Josué 1:16 - Biblia Enxet

¹⁶ Keñe axta apkelátegmowágko m'a énxet'ák: —Anlának sa' ekyókxoho xa apkeltamhókxa nak anlána', ólmahagkok sa' han ma'a sẽláphasakxa enxoho.

Josué 1:16 ပူးပေါင်းရင်းမြစ်များ

Esdras 10:4

Yempekxa néten, hakte cháxa ekpayhémo nak xép yaqwayam elának xa, ampasmok sa' negko'o. Ewasqápekxoho, elána aptamheykha.”

Números 32:25

Aptáhak axta apkelátegmowágkokxo Gad tén han Rubén aptawán'ák neptámen se'e: —Anlának sa' negko'o m'a apkeltamho nak anlána', nentáha nak xép apkeláneykha.

Números 32:31

Aptáhak axta apkelátegmowágkokxo Gad tén han Rubén aptawán'ák neptámen se'e: —Anlának sa' negko'o m'a apkeltémo nak anlának Wesse' egegkok, negko'o nentáha nak xép apkeláneykha.

Deuteronomio 34:9

Tén axta m'a Josué, Nun axta apketche, apmákxo m'a ektémakxa axta apya'áseyak ma'a Moisés, hakte apnegkenmeyk axta apmék néten apqátek ma'a; apkelyaheykekxók axta nahan chá'a m'a israelitas, apkeláneykegkek axta nahan chá'a m'a apkeltémókxa axta chá'a Wesse' egegkok etnehek ma'a Moisés.

Deuteronomio 5:27

Xeyep akke payhawok épetchegwakxohok makham ma'a, yaqwayam yeyxhok ekyókxoho m'a aptáhakxa enxoho chá'a apcháneya m'a Dios Wesse' egegkok, keñe sa' hẽltennásseták chá'a negko'o m'a aptáhakxa enxoho chá'a apcháneya, anlanagkok sa' nahan chá'a negko'o m'a aptáhakxa enxoho chá'a sẽláneya.’

Josué 1:15

ekwokmoho apmésa sa' Wesse' egegkok ma'a xama yókxexma yaqwánxa enxoho ellókassók apkelyampe, ekhawo m'a ektáhakxa axta apmésa kéxegke, kenhan ekwokmoho sa' aptáha apagkok apagko' xa xapop peya nak egkések Wesse' egegkok. Keñe sa' kéxegke kélwanchek kólmeyenták makham se'e xapop kélagkok ekpayhókxa nak ekteyapmakxa ekhem ma'a wátsam, yaqwayam kóltéhek kélagkok kélagko' xa xapop nak, apmésso axta m'a Moisés, apteme axta Dios apchásenneykha.

Josué 1:17

Ólyahakxohok sa' han chá'a ekhawo m'a ektémakxa axta nélyeheykekxoho Moisés. Wánxa aqsa néltamho negko'o Wesse' egegkok nak Dios etnehek apxegexma, ekhawo m'a aptéma axta chá'a apxegexma Moisés.