Josué 1:12 - Biblia Enxet

¹² Apkelpaqhetchessek axta han Josué m'a énxet'ák apagkok nak Rubén, Gad énxet'ák apagkok, keñe han ma'a nápakha énxet'ák nak Manasés. Aptáhak axta apkeláneya s'e:

Josué 1:12 ပူးပေါင်းရင်းမြစ်များ

1 Crónicas 26:32

Dos mil setecientos apkelámha apmonye'e nepyeseksa apnámakkok axta apyókxoho m'a apmopwancha'a nak apkeláneyak aqsok, ekweykekxoho m'a apnámakkok nak. Aptemessáseykegkek axta wesse' apwányam David yaqwayam elanha m'a Rubén énxet'ák apagkok, tén han Gad, keñe han ma'a nápakha nak Manasés énxet'ák apagkok, tén han ma'a ekyókxoho aqsok élánamáxche nak chá'a éleñama Dios tén han ma'a wesse' apwányam nak.

1 Crónicas 5:18

Sẽlpextétamo apkelyennaqte axta m'a Rubén aptawán'ák neptámen tén han Gad, keñe han ma'a nápakha nak Manasés énxet'ák apagkok, apkelmeykha axta m'a apkeláhakkásamap, sókwenaqte tén han yágke, appencháseykegkek axta aptamheykegkaxa yaqwayam elempakha'. Cuarenta y cuatro mil setecientos sesenta axta apyókxoho m'a énxet'ák apmopwancha'a axta elempakha'.

Josué 22:1

Apkeláneyáha axta Josué m'a Rubén nak énxet'ák apagkok tén han ma'a Gad, keñe han ma'a nápakha nak Manasés énxet'ák apagkok.

Josué 22:2

Aptáhak axta apkeláneya: “Kélláneyak kéxegke ekyókxoho m'a apkeltémókxa axta kóllának ma'a Moisés, apteme axta Wesse' egegkok apchásenneykha, kélyaheykekxók han ekyókxoho m'a séltémókxa nak kóltéhek.