Job 9:4 - Biblia Enxet

⁴ Awanhók agko' ektémakxa aqsok apya'áseykegkoho m'a Dios, tén han apmopwána, ¿yaqsa awanchek kalátegmoweyxche' tén han katnessásekxak kóneg?

Job 9:4 ပူးပေါင်းရင်းမြစ်များ

2 Crónicas 13:12

Kólya'asagkoho chá'a apha Dios negaqta'awók negko'o, tén han ma'a appasmo nak apkelmaxnéssesso énxet'ák apagkok, penchásexcheyk yaqwayam kólaqkahaksek ma'a kélaqkahasso nak, yaqwayam ómpakhak negko'o kéxegke. Énxet'ák Israel, nágkólnapaxche aqsa Wesse' egegkok, Dios apagkok axta m'a kélyapmeyk nano', megkólxoho'.”

2 Crónicas 20:6

aptáhak axta apkelmaxneya s'e: “Wesse' egegkok, Dios apagkok axta m'a ẽlyapmeyk nano', ¡xép apteme apkeláneykha néten, tén han apyókxoho pók aptémakxa nak énxet'ák! ¡Apmeyhek xép, yetneyk apmopwána: méko awanchek kanmexekxak xép!

Job 11:6

Keñe exekmósek ma'a negya'ásegwayam eyápomáxko nak agya'asagkoho', cham'a ekmáske nak. Keñe ékpelchágwók aplegassásegkoho ketsék xép ma'a Dios, megkaxnawo m'a ekwánxa nak eykhe ekpayhawo eñássesagkoho'.

Job 12:13

Dios akke m'a ekha nak apya'áseykegkoho, tén han apyennaqte; cha'a apkeláneykekxa han chá'a yaqwánxa etnehek ma'a, keytlawhok han chá'a apkelane,

Job 15:13

¿Yaqsa ektáha aptaqnawaya nak Dios, tén han memágweykxo appeywa appaqhetchesa?

Job 23:6

Yeyxhok sa' ko'o sektáhakxa sekpeywa m'a, ménnaqtések sa' appeywa hélána', memha sa' ma'a ektémakxa nak ekha apmopwána

Job 24:22

Elyaqnegkeshok eyke chá'a Dios yetlo apyennaqtésso apyempehek ma'a apkelyennaqte nak; apkelanak agkok chá'a aqsok, méko kawagkasaxchek teyp.

Job 28:23

Dios aqsa apya'ásegkok ekyetnamakxa m'a negya'áseyak; wánxa apwanchek éteyekxak ma'a,

Job 36:5

Apmeyhók apagko' ma'a Dios apwanchek apagko' han aqsok, metaqnókkehek ma'a énxet meyke nak aptémakxa.

Job 37:23

Mogwanchek agya'asagkohok ma'a Ekha nak Apyennaqte, apmeyhók apagko' ma'a, appéwomo nahan; péwók nahan aptémakxa, metnéssesek han apyeykhamap pók elanok énxet'ák.

Job 38:36

¿Yaqsa élmésso élya'áseykegkoho aqsok ma'a náta, cham'a kesseyána', tén han tat'a kennawo'?

Job 38:37

¿Yaqsa ekyetna ekmowána agko' aqsok yaqwayam kay'asagkohok ekwánxa m'a yaphope? ¿Yaqsa awanchek kalyegkenek yaqwayam enxoho kamme',

Job 40:9

¿Apmeyhek enxeykel'a exchep, sektéma nak ko'o? ¿Kaxtegyawhoya exchep xa appeywa ektéma nak ko'o?

Job 41:2

¿Apwancheya elántaxnéssesek aweyhek táma', essenhan emallahanchessesek sawo ekhaxe amáxempenek?

Job 6:10

Askehek sa' eykhe katnehek seklegeykegkoho, kapayhekxak sa' eyke aqsa ewáxok, hakte élyeheykekxók ko'o chá'a m'a segánamakxa apagkok nak Dios appagkanamap.

Job 9:19

¿Péya eynnaqtések ko'o émpehek ay'ókxa'? Apmeyhók apagko' eyke m'a. ¿Ayentamoya m'a sẽlyekpelchémókxa nak? ¿Yaqsa sa' kayentemegma'?

Salmos 104:24

¡Wesse', xamók agko' xép aqsok apkelane! Yetlo apya'áseykegkoho apkelanék ma'a ekyókxoho nak; ¡sawheykekxók ekyókxoho xapop ma'a aqsok apkelane!

Salmos 136:5

Apkelane nak néten, yetlo apya'áseykegkoho, hakte megkamassegwomek chá'a segásekhayo.

Éxodo 15:7

“Yetlo ekyawe apmopwána axta exchep apkeltekpagágkok ma'a ektáha axta apkenmexeykekxa; aplókók apagko' axta exchep, apkelmetchek axta nahan ma'a, máxa axta aptamhágkok ma'a ektémól'a pa'at apák kalmétek.

Éxodo 9:7

Apkeltamhók axta kólteyánegkessekxohok faraón ma'a kélnaqtósso nak Israel, wetáxcheyk axta nahan méko xama enxoho étsapma kéltósso m'a. Apyennaqtéssek axta aqsa makham apwáxok, maxta ya'awok elxog ma'a israelitas.

Proverbios 28:14

Apkeleñémo énxet melwátésseyam nak apteme apcháyo Wesse' egegkok; aqsok ekmaso sa' eyke káhapwak ma'a énxet ekyennaqte nak apwáxok.

Proverbios 29:1

Énxet apyennaqtésso nak apwáxok kólnókasha, kaxwo' agko' sa' kólmasséssók meyke apwayam teyp.

Isaías 45:9

Aphawók pók ma'a yátegwáxwa, mopwanchek elátegmoweykpok ma'a ektáha nak apkelane. Megkatnehek kának yelpa' ektáha nak apkelane s'e: “¿Yaqsa apkelana?”, Megkatnehek nahan kának apkelane nak chá'a aqsok étkók éltaqmalma s'e: “Mopwanchek xép aptamheykha.”

Jeremías 50:24

Babilonia, xép apagko' axta appekkenma kelhanma, métégkok han ekmákxo. Apmákpe', hakte apkenmexeykekxeyk ma'a Wesse' egegkok.

Daniel 2:20

aptáha appeywa s'e: “Kólpeykeshok sa' chá'a Dios apwesey meyke néxa', hakte apagkok ma'a ektémakxa nak negya'áseyak, tén han ekha negmowána.

Nahúm 1:3

Mepekhaksek chá'a elwok ma'a Wesse' egegkok, apmeyhek eyke, megkatnehek chá'a mellegassáseykegkoho m'a apkelsexnánémap nak. Exog chá'a Wesse' egegkok ma'a neyseksa éxchahayam ekyennaqte, cha'a ekpánchesso apmagkok ma'a yaphope nak.