Jonás 1:6 - Biblia Enxet

⁶ Keñe axta apkemha apmonye' nak yántakpayhe apmahágko m'a aphakxa axta Jonás, aptáha apcháneya s'e: —¿Yaqsa apkelana exchep se'e tén áto'? ¡Exatakha', elmaxna exchep xa Dios apagkok! Lapmaxcheyk sa' hempasmok hẽlwagkasek teyp negko'o.

Jonás 1:6 ပူးပေါင်းရင်းမြစ်များ

2 Samuel 12:22

Apchátegmowágkek axta David: —Matwehek axta chá'a ko'o sekto apyennaqtamakxa axta m'a sakcha'a, alekxagwaha axta han chá'a ekxeyenma eykhe ewáxok lapmaxcheyk kexa kapyóshok hélanok ma'a Wesse' egegkok, keñe yohok makham eweynchamha m'a sakcha'a.

Ester 4:16

“Exeg, yánchásekxa sa' apyókxoho judíos apheykha nak ma'a Susa, yaqwayam sa' metawagkehek aptéyak hélmaxnéssesek ko'o. Metawagkehek sa' aptéyak ekweykmoho ántánxo ekhem tén han ántánxo axta'a, ménagkek sa' nahan ma'a apyenéyak nak. Antamhagkok sa' eyke negko'óxa xa ektáha nak, cham'a séláneykha nak, tén sa' ko'o axog ay'ókxak ma'a wesse' apwányam, énmexma eykhe segánamakxa m'a sekmakókxa nak atnehek. Apkeltamhók sa' agkok amátog, tásek amátog.”

Salmos 107:6

Apkelwóneykha axta eyke Wesse' egegkok ekyentaxnama apheykha, apkelmallahanchessek axta m'a ektémakxa apkellegeykegkoho.

Salmos 78:34

Wánxa aqsa han chá'a elchetmok Dios ma'a apkelnapa enxoho chá'a nápakha, elyo'ókxak axta chá'a; elmaxneyagkok axta chá'a meyke apkelyeytekkesseyam;

Isaías 3:15

Megkólwanchek agko' kéxegke kólnaqtawasagkohok énxet'ák ahagkok, tén han kólteyágkasha chá'a nápaqta'a m'a énxet'ák meyke nak aqsok apagkok.” Cháxa aptáhakxa axta Wesse' ekha nak apyennaqte xa.

Ezequiel 18:2

“¿Yaqsa ektéma megkamassegweykmo nak chá'a ekteme élpaqmétamáxche Israel se'e ektéma nak amya'a: ‘Apteykegkek anmen yámet ekyexna ekmáske m'a apyapmeyk, keñe m'a apketchek nak eksawhoma chá'a m'a apma'ák?

Joel 2:11

Kaxtegyók chá'a appeywa Wesse' egegkok epaqmétek apmonye'e nak sẽlpextétamo apagkok. Apxámok apagko' ma'a sẽlpextétamo apagkok; mogwanchek ólyetsetek ma'a apkelyaheykekxoho nak chá'a appeywa. ¡Yentexók agko' Wesse' egegkok ekhem apagkok! Méko awanchek kalenmaxaxkoho'.

Amós 5:15

¡Kóltaqnow aqsok ekmaso! ¡Kólásekhoho m'a aqsok ektaqmela! Kólána kalanaxchek ekpéwomo kéllánekxésso amya'a énxet'ák ma'a sẽlyekpelchémókxa nak; lapmaxcheyk sa' kexa kalepyóshok elanok Wesse' egegkok, Dios ekha nak apyennaqte énxet'ák Israel apkeleymomap nak ektáha enxoho xa ektáha nak.

Jonás 3:8

Kólántaxnekxa sa' ma'a apáwa sẽlwáxaqxamo nak, magkenatchesso sẽllapwámegko, nágkóleysagkoho aqsa kólwónmakha m'a Dios, kólwátésák sa' ma'a kéltémakxa élmasagcha'a nak, tén han ma'a kélteméssesseykmohóxma ekmaso nak kélmók, kélláneykegko nak chá'a s'e kaxwo nak;

Jonás 3:9

lapmaxcheyk sa' kexaha eyaqmagkasek apmakókxa nak etnehek Dios, tén han kamaskok aplo, keñe sa' magmassehe'.”