekmámeye tén han yegmen élyennaqte.

Ezequiel 13:11

Eltennés sa' peya epallegmak nápakhaw'ék tegma m'a apkelmópeséyak nak chá'a nápakhaw'ék tegma. Kawak sa' mámeye ekyawe agko', katyamok sa' yegmen élyennaqte ekho meteymog, kaxchahák sa' ekyennaqte agko' ekho samaxche',

Deuteronomio 20:4

hakte apheyk kélnepyeseksa kéxegke m'a Dios Wesse' kélagkok; sa' elnapakpok kélenmexma nak kéxegke m'a, sa' elmallahanchesek nahan ma'a.’

Jueces 5:20

Wokmók axta han apkelnápomap yaw'a m'a Sísara, cham'a apheykegkaxa nak néten.