Job 7:1 - Biblia Enxet

¹ Yentexek ektémakxa apha énxet keso náxop, hawók ma'a ektémakxal'a apkelane aptamheykha sẽlpextétamo,

Job 7:1 ပူးပေါင်းရင်းမြစ်များ

Job 10:17

Megkameykehek chá'a énxet séláneykha yaqwayam eltennasha sektémakxa ko'o exchep; Yágweykmók aqsa setaqnagko; ¡máxa sẽlpextétamo aptemék sektámeykmo meyke néxa'!

Job 14:1

Yaqwátawok negha negko'o s'e náxop nak, xámok agko' ektémakxa ekyentaxno negha, nélyelqáxko', eyeynamo m'a sekxók axta nempalleykmo.

Job 5:7

énxet keñamak ekteyapmakxa m'a nenlegeykegkoho nak, ektémól'a táxa éllo kalchampa'.

Job 7:2

máxa m'a kélásenneykha naqsa apmáheyól'a eykhe chá'a exek ma'a pessesse, máxa m'a kélásenneykha ekpekhéssól'a emok ekyánmaga aptamheykha.

Salmos 39:4

“Wesse', héltennés hana, háxko sa' ko'o hetnehek, háxko sa' ekwánxa ekhem aweynchamha, yaqwayam enxoho ay'asagkohok yaqwátawok sekha.

Eclesiastés 8:8

Méko ekha ekmowána kamagkok ektémakxa nak negyennaqte, méko han ekmowána kanókasha m'a nétsapma nak. Méko awanchek kaxyánegkesek xa kempakhakma nak. Megkawagkasek teyp aptémakxa ekmaso m'a énxet ekmaso nak aptémakxa.

Isaías 16:14

Aptáhak kaxwók Wesse' egegkok se'e: “Kólmasséssók sa' ektémakxa nak ekha ekyennaqte Moab ma'a ekwokmo sa' apqántánxo apyeyam, ektémól'a m'a xama énxet kélméssól'a aptamheykha ekweykmoho apqántánxo apyeyam, megkeyxek sa' apxámokma énxet apheykha m'a kañe', apqántawók apagko' sa' eleymakpok, mékoho sa' nahan etnahagkok.”

Isaías 21:16

Aptáhak seyáneya Wesse' egegkok se'e: “Wokmek sa' agkok xama apyeyam kamassegwók sa' ektémakxa nak eyeymáxkoho m'a Quedar, ektémól'a m'a énxet kélyánmagkassól'a aptamheykha kammok néxa apxawe aptamheykha.

Isaías 38:5

ey'ókxak etnehek yának Ezequías se'e: “Aptáhak Wesse' egegkok se'e, cham'a Dios apagkok nak ma'a apyáp nano' David: ‘Ekleg'ak ko'o exchep apkelmaxnagko, ekwet'ak nahan ma'a apaqtégmenek. Agkeyásekxak sa' ko'o makham xép quince apyeyam apweynchámeykha.

Isaías 40:2

kólpaqhetchesha yetlo éltaqmeleykha kélwáxok ma'a énxet'ák Jerusalén, kóltennés ekmassegwokmo kaxwo' ma'a ektémakxa nak kélásenneykha naqsa ekyentaxno, kóltennés appenchesa apyaqmagkáseykekxa mók ma'a aqsok melaqhémo, tén han sekyeykhássekmoho ko'o séllegassáseykegkoho ekyókxoho m'a melya'assáxma.”

Levítico 25:50

elyetsátekxohok sa' xamo' ma'a ektáha axta apma, eyeynamo m'a apyeyam apyenyawákpo axta, ekweykmoho apyeyam sẽlchexeykekxexa nak: kólhéshok sa' ekwánxa ekyánmaga m'a apyeyam kélyamasma, keñe sa' ma'a ekhem aptamheykha, kólyetsátekxak sa' ekweykenxa nak chá'a kélyánmagkasso kélmésso m'a apkeltamheykha nak chá'a.

Deuteronomio 15:18

Nágkasagkoho chá'a apwáxok ekxeykxak ma'a apkelásenneykha naqsa nak, hakte seis apyeyam chá'a weykmok apkeltemessáseykha exchep ma'a, náxet ma'a ekweykenxal'a chá'a kélyánmagkasso aptamheykha xama énxet ekha nak chá'a kélyánmagkasso aptamheykha; egkések sa' chá'a ektaqmalma ekteyapma ekyókxoho aqsok apkelanakxa enxoho chá'a exchep ma'a Dios Wesse' apagkok.