Job 41:3 - Biblia Enxet

³ ¿Kaltamhoya sa' kayóshok elano'? ¿Kayóshoya sa' ekpeywa kalának kának metnéssessamók exma ekmaso?

Job 41:3 ပူးပေါင်းရင်းမြစ်များ

Job 41:2

¿Apwancheya elántaxnéssesek aweyhek táma', essenhan emallahanchessesek sawo ekhaxe amáxempenek?

Job 41:4

¿Kánaya sa' chá'a etnehek apkeláneykha meyke néxa?

Salmos 24:1

Wesse' egegkok apagkok keso nélwanmeygkaxa, tén han ma'a ekyókxoho aqsok ekhéyak nak awáxok, tén han ma'a ekyókxoho élleykha nak.

Salmos 55:21

Elmaha chá'a m'a apkelpeywa éltaqmalma nak, ekyeykhágweykmohol'a m'a weyke nam'agkok apyegmenek pexmok agkok, keñe m'a apkelwáxok nak élxéneykencha'a m'a kempakhakma. Elmaha chá'a m'a apkelpeywa éltaqmalma nak, ekyeykhágweykmohol'a m'a pexmok égmenek, sawo élmahamtakcha'a eyke m'a apkelpeywa nak.

Éxodo 19:5

Élyahákxók agkok chá'a ko'o kélyókxoho nak, kéllana enxoho chá'a m'a ekhémo mók nélpaqhetchásamáxkoho ahagkok, atnehek sa' énxet'ák ahagkok ahagko' nepyeseksa m'a apyókxoho énxet'ák nak keso náxop, hakte ko'o sekteme ahagkok se'e ekyókxoho nak keso náxop.

Proverbios 15:1

Kamasseksohok chá'a aplo egmók ma'a nentaqmelchessamo nak negátegmowéyak; kayágwomhok eyke chá'a aplo m'a nempaqhetchesa enxoho ekyennaqte.

Proverbios 18:23

Apkelmaxneyáha agkok chá'a aqsok pók ma'a meyke nak aqsok apagkok, etaqmelcheshok chá'a appaqhetchesso; keñe kayhek chá'a katnehek apchátegmoweykegkokxa m'a énxet ekxákma nak aqsok apagkok.

Proverbios 25:15

Kamasseksohok aplo wesse' m'a mampekhésamaxche nak chá'a ampaqhetchesek; kalekwomhok apwáxok ma'a ektaqmeleykha nak nempeywa anlána'.

Isaías 30:10

Etnehek chá'a elának énxet'ák apkelwetayo nak chá'a aqsok se'e: “Nágkayet akke aqsok kélwete”, keñe chá'a etnehek elának apkellegasso nak Dios appeywa s'e: “Ná hẽltennasha eyke aqsok ekxekmowásamáxkoho ekmámnaqsoho nak; hẽltennasha aqsa chá'a m'a amya'a ekmátsa nak ageyxho'; náhentawássesha m'a aqsok élxéneykencha'a nak egwáxok agweta'.

Hageo 2:8

“Ahagkok ko'o m'a sawo ekmope élmomnáwa, tén han sawo ekyátekto élmomnáwa.