Joel 2:27 - Biblia Enxet

²⁷ keñe sa' kéxegke israelitas, kólya'asagkohok sekha ko'o kélnepyeseksa kéxegke, ko'o sektáha nak Wesse', sektáha ko'o Dios kélagkok, méko pók enxoho. ¡Kamaskok agko' sa' elmegqeyk ma'a énxet'ák ahagkok!

Joel 2:27 ပူးပေါင်းရင်းမြစ်များ

Salmos 46:5

Aphegkek Dios xa kañe' nak, megyohók sa' katnégwomhok exma; Dios sa' nahan chá'a epasmok ma'a élsaka enxoho.

Salmos 68:18

Oh Dios, apxámok xép apnaqlákxo énxet'ák apkelmomap apmeyákxo m'a netno' agko' nak; apkelxakak nahan chá'a m'a aqsok apkelmésso m'a énxet'ák, wokmók nahan apkelmeyásamap ma'a apkenmexeykekxa nak chá'a exchep, Wesse'.

Proverbios 1:23

Kóleyxho sa' chá'a sélpaqhetchesa enxoho, keñe sa' ayánchesseshok chá'a sélmésso kélyókxoho m'a sekya'áseyak nak ko'o; wának sa' kólya'ásegwók ma'a ektémakxa nak élchetámeykha ewáxok.

Isaías 12:6

Kólwehesha yetlo ekpayheykekxa kélwáxok, kélheykha nak Sión, hakte apheyk kélnepyeseksa kéxegke m'a Dios Aptaqmalma apagkok nak ma'a Israel, yetlo ekyawe apcheymákpoho.”

Isaías 44:3

hakte wának sa' ko'o kanyehek yegmen ma'a yókxexma meykexa nak énxet, keñe sa' yegmen ényé m'a ekyamáyekxa nak xapop. Agkések sa' ko'o axnagkok apkelyennaqte m'a aptawán'ák neptámen nak, wáphássesek sa' ektaqmalma apheykha.

Isaías 44:8

¡Kólwasqápekxoho, nágkóle'! Axta ektemék ko'o sélanagkama kéxegke xa ektáha nak, eklegassegkek axta m'a nanók agko' axta, kéxegke kélteme kélya'áseykegkoho. ¿Yetneyk enxeykel'a pók dios mók nekha? Méko pók apkelmasma énxet; mateyk xama enxoho.”

Isaías 45:18

Aptáhak appeywa ektáha axta apkelane néten se'e, cham'a apteme nak Dios, tén han Wesse' egegkok, apkelane axta xapop tén han aptekkesso axta, ektáha axta appekkenma, apkeláneya axta háwe yaqwayam keytek aqsa meyke aqsok ma'a kañe' yaqwayam exek nahan énxet ma'a: “Ko'o sekteme Wesse', méko pók.

Isaías 45:5

Ko'o sekteme Wesse', méko pók; méko pók Dios mók nekha. Eltáméssegkek axta ko'o exchep yaqwayam elnapakpok neyseksa mehey'áseyak,

Isaías 45:6

yaqwayam enxoho kólya'asagkohok méko xama enxoho sekhawo ko'o m'a ekyókxoho teyapmakxa ekhem nak tén han ma'a taxnegwánxa ekhem nak. Ko'o sekteme Wesse', méko pók.

Isaías 46:9

kaxénwakxoho kélwáxok ma'a ektémakxa axta nentámen cham'a nanók agko' axta. Ko'o sekteme Dios, méko pók; ko'o Dios, méko pók sekhawo ko'o.

Isaías 49:23

Sa' katnehek ekteme yapmeyk ma'a kelwesse'e apkelwányam nak keñe sa' ektaqmelchesso chá'a m'a kelwesse'e kelwán'ák nak. Eltekxeyagkok sa' chá'a aptapnák xóp amonye' exche', ekwokmoho apkeltekxeya nápaqta'a xóp ekweykekxoho m'a kelwesse'e kelwán'ák nak, awanhók agko' sa' katnehek apcháyo. Keñe sa' kay'asagkohok ko'o sekteme Wesse', kay'asagkohok sa' nahan memegqáyhek chá'a m'a ektáha nak ko'o mehey'ásseyam.”

Isaías 53:6

Nélxegáneykmek negko'o negyókxoho, máxa nepkések nentamheykegkok, nentamheykegkek chá'a enxama m'a negmáheyókxa egagko' nak chá'a antéhek. Apmeyáseykekxeyk eyke Wesse' egegkok ekyókxoho m'a nentémakxa élmasagcha'a nak negko'o.

Ezequiel 37:6

Anegkenchásekxak sa' ma'a kélhahak, axnessásekxak sa' nahan ma'a kélhápetek tén han kélyempe'ék tén sa' almések ma'a kélennama segméssamo nak negyennaqte yaqwayam sa' kólnaqxétekhagwók makham. Keñe sa' kólya'ásegwók kéxegke sektáha ko'o Wesse'.’”

Ezequiel 39:22

Elya'ásegwók sa' énxet'ák Israel sektáha ko'o Dios Wesse' apagkok xa ekhem nak.

Ezequiel 39:28

Ko'o axta séláphasso kólnaqlakxak ma'a megkatnahakxa nak apkelókxa, nepyeseksa nak ma'a énxet'ák apheykha nak mók apkelókxa, ko'o sa' nahan wánchásekxak makham ma'a kañe' xapop apagkok nak. Magweymek sa' xama enxoho m'a kélyentameykekxa nak megkatnahakxa apchókxa. Keñe sa' elya'ásegwók sektáha ko'o Dios Wesse' apagkok.

Ezequiel 39:29

Matnehek sa' chá'a kaxwók malányo, hakte ekpekkenchek ko'o kaxwók sekmowána nepyeseksa m'a énxet'ák Israel. Ko'o sekxeyenma xa sektáha nak Wesse'.”

Joel 2:26

Kóltawagkok sa' kéltéyak kéxegke ekwokmoho kélyaqkanakmo, kólteméssesek sa' nahan apcheymákpoho Dios Wesse' kélagkok, hakte élánéssegkek ko'o kéxegke ekyawe agko' aqsok ektaqmalma nak. Kamaskok agko' sa' elmegqeyk ma'a énxet'ák ahagkok,

Joel 3:17

“Kólya'ásegwók sa' kéxegke ko'o sektáha nak Dios Wesse' kélagkok, sekha m'a Sión, egkexe ekpagkanamaxchexa ahagkok nak. Tegma apwányam appagkanamap sa' etnehek ma'a Jerusalén: kamaskok sa' emok kaxwók ma'a énxet'ák apkeleñama nak mók nekha.

Sofonías 3:11

Énxet'ák ahagkok, cháxa ekhem nak, kamaskok sa' kaxwók kalmegqaksek xama enxoho m'a aqsok ekmaso kélláneyak kélláneykegko nak chá'a sélenmexeykekxo kéxegke, keñe sa' alántekkesek kélnepyeseksa m'a éleymáxkoho nak apkelwáxok tén han ma'a megyésso nak eleykpoho', kamaskohok agko' sa' apkeleymákpoho m'a egkexe ekpagkanamaxche ahagkok nak.

Sofonías 3:17

Apheyk kélnepyeseksa kéxegke m'a Dios Wesse' kélagkok; ¡apmeyhek nahan ma'a, elwagkasek sa' teyp! Kapayhekxak sa' apwáxok elanok kéxegke m'a Wesse' egegkok. Egkeyásekxak sa' axnagkok kélyennaqte eñama apkelásekhayo; enneykmaksek sa' eñama kélpeykessáseykekxa apwáxok

Números 11:29

Aptáhak axta Moisés apchátegmowágkokxo s'e: —¿Élmeyókhaya ko'o exchep? ¡Elmésagkoho annal'a Wesse' egegkok espíritu apagkok ma'a apyókxoho énxet'ák apagkok, keñe etnahagkok apyókxoho apkellegasso Dios appeywa!

Números 23:21

Méko ekweteya apkeltémakxa apkelmopwancha'a amya'a, tén han melya'assáxma m'a énxet'ák Israel, Jacob énxet'ák apagkok nak. Apheyk nepyeseksa ma'a Dios Wesse' apagkok, apkeltemegkek chá'a wesse' apwányam apagkok.

Deuteronomio 23:14

Hakte apweynchámeykha kélnepyeseksa kéxegke Dios Wesse' kélagkok ma'a kélpakxeneykegkaxa nak, yaqwayam elmeyók tén han egkések yaqwayam kólmenxenek ma'a kélenmexma nak; cháxa keñamak eyeyméxko nak katnehek ekpagkanamaxche m'a kélpakxeneykegkaxa nak kéxegke, yaqwayam enxoho métyehek xama aqsok ekmanyása agko' Dios ma'a kañe' nak, hakte apwet'ak sa' agkok aqsok ekmanyása m'a kañe nak, kamaskok sa' apha kélnepyeseksa kéxegke.