Joel 2:14 - Biblia Enxet

¹⁴ Lapmaxcheyk mellegássesagkók kéxegke, yáphássesek ektaqmalma kélheykha, elmések ma'a aqsok ekyexna kélcheneykekxa, tén han vino, yaqwayam kóltéhek kélmésso naqsa Dios Wesse' kélagkok.

Joel 2:14 ပူးပေါင်းရင်းမြစ်များ

2 Samuel 12:22

Apchátegmowágkek axta David: —Matwehek axta chá'a ko'o sekto apyennaqtamakxa axta m'a sakcha'a, alekxagwaha axta han chá'a ekxeyenma eykhe ewáxok lapmaxcheyk kexa kapyóshok hélanok ma'a Wesse' egegkok, keñe yohok makham eweynchamha m'a sakcha'a.

2 Samuel 16:12

Lapmaxcheyk sa' heyáphássesek aqsok ektaqmela Wesse' egegkok apleg'a enxoho ektémakxa ekyentaxno ewáxok, ekyaqmagkasso m'a sélyemneykha sekleg'a nak sakhem.

2 Reyes 19:4

Eñoho annal'a Dios Wesse' apagkok appeywa m'a sẽlpextétamo apwesse' apcháphasso nak wesse' apagkok, cham'a wesse' apwányam nak Asiria, yaqwayam enxoho ewanyaha m'a Dios megyetsapma nak, eñássesagkoho annal'a aplege apagko' enxoho aqsok apxeyenma m'a Dios Wesse' apagkok nak. Elmaxnésses sa' ma'a apkeleymomap nak meletsapma.”

Éxodo 32:30

Keñe axta mók ekhem aptáha apkeláneya énxet'ák Moisés se'e: —Kéllanak kéxegke ekwányam agko' megkólya'assáxma. Wanátwakxak sa' ko'o kaxwók ma'a aphakxa nak Wesse' egegkok, lapmaxcheyk sa' ataksek yaqwayam elásekhekxoho'.

Isaías 65:8

Aptáhak Wesse' egegkok se'e: “Awanhek agkok égmenek ma'a anmen yámet ekyexna, metwasha énxet, hakte awanhek katnehek apkelane m'a vino. Sa' atnehek ko'o xa ektáha nak eñama sélásekhayo m'a séláneykha, mamasséssemek sa' apyókxoho énxet'ák.

Jeremías 18:8

Apkelwátesagkek agkok chá'a apkeláneyak aqsok ekmaso xa énxet'ák nak, keñe magwáphássesek chá'a m'a séllegassáseykegkoho séleyxchessama nak ko'o.

Jeremías 26:13

Kóltaqmelchásekxa kéltémakxa tén han aqsok kélláneyak, kólyahakxoho Dios Wesse' kélagkok, keñe sa' megyehék ma'a nenlegeykegkoho ekmaso apkeltennassama axta chá'a.

Jeremías 26:3

Lapmaxcheyk sa' elyahakxoho, tén han elwátésagkok apkeltémakxa ekmaso, keñe sa' ko'o megkaxének ewáxok allegássesagkohok eñama apkeláneyak aqsok ekmaso, ekhawo ekxeyenma axta ko'o ewáxok atnéssesek.

Joel 1:13

Kéxegke kélmaxnéssesso nak chá'a Dios énxet'ák apagkok, kéltamheykha nak chá'a ekwatnamáxchexa aqsok, kólántaxnekxa apáwa sẽlwáxaqxo nak, kóllekxagwaha yetlo éllapwámeyak, hakte méko entáhak aqsok kélcheneykekxa ekyexna m'a Dios nak tegma appagkanamap apagkok, tén han vino yaqwayam kóltéhek kélmésso naqsa Dios.

Joel 1:16

Negaqta'awók negko'o ẽlyementamágkok nentéyak, massegwokmek élpayheykekxa egwáxok ma'a Dios egagkok nak tegma appagkanamap apagkok.

Joel 1:9

aptamhágkok apkellekxagweyncha'a m'a apkelmaxnéssesso Dios énxet'ák apagkok, hakte méko entáhak aqsok ekyexna kélcheneykekxa m'a tegma appagkanamap nak, tén han anmen yámet égmenek, yaqwayam kólmések chá'a Wesse' egegkok.

Amós 5:15

¡Kóltaqnow aqsok ekmaso! ¡Kólásekhoho m'a aqsok ektaqmela! Kólána kalanaxchek ekpéwomo kéllánekxésso amya'a énxet'ák ma'a sẽlyekpelchémókxa nak; lapmaxcheyk sa' kexa kalepyóshok elanok Wesse' egegkok, Dios ekha nak apyennaqte énxet'ák Israel apkeleymomap nak ektáha enxoho xa ektáha nak.

Jonás 1:6

Keñe axta apkemha apmonye' nak yántakpayhe apmahágko m'a aphakxa axta Jonás, aptáha apcháneya s'e: —¿Yaqsa apkelana exchep se'e tén áto'? ¡Exatakha', elmaxna exchep xa Dios apagkok! Lapmaxcheyk sa' hempasmok hẽlwagkasek teyp negko'o.

Jonás 3:9

lapmaxcheyk sa' kexaha eyaqmagkasek apmakókxa nak etnehek Dios, tén han kamaskok aplo, keñe sa' magmassehe'.”

Sofonías 2:3

Kólchetam kéxegke Wesse' egegkok kélyókxoho megkaleymáxkoho nak kélwáxok keso nélwanmeygkaxa, kélyeheykekxoho nak chá'a m'a apchánamakxa nak antéhek. Kóllána ekpéwomo kéltémakxa yetlo megkaleymáxkoho kélwáxok, lapmaxcheyk sa' kólwetak kélyexanmomakxa kéltáha enxoho xa, cham'a ekhem aplawa sa' ma'a Wesse' egegkok.

Hageo 2:19

Kóllano, sakhem sa' keynhok exek hótáhap apaktek ma'a kélxátamakxa nak chá'a. Megkeyxnak eykhe makham ma'a anmen yámet, tén han higo yámet, tén han yántakyexna, tén han olivo; sakhem sa' eyke ko'o weynhok agkések ektaqmalma kélheykha.”

Josué 14:12

Cháxa keñamak séltamho nak ko'o hegkések kaxwók ma'a yókxexma ekxámakxa nak meteymog élwenaqte, apxeyenmakxa axta hegkések ma'a Wesse' egegkok. Apya'ásegkok xép apheykencha'a Anac aptawán'ák neptámen ma'a, apteme axta xama énxet apwenaqte, yetnegkek han ma'a tegma apkelyawe apagkok, ekyennaqte kélhaxtegkesso nepyáwa'. Lapmaxcheyk sa' kexa hepasmok Wesse' egegkok alántekkesek ma'a apheykencha'a nak, cham'a aptémakxa axta seyánagkama.”

1 Samuel 6:5

Kóleykmássesha sa' tasqapma, tén han pomo'o aptawáseykencha'a nak negókxa, kóltemésses apcheymákpoho m'a Dios nak Israel; lapmaxcheyk sa' kamassegwók apkellegassáseykegkoho kéxegke, keñe han ma'a aqsok kéláyókxa nak chá'a, tén han kélókxa nak kéxegke.