Job 8:3 - Biblia Enxet

³ Hakte Dios ekha nak Apyennaqte, mopwanchek elának ma'a aqsok megkapéwomo nak, kapéwhok chá'a m'a aqsok apkelanakxa enxoho.

Job 8:3 ပူးပေါင်းရင်းမြစ်များ

Génesis 18:25

Mopwanchek xép elának xa, elnápok ma'a meyke nak apkeltémakxa yetlo m'a élmasagcha'a nak apkeltémakxa, hakte máxa katnehek ekhawo enxoho mók apkeláneyak melya'assáxma xa. ¡Ná elána aqsa xa! Xép apteme segyekpelchémo apsawheykekxoho ekyókxoho yókxexma keso náxop. ¿Metnésseseya m'a ekpayhawo nak etnéssesek?

2 Crónicas 19:7

Kóláwho sa' chá'a Wesse' egegkok, kóllanagkoho sa' chá'a m'a aqsok kéllanakxa enxoho, hakte mopmenyék agko' Dios Wesse' egegkok ma'a aqsok megkapéwomo nak, tén han apyeykhamap nak anlanok pók egmók, tén han nenxawe nak selyaqye yaqwayam manxének ekpayhawo nak eykhe anxének.”

Job 10:3

¿Táseya aptémakxa exchep setwáseykegkoho sektáhakxoho eykhe ko'o exchep apkelane? ¿Táseya aptémakxa sewanyeykencha'a, tén han ekleklamo chá'a apwáxok apkelányo ektémakxa aqsok apmáheyo elanagkok ma'a élmasagcha'a nak apkeltémakxa?

Job 19:6

Kólya'asagkoho aptáha ko'o señassáseykegkoho m'a Dios, cham'a apkeltémo han hemok ko'o m'a kelhanma nak.

Job 19:7

Ektáhak agkok ko'o sélpáxaméncha'a s'e: “¡Peyk amátog!” méko heyátegmowagkok; éltamhók agkok nahan hélpasmok, méko han hélánekxések amya'a.

Job 21:15

¿Yaqsa m'a ekha nak Apyennaqte, yaqwayam enxoho negko'o ólpeykesho'? Méko aqsok negko'o hegwetaksek ólmaxnak nápaqto' ma'a.”

Job 21:20

Cháxa payhawok exkak kéllegassáseykegkoho m'a eñama aplo m'a ekha nak Apyennaqte.

Job 34:5

Axta aptemék chá'a Job se'e: “Méko sektémakxa ko'o, makke emáheyók hélánekxések amya'a m'a Dios.

Job 35:13

Megyeyxók Dios ekha nak Apyennaqte m'a negmowána amya'a nak.

Job 36:23

méko xama énxet apwanchek eltennaksek eyeyméxchexa elána', tén han exénchásekxohok aptémakxa eyesagko aptáhakxa'.

Job 36:3

Amha sa' ko'o ektémakxa nak ekyawe agko' sekya'áseykegkoho, yaqwayam sa' axekmósek ekpayhawo aptémakxa m'a aptáha nak Senlane.

Job 37:23

Mogwanchek agya'asagkohok ma'a Ekha nak Apyennaqte, apmeyhók apagko' ma'a, appéwomo nahan; péwók nahan aptémakxa, metnéssesek han apyeykhamap pók elanok énxet'ák.

Job 4:17

“¿Apwancheya énxet etnehek appéwomo nápaqtók Dios? ¿Apwancheya etnehek eyáxñeyo aptémakxa nápaqtók ma'a ektáha axta apkelane?

Job 40:8

¿Péya exchep hexének megkapéwomo sektémakxa, tén han seksexnenagko, keñe exchep etnehek máxa meyke aptémakxa'?

Salmos 89:14

Appekkenmeyk apkelánekxésso ektaqmalma apheykha énxet'ák ma'a aptémakxa nak wesse' apwányam, tén han ekpéwomo agko'; wetamaxcheyk segásekhayo, tén han mehenyenyaweykha eñama m'a aptémakxa nak chá'a aqsok apkelane.

Salmos 99:4

Xép apteme Wesse' Apwányam ekha apyennaqte, apmopmenyého nak nentémakxa ekpéwomo; xép apagko' appekkenma meyke ekyeykhamaxche mók nentémakxa. Appékessessamók axta chá'a exchep apkelánéseykekxa apheykha m'a Jacob énxet'ák apagkok, yetlo ektaqmalma aptémakxa.

Ezequiel 18:25

Hélxének sa' ko'o kéxegke megkapayhawo aqsok sélane; kóleyxho, kéxegke énxet'ák Israel. ¿Xéncheya kélwáxok kéxegke megkataqmela aqsok sélane? ¿Háweya kéxegke m'a megkataqmalma nak chá'a aqsok kéllánéyak?

Ezequiel 33:17

Hexének sa' ko'o megkapéwo aqsok sélane m'a apchókxa xamo' nak xép; eyke naqsók meláneykegko chá'a aqsok ekpéwomo m'a.

Ezequiel 33:20

Keñe kéxegke kéltáha chá'a kélxénákxoho s'e: ‘Megkapéwok aqsok apkelane m'a Wesse' egegkok.’ Alyekpelkohok sa' eyke chá'a ko'o kélxama kéxegke, israelitas, ekhawo m'a ektémakxa nak chá'a aqsok kéllánéyak.”

Daniel 9:14

Wesse' egegkok, cháxa keñamak senlánéssama nak negko'o yaqwayam henlegássesagkohok xa aqsok ekmaso nak, tén han apcháphasa negyeseksa negko'o; hakte péwók chá'a katnehek ma'a ekyókxoho aqsok apkelane nak xép, Dios Wesse' egegkok; makke negko'o agmáheyók ageyxhok chá'a exchep.

Deuteronomio 32:4

Cha'a apteme segmasma m'a; kelpéwók ma'a aptamheykha nak, kelpéwók nahan chá'a m'a aqsok apkelane nak. Cha'a apteme Dios apmámnaqsoho m'a, méko xama aqsok enxoho megkapéwomo apkelane; ¡appéwomo m'a tén han apmámnaqsoho!