Job 27:7 - Biblia Enxet

⁷ ¡Apyókxoho sélenmexeykha nak chá'a ko'o kaxhok sa' ektáhakxa m'a ektémakxa nak chá'a m'a élmasagcha'a apkeltémakxa, tén han megkapéwomo nak chá'a apkeltémakxa!

Job 27:7 ပူးပေါင်းရင်းမြစ်များ

2 Samuel 18:32

Apkelmaxneyáha axta wesse' apwányam ma'a énxet Etiopía: —Kenhan ma'a Absalón, ¿táseya apha? Apchátegmowágkek axta énxet Etiopía: —Emassegwomho annal'a apkelenmexma nak xép, wesse', tén han ma'a apyókxoho apkenmexeykekxa nak chá'a exchep, tén han ma'a apmáheyo nak chá'a etnéssessamhok exma ekmaso exchep, ekhawo ektáhakxa nak ma'a wokma'ák nak.

Job 27:6

Malwátéssemek sa' sekxeyenma sekteme meyke sektémakxa, hakte méko aqsok kamegqaksek ewáxok.

Job 27:8

¿Yaqsa aqsok eleyxek kaxwók ekmaso aptémakxa apmasséssesa enxoho apweynchámeykha m'a Dios?

Job 31:35

¡Yeyxho annal'a sekpeywa xama énxet! ¡Sekwesey chá'a ko'o apekkenek sektáhakxa enxoho chá'a sekpeywa; heyátegmowagkok sa' kaxwók ma'a ekha nak Apyennaqte! Tásek kanaqtáxésaxchek ma'a aqsok sélpehésseyam nak chá'a ko'o sélane,

Daniel 4:19

“Keñe axta Daniel, kéltéma nak han Beltsasar, apwanmeya sekxo', ekyegwakkasa m'a ektáhakxa axta apwáxok. Ektáhak axta ko'o seyáneya, sektáha nak wesse' apwányam: ‘Beltsasar, nágkatnéssesha aqsa apwáxok sekwanmagko, sekwete exchek ko'o, keñe han yaqwayam nak héltennaksek.’ Aptáhak axta Beltsasar apchátegmowágkokxo: ‘¡Hay, wesse' apwányam, kalpehewakxoho annal'a apkelenmexma xa ektáhakxa nak apwanmagko!

1 Samuel 25:26

Ekya'ásegkók ko'o megya'awo elnápok xép énxet'ák ma'a Wesse' egegkok, tén han megya'awo exnéshok mók ma'a apteméssessamakxa'. ¡Éltamhók ko'o etnéssesek Wesse' egegkok, Nabal ma'a apteméssesakxa enxoho apyókxoho m'a apkelenmexma nak chá'a exchep, tén han apmáheyo nak chá'a etnéssessamhok exma ekmaso!