Job 10:3 - Biblia Enxet

³ ¿Táseya aptémakxa exchep setwáseykegkoho sektáhakxoho eykhe ko'o exchep apkelane? ¿Táseya aptémakxa sewanyeykencha'a, tén han ekleklamo chá'a apwáxok apkelányo ektémakxa aqsok apmáheyo elanagkok ma'a élmasagcha'a nak apkeltémakxa?

Job 10:3 ပူးပေါင်းရင်းမြစ်များ

Job 10:8

Xép apagko' axta han sélane, ¡keñe apmako kaxwók hemasséssók!

Job 14:15

Hewónmakha sa' xép, keñe sa' ko'o wátegmowagkok; kataqmalmakha sa' apwáxok hélano', hakte xép apteme sélane.

Job 15:13

¿Yaqsa ektáha aptaqnawaya nak Dios, tén han memágweykxo appeywa appaqhetchesa?

Job 16:11

Apchahayók Dios semoma ko'o m'a énxet'ák élmasagcha'a nak apkeltémakxa', tén han élyeyháxma nak.

Job 19:6

Kólya'asagkoho aptáha ko'o señassáseykegkoho m'a Dios, cham'a apkeltémo han hemok ko'o m'a kelhanma nak.

Job 21:16

(Háwe eyke apagkok ektaqmalma nak apheykha m'a élmasagcha'a nak apkeltémakxa. ¡Megkalxegkáseykha ko'o katnehek élchetamso ewáxok ektémakxa nak ma'a!)

Job 22:18

(Akke apxámássesso aqsok apagkok ma'a apxanák nak, ¡Megkalxegkáseykha ko'o katnehek élchetamso ewáxok ektémakxa nak ma'a élmasagcha'a nak apkeltémakxa!)

Job 30:21

Asagkek ko'o setnéssessamakxa exchep, eyaqmáseykha yetlo apmopwána.

Job 31:15

Dios aqsa senlane kañe' méme egagkok awáxok, apkelméssegkek apkelyennaqte m'a, ekhawo nahan ko'óxa.

Job 33:4

Dios ekha Apyennaqte axta ko'o sélane, egkéssegkek axta sekyennaqte apkennama.

Job 40:8

¿Péya exchep hexének megkapéwomo sektémakxa, tén han seksexnenagko, keñe exchep etnehek máxa meyke aptémakxa'?

Job 8:20

Meyenyawha eyke Dios ma'a énxet ekpéwomo nak aptémakxa, mepasmehek eyke m'a élmasagcha'a nak apkeltémakxa.

Job 9:22

Hawók mók ekyókxoho aqsok. Keso ektémakxa chá'a ko'o ewáxok se'e: emasséssók chá'a m'a apsexnánémap nak, tén han ma'a meyke nak aptémakxa.

Job 9:24

Apmeyáseykekxeyk Dios élmasagcha'a apkeltémakxa keso nélwanmeygkaxa', apkelpextehetchessegkek apaqta'ák ma'a segyekpelchémo nak. Háwe agkok Dios apteméssesso xa, ¿yaqsa katnehek ekteméssesso?

Salmos 100:3

Kólya'asagkoho Wesse' egegkok apteme Dios; cha'a senlane negko'o m'a, tén han apagkok; ¡negko'o nenteme énxet'ák apagkok, tén han nepkések apnaqtósso apkelleykha nak yókxexma apagkok!

Salmos 138:8

¡Elának sa' Wesse' egegkok ekxeyenmakxa axta apwáxok hetnéssesek! Wesse', megkamassegwomek xép segásekhayo; ¡ná eyensem aqsa mepenchesso m'a aqsok apkelane axta!

Salmos 69:33

yeyxhok chá'a apkelmaxneyéyak Wesse' egegkok ma'a apkelmopyóseka nak, meltaqheksók chá'a énxet'ák apagkok apkelmomap nak.

Isaías 64:8

Wesse', xép akke apteme negko'o egyáp; yelpa' negko'o, keñe exchep ma'a senlane nak chá'a; ¡negyókxoho negko'o nenteme senlane apagko' xép!