Job 8:9 - Biblia Enxet

⁹ Kaxwe eyke negko'o, magya'ásegkok aqsok; hawók ektémakxa negko'o negheykha náxop ma'a ektémól'a kayeykhak pessesse.

Job 8:9 ပူးပေါင်းရင်းမြစ်များ

Génesis 47:9

Aptáhak axta apchátegmowágko Jacob se'e: —Ciento treinta apyeyam ahagkok ko'o entáhak sekweynchámeykegkaxa'. Apqántawók apyeyam ahagkok sekweynchámeykha, yókxoho apyeyam sekwete ekmaso sekha, mathanyeykekxak ma'a ekweykenxa axta apheykha élyapmeyk nano'.

1 Crónicas 29:15

Hakte máxa negko'o nápaqtók xép ma'a énxet'ák apkeleñama nak mók nekha, apkelwe nak chá'a yaqwatakxoho, ekhawo ektamheykegkaxa axta apheykha m'a apyókxoho ẽlyapmeyk nano', máxa pessesse temék negko'o nélyennaqte s'e náxop, mogwanchek antaqheksohok ma'a nétsapma.

2 Crónicas 10:6

keñe axta wesse' apwányam Roboam apkelmaxneyáncha'a m'a apkelámha apmonye'e ektáha axta apkeláneykha m'a Salomón, apyáp axta, megyetsapmakxa axta makham. Aptáhak axta apkelmaxneyáncha'a s'e: —¿Háxko kéltamhókxa kéxegke atnehek wátegmowagkok ma'a énxet'ák nak?

Job 14:1

Yaqwátawok negha negko'o s'e náxop nak, xámok agko' ektémakxa ekyentaxno negha, nélyelqáxko', eyeynamo m'a sekxók axta nempalleykmo.

Job 14:2

Máxa m'a ektémól'a pánaqte exnók kaxwe élánteyapmal'a, keñe kalyameygkok; neghawók ma'a ektémól'a pessesse kaxog keñe kamassegwók.

Job 32:7

Exchek táhak ewáxok se'e: “Elpaqmétek apagkok xa apkelya'áseykegkoho nak ekyókxoho aqsok; exekmósek sa' ektémakxa apkelya'áseykegkoho hakte apxámok apyeyam apkelweynchámeykha keso náxop.”

Job 7:6

Chágketwokmek néxa sekha, méko kaxwók aleyxek, yahamok agko' ekxega máxa m'a yámet ekmanyehel'a kélatcháseyak kélótma.

Job 8:10

Apwanchek eyke exchep eltennasha m'a nanók énxet'ák nak, tén han elxekmósek ekxámokma agko' aqsok.

Salmos 102:11

Hawók ko'o sekha m'a ektémól'a pessesse kayeykha'; máxa pa'at élyamaye temék émpehek ekyamáya.

Salmos 102:12

Wesse', megkamassegwomek eyke exchep apteme Wesse' apwányam; ¡kaxénwakxohok sa' aqsa chá'a kélwáxok apwesey!

Salmos 144:4

Aphawók xama nentekkesól'a nennama m'a énxet; yahamok kamaskok apyennaqte ektémól'a pessesse kamallánek,

Salmos 39:5

Yaqwátawók ko'o exchep segkésso sekha, yaqwátawók ko'o sekyennaqte nápaqto' xép. ¡Apyókxoho énxet apteme máxa éxchahayam ekmassegweykmohol'a aqsa!

Salmos 82:5

“Makke kólya'ásegkok kéxegke, megkólyekpelcheyk nahan; kélweynchámeykha aqsa ekyáqtésakxa exma. Yawheykha m'a awhak nak xapop.

Salmos 90:4

Máxa xama ekhem agko' xép elanok ma'a mil apyeyam, ekyeyk'a enxoho hemaxta. ¡Máxa ekmanyehel'a kaxog hora axta'a!