Job 1:8 - Biblia Enxet

⁸ Tén axta Wesse' egegkok aptáha apcháneya s'e: —¿Wet'aya m'a séláneykha apwesey nak Job? Méko xama énxet aphawo s'e náxop nak, meheyenseykmok apteme séláneykha, péwók agko' nahan aptémakxa, méko ekmaso enxoho aptémakxa, apkeláneykegkók aptémakxa yaqwayam melanyek xama aqsok ekmaso.

Job 1:8 ပူးပေါင်းရင်းမြစ်များ

2 Reyes 23:25

Méko axta xama wesse' apwányam aphawo, cham'a metyapmakxa axta tén han neptámen axta, apye'eykekxoho axta Wesse' egegkok ekweykmoho kañók agko' apwáxok, tén han ma'a élchetámeykegkaxa nak apwáxok, tén han ekweykmoho apyennaqte, ekhawo ektémakxa nak Moisés segánamakxa apagkok.

Nehemías 5:15

Axta etnaheykegkok ma'a apkeltaqmelchesso apkelókxa apmonye'e axta aptamhéyak, matnamakxa axta ko'o, apyentaxnéssessegkek axta apheykha énxet'ák, hakte yókxoho ekhem axta apkelméyak chá'a cuarenta sawo selyaqye élmope, yaqwayam etegyagkok aptéyak, tén han vino. Apnaqtawáseykegkók axta han énxet'ák ma'a apkeláneykha nak, makke ko'o atneyk xa ektáha nak, eñama seyáyo m'a Dios.

Job 1:1

Aphegkek axta xama énxet ma'a yókxexma Us apwesey axta Job. Péwók axta aptémakxa, méko axta aqsok ekmaso apkelane, apteme axta meyenyaweykha apkeláneykha m'a Dios, apkeláneykegkoho aptémakxa yaqwayam melanyehek xama aqsok ekmaso.

Job 12:4

Meyke sektémakxa eykhe ko'o méko han aqsok ekmaso sélane, hésmaksek aqsa chá'a m'a sélxegexma'a nak, yeyxhok axta han chá'a sélmaxnagko sélmaxneya enxoho m'a Dios.

Job 2:1

Wákxeyk axta makham ekhem yaqwánxa yaqnekxak nápaqtók Wesse' egegkok ma'a apkeláneykha apheykha nak néten, wákxeyk axta han nepyeseksa m'a aqsok ekmowána nak hensexnena'.

Job 2:3

Tén axta Wesse' egegkok aptáha apcháneya s'e: —¿Wet'aya m'a séláneykha apwesey nak Job? Méko xama énxet aphawo s'e náxop nak, meheyenseykmok apteme séláneykha, péwók agko' nahan aptémakxa, méko ekmaso enxoho aptémakxa, apkeláneykegkók aptémakxa yaqwayam melanyek xama aqsok ekmaso. Keltamhók eykhe exche' agkések yaqwayam kagkések ekmaso apha meykexho aptáhakxa, makke kamassegwokmok ma'a aptémakxa nak meyke aptémakxa ekmaso.

Job 34:14

Apkelyementamákxeyk agkok apkelennama m'a énxet'ák élméssama nak apkelyennaqte, eletsapok apyókxoho, xapop makham etnahagkokxa'.

Job 8:20

Meyenyawha eyke Dios ma'a énxet ekpéwomo nak aptémakxa, mepasmehek eyke m'a élmasagcha'a nak apkeltémakxa.

Salmos 18:23

Méko agko' ko'o aqsok ekmaso sélane nápaqtók ma'a; ekyamasmeyk ma'a nentémakxa ekmaso.

Salmos 34:14

Kólyetnakhés nentémakxa ekmaso, kóllána aqsok ektaqmela; kólchetam meyke ektáhakxa nak negha, nágkólyensem nahan.

Salmos 36:1

Kapaqhetchesek chá'a kañók agko' apwáxok mey'assáxma m'a énxet ekmaso nak aptémakxa. Megkaxének chá'a apwáxok yeyk ma'a Dios.

Salmos 37:27

Étnakhés nentémakxa ekmaso, elána' aqsok ektaqmela, tén sa' kaxek chá'a aphamakxa.

Salmos 84:11

Hakte Dios Wesse' egegkok sẽlsássesso chá'a exma, tén han sẽlmasma; elásekhohok chá'a Wesse' egegkok ma'a apkeláneykegkoho nak chá'a aqsok ektaqmela, kataqmalmakha chá'a apwáxok epasmok, elmések chá'a aqsok éltaqmela.

Salmos 89:20

¡Ekwet'ak ko'o séláneykha David! Éxpaqhássessek han apqátek pexmok égmenek ekpagkanamaxche ahagkok, sekteméssesa wesse' apwányam,

Proverbios 8:13

Negáyo Wesse' egegkok, nenteme nentaqnagko aqsok ekmaso. Ataqnawhok ko'o m'a eyeymáxkoho nak egwáxok tén han magésso nak ageyxkoho', ekmaso nentémakxa tén han negmowána amya'a.

Isaías 1:16

¡Kólyenyesák kélyempe'ék, kólmópesaxchekxa'! ¡Maltamhók ko'o kaxwók ótak ma'a kéltémakxa élmasagcha'a nak! ¡Kólwátésák kéllánéyak aqsok ekmaso!

Isaías 42:1

“Keso seyásenneykha ko'o s'e, sekpasmoma nak chá'a, sélyéseykha axta, ekleklamo nak ewáxok aptémakxa'. Ekméssegkek ko'o espíritu ahagkok xa yaqwayam enxoho etaqmelchessásekxak apheykha m'a apyókxoho pók aptémakxa nak chá'a énxet'ák.

Ezequiel 40:4

Keñe axta xa énxet nak aptáha seyáneya s'e: “Etaqmelchesho apkelányo, ná etwássoho yeyxho'; etaqmelchesho apkelányo ekyókxoho sekmako nak axekmósek, hakte Dios apyentamokmok xép se'e yaqwayam enxoho axekmósek. Keñe sa' eltennasha énxet'ák Israel ma'a ekyókxoho aqsok apwete.”

Números 12:3

Naqsók eyke apteme énxet meyke agko' eyeymáxkoho apwáxok Moisés ekyókxoho keso nélwanmeygkaxa, méko pók aphawo enxoho.

Josué 1:2

“Apketsekkek kaxwók séláneykha Moisés. Xeyep sa' kaxwók etámeyekxak ma'a wátsam Jordán, yetlo m'a apyókxoho énxet'ák nak Israel, yaqwayam kólmahagkok ma'a yókxexma yaqwánxa nak agkések kéxegke.

Josué 1:7

Wánxa aqsa séltamho keytek ekwányam agko' apwasqápeykekxoho tén han énnaqtéshok apwáxok, esawhoho sa' elának ma'a ekyókxoho segánamakxa séláneykha Moisés axta apmésso. Elyahakxoho sa' ekyókxoho meyke apcháyam xama, yaqwayam kataqmelhok chá'a ekteyapma m'a ekyókxoho aqsok apkelanakxa enxoho.