Job 2:3 - Biblia Enxet

³ Tén axta Wesse' egegkok aptáha apcháneya s'e: —¿Wet'aya m'a séláneykha apwesey nak Job? Méko xama énxet aphawo s'e náxop nak, meheyenseykmok apteme séláneykha, péwók agko' nahan aptémakxa, méko ekmaso enxoho aptémakxa, apkeláneykegkók aptémakxa yaqwayam melanyek xama aqsok ekmaso. Keltamhók eykhe exche' agkések yaqwayam kagkések ekmaso apha meykexho aptáhakxa, makke kamassegwokmok ma'a aptémakxa nak meyke aptémakxa ekmaso.

Job 2:3 ပူးပေါင်းရင်းမြစ်များ

Génesis 6:9

Keso ektémakxa axta ekxénamaxche apha Noé s'e: énxet ekpéwomo aptémakxa axta Noé, elyahakxohok axta chá'a m'a Dios, wánxa axta aqsa han apxakko' chá'a apkeláneya ektémakxa apmopmenyého Dios, nepyeseksa m'a énxet'ák aphamakxa axta.

2 Samuel 20:20

Apchátegmowágkek axta Joab: —¡Megkaxeyenmak ko'o ewáxok atnehek xa! Háwe sekmáheyo amasséssók tén han atnessásekxak nápakha'a apketkók.

Job 1:1

Aphegkek axta xama énxet ma'a yókxexma Us apwesey axta Job. Péwók axta aptémakxa, méko axta aqsok ekmaso apkelane, apteme axta meyenyaweykha apkeláneykha m'a Dios, apkeláneykegkoho aptémakxa yaqwayam melanyehek xama aqsok ekmaso.

Job 1:11

Elyementemekxa hana ekyókxoho aqsok apagkok, keñe sa' étak eyemnaha nápaqtók xép ma'a.

Job 1:6

Xama ekhem axta ekwokmo yaqwánxa yaqnekxak nápaqtók Wesse' egegkok ma'a apkeláneykha apheykha nak néten, keñe ekwokmo han nepyeseksa m'a aqsok ekmowána nak hensexnena'.

Job 1:8

Tén axta Wesse' egegkok aptáha apcháneya s'e: —¿Wet'aya m'a séláneykha apwesey nak Job? Méko xama énxet aphawo s'e náxop nak, meheyenseykmok apteme séláneykha, péwók agko' nahan aptémakxa, méko ekmaso enxoho aptémakxa, apkeláneykegkók aptémakxa yaqwayam melanyek xama aqsok ekmaso.

Job 13:15

Heyaqhek sa' eykhe, malwátessemek sa' eyke sektémakxa nak chá'a sekpeywa, yaqwayam altennaksek nápaqtók sekteme meyke sektémakxa'.

Job 2:2

Apkelmaxneyáha axta Wesse' egegkok: —¿Háxko eñamakxa'? Chátegmowágkek axta m'a aqsok ekmowána nak hensexnena': —Ekweynchámeykha aqsa ko'o s'e ekyókxoho yókxexma nak.

Job 2:4

Chátegmowágkek axta eyke Wesse' egegkok ma'a aqsok ekmowána nak hensexnena': —Agkok anteméssessekmohok exma ekmaso apyókxa xama énxet, tásek aqsa katnehek. Apwanchek ekxák ekyókxoho aqsok apagkok énxet yaqwayam enxoho eweynchamha chá'a.

Job 9:17

Heyhak kexa éxchahayam ekyennaqte, hexámassesagkok sélyense meykexho sektáhakxa';

Job 9:20

Hexének sa' eyke ko'o seksexnánémaxche, tén han ekmaso sektémakxa, neyseksa ekpéwomo sektémakxa meyke aqsok ekmaso sélane.

Salmos 26:1

Wesse', hexén ko'o meyke sektémakxa, hakte malaneyk ko'o xama aqsok ekmaso neyseksa sekweynchámeykha. Wesse', may'ásseykmok ahagko' ko'o exchep;

Salmos 37:37

Elano énxet meyke nak aptémakxa, tén han eyáxñeyo nak aptémakxa: yetneyk aptawán'ák neptámen ma'a énxet meyke nak ektáhakxa apha.

Salmos 41:12

Ko'o eyke hepásem, eñama eyáxñeyo sektémakxa, hexnés chá'a m'a aphakxa nak.

Proverbios 11:8

Emallahancheshok aqsok ekyentaxno Dios ma'a énxet ekpéwomo nak aptémakxa', keñe yának kaphewakxak aqsok ekyentaxno m'a énxet ekmaso nak aptémakxa'.

Proverbios 13:6

Aptémakxa ekpéwomo chá'a kamyók ma'a énxet meyke nak aqsok ekmaso apkelane; aptémakxa ekmaso eyke chá'a katsagkasek ma'a énxet mey'assáxma nak.

Proverbios 14:2

Apcháyo chá'a etnehek Wesse' egegkok ma'a ekpéwomo nak aptémakxa'; ewanyaha eyke chá'a m'a ekmaso nak aptémakxa'.

Proverbios 15:8

Etaqnawhok Wesse' egegkok aqsok apchaqhássesso m'a énxet élmasagcha'a nak apkeltémakxa', yetlo ektaqmeleykha apwáxok eyke chá'a emok takha' nempeywa nélmaxnagko apagkok ma'a énxet apkelpéwomo nak.

Proverbios 16:17

Negyamasma aqsok ekmaso apkeltémakxa nak ma'a énxet'ák élpéwomo nak apkeltémakxa; nenláneykegkoho nentémakxa', cháxa negmasma negyennaqte xa.