Job 3:5 - Biblia Enxet

⁵ ¡Tásók axtal'a kápok pessesse yaqwayam kayáqtéssesek exma, essenhan kápok yaphope ekpésyam, essenhan kaspónak ekhem keygwakkasek!

Job 3:5 ပူးပေါင်းရင်းမြစ်များ

Job 16:16

Yephék nahát sekwóno; kelhagqak ahaqta'ák,

Job 24:17

Ekyentaxno ekyáqtésso aptemessáseykekxak apkelányo m'a ekhem éltátchesso nak; megkalyegwakkasek axta'a m'a aqsok segyegwakkassamo nak.

Job 28:3

Yápogwatchesek chá'a énxet ma'a ekyáqtéssamakxa nak exma: elántexek chá'a m'a kañók agko' nak, keñe etegyagkok chá'a meteymog ma'a ekyáqtésakxa nak exma.

Job 3:4

¡Katnekxoho axtal'a ekyáqtessóxma xa ekhem nak, megkaxének axta nahan apwáxok Dios, tásók axtal'a megkalsakyehe'!

Job 3:6

¡Katnoho annaxtal'a aqsa ekyáqtessóxma xa axta'a nak, keñe axta megkólyetsetagkehek chá'a ekhem, pelten ma'a apyeyam!

Job 34:22

Méko ekyáqtésso exma ekyentaxno agko' awanchek kakpósek ma'a ekmaso nak aptémakxa'.

Job 38:17

¿Apweteyaya han ekheykegkaxa m'a atña'ák ekyáqtéssamakxa exma apkelmaheykegkaxa nak apkeletsapma?

Salmos 107:10

Apheykha axta neyseksa ekyaqtéssamakxa agko' exma, negmomaxchexa' eklegeykegkaxa nak egwáxok, tén han cadenas,

Salmos 107:14

apkelántekkessegkek axta m'a neyseksa ekyaqtéssamakxa agko' nak exma, apkelyétekkessessegkek axta han cadenas.

Salmos 23:4

Ekxegkek agkok ekyáqtésakxa exma m'a ekyapwátegweykenxa nak xapop, magwakyek xama enxoho aqsok ekmaso, hakte sekxegexma ko'o exchep Wesse'; hegkések chá'a meyke ektamheykha ewáxok ma'a aptasqapeykha nak, apmeykencha'awól'a chá'a eltaqmelchesek nepkések.

Salmos 44:19

Keñe exchep sennaqtawáseykegkoho segkexakhagweykmo m'a élleykegkaxa nak semheg nawha'ák éllo. ¡Egáhakkassegkek ekyáqtessóxma ekmaso!

Isaías 9:2

Apkelwet'ak ekyawe agko' élseyéxma m'a énxet'ák apkelweynchámeykencha'a nak ekyáqtésakxaxma; xama élseyéxma élsássessóxma m'a énxet'ák apheykencha'a nak ekyaqtéssamakxa agko' exma.

Jeremías 13:16

Kólteme chá'a kéláyo Dios Wesse' kélagkok, amonye' apcháphasso m'a ekyáqtessóxma, tén han kélpelapmeykha kéxegke m'a egkexe ekyaqtéssamakxa nak exma; amonye' aptemessáseykekxa ekyaqtessóxma ekyentaxno agko' ma'a élseyéxma, kélhaxanma nak kéxegke.

Jeremías 2:6

Axta kalyetnakhayók apkelwáxok hektamok ko'o, ektáha axta sélántekkesso m'a Egipto, ektáha axta seknaqleykha m'a yókxexma meykexa nak énxet, ekyamáyekxa nak xapop, ekxámokmakxa nak maxcha'a élmattawóneg, yókxexma meykexa nak yegmen, ekxámokmakxa nak aqsok eyeymáxche', yókxexma meykexa nak ekha, meyke nak ekyeykhágwayam ma'a.

Jeremías 4:28

Kasawhekxohok sa' ekyaqhapmóxma náxop, keñe sa' néten kayaqtések exma. Ekxénchek ko'o xa, megkaqhek sa' nahan ewáxok, ekpenchessek yaqwayam alána', malwátéssemek sa' nahan.

Ezequiel 30:3

eyágketwa'a nak; ¡chágketwa'ak Wesse' egegkok ekhem apagkok! ¡Katnehek sa' xama ekhem yaphope néten, xama ekhem ekmaso agko' apagkok ma'a pók aptémakxa nak chá'a énxet'ák!

Ezequiel 34:12

Sa' atnehek ko'o keytnakhaksohok ewáxok nepkések seknaqtósso m'a aptémól'a keláneykha nepkések keytnakhaksohok apwáxok yexpaqnek ma'a nepkések apnaqtósso; anaqlósawakxak sa' ma'a yókxexma apkelmaheykegkaxa axta apkexpánma ekwa'a axta ekhem ekmaso tén han éxchahayam ekyennaqte.

Joel 2:2

ekhem ekyáqtésso exma tén han ekho axta'a, yaphope ekyentaxno ekho pessesse. Apsawhawók sẽlpextétamo apkelyennaqte, tén han apxámokma m'a néten egkexe nak, máxa aptáhak ma'a ektémól'a ekyetcheyam la'a amonye' élseye. Megkótémaxchek chá'a katnehek nanók axta xa ektéma nak, megkólwetekxók sa' nahan chá'a katnekxa'.

Amós 5:8

Wesse' egegkok, apkelane nak ma'a élántépeyam tén han ma'a yaw'a apchaqneykekxa nak, cham'a aptemessáseykekxa han chá'a axta'a ekhem ma'a, keñe nahan ekhem aptemessáseykekxa chá'a axta'a ekyáqtéssóxma; cham'a apkelwóneykha nahan chá'a yegmen ma'a wátsam ekwányam nak, keñe eyegkenek chá'a keso náxop; cha'a apteme han apketsagkasso chá'a tegma apyennaqte nak ma'a, ekweykmoho m'a kélhaxtegkesso nak ekyennaqte nepyáwa'. Wesse' egegkok, cháxa apwesey xa.

Amós 8:10

Kéllekxagweykegkaxa eñama apkeletsapma énxet sa' atnessásekxak ma'a ekhem kélessawassessamókxa nak chá'a, keñe sa' kélmeneykmasso katnekxak ma'a senlapweykenxa; wának sa' ko'o kólántaxnekxak kéxegke m'a apáwa sẽlwáxaqxamo nak, tén han kólmopaksohok kélyese magkenatchesso éllapwámegko. Máxa sa' kóltéhek kóllekxagwaha m'a aptémól'a énxet elekxagwaha exyánegkesek apketche apteme nak wánxa xama apagko', kélyókxoho sa' kalyélaqtések kéllegeykegkoho ekmáske.

Deuteronomio 4:11

Kélaqnágweykmek axta kéxegke m'a awhak egkexe nak, ekteyapmakxa axta nahan táxa eyáléwe ekmeyeykekxo netnók agko', yaphope ekyentaxno agko' axta nahan tamheykekxak tén han ekpésyam;