Job 41:1 - Biblia Enxet

¹ Tén han ma'a Leviatán ¿yásekkeseya sa' sókhaxe? ¿Apwancheya ethetchesek axkok ma'a táma'?

Job 41:1 ပူးပေါင်းရင်းမြစ်များ

Génesis 9:10

tén han ma'a ekyókxoho aqsok nawha'ák élyáqtama nak xamók kéxegke, cham'a élánteyapma axta yántakpayhe: náta, tén han ma'a aqsok megkalmeymentakcha'a nak, tén han ma'a élmeymentakcha'a nak, tén han ekyókxoho aqsok nawha'ák élleykha nak keso náxop.

Job 3:8

¡Tásók axtal'a yónek elxénmakha ekmaso apkelyohóxma xa ekhem nak, apkelásenneykha nak chá'a m'a Leviatán, cham'a yéwa ekwányam!

Job 40:24

¿Yaqsa awanchek kamok, tén han kalhexyawássesek aqta'ák, essenhan kathetchesek aweyhek táma'?

Salmos 104:26

cha'a élweynchámeykegkaxa yántakpayhe m'a, cha'a ekyetnamakxa yegmen askok ekyawe Leviatán ma'a, apkeláneya axta yaqwayam eneykesha chá'a.

Salmos 74:14

apkelpáxqatchessegkek axta apqatkok ma'a yegmen askok ekyawe Leviatán, apcheykegkek axta ápak ma'a aqsok nawha'ák éllo élleykha nak yókxexma meykexa énxet.

Isaías 27:1

Elyetxák sa' sókwenaqte apagkok Wesse' egegkok yéwa ekwányam ekwesey nak Leviatán xa ekhem nak, cham'a sókwenaqte apagkok ekmahamta nak, tén han ekyawe, ekha nak ekyennaqte, yéwa ekwányam élyaqseykekxohol'a, yéwa ekwányam ekpexyaweykegkohol'a náxop kaxog, yaqhek sa' nahan ma'a yegmen askok ekyawe ekyetnama nak ma'a wátsam ekwányam.