Jeremías 9:5 - Biblia Enxet

⁵ Elyexanchesha chá'a pók, méko xama enxoho apxeyenma amya'a ekmámnaqsoho. Keltámeyeykegkek aptamhéyak apkelmopwancha'a amya'a; apnaqtawásamákpe', mopwanchek

Jeremías 9:5 ပူးပေါင်းရင်းမြစ်များ

Génesis 19:11

Meyke apaqta'ák axta han aptemessásegkok ma'a apyókxoho énxet'ák apchaqneykha axta yókxexma, apyókxoho axta aptamhágkok meyke apaqta'ák, apketkók, tén han apkelwányam, massék axta apkelya'ásegko ekpayhókxa m'a átog.

Job 11:3

¿Apkeneykeya exchep hẽlwanmeyásekxak xa aptémakxa nak chá'a appaqméteykha naqsa? ¿Apkeneykeya han méko kátegmowagkok chá'a m'a aptémakxa nak sẽlwanyeykha?

Job 15:5

Mey'assáxma exchep keñamak aptéma appeywa xa ektáha nak, tén han apmeykencha'a chá'a appeywa megkamámnaqsoho.

Salmos 140:3

Ahamtakcha'ak apaxkok ma'a, máxa yéwa; máxa yéwa ekmáske hentakxek ma'a apkelpeywa nak.

Salmos 50:19

Yahamók chá'a kólpaqmétek peya enxoho kólxének aqsok ekmaso, tén han peya enxoho kóltéhek chá'a kélmowána amya'a, megkólmágwakxeyk chá'a.

Salmos 52:3

Apmenyeyk ma'a aqsok ekmaso, keñe aqsok ektaqmela mopmenye', apmenyeyk xép ekmowána amya'a, keñe aqsok ekmámnaqsoho mopmenye'.

Salmos 64:3

apkeláneykekxa nak chá'a yaqwánxa etnehek apkelpeywa, ektémól'a sókwenaqte kólmaxneyekxa', melmágweykekxa nak chá'a apkelpeywa elpaqmétek ekmaso, ektémól'a yágke kólhaxtaqpog, segaqhamól'a hegyaqxa'.

Salmos 7:14

Kóllano m'a ekmaso nak aptémakxa: chássek apwáxok, etekkesek sa' ma'a nentémakxa ekmaso, etekkesek sa' han ma'a negmowána amya'a.

Proverbios 12:5

Aqsok ekpéwomo chá'a kalxénmakha apkelwáxok etekkesek ma'a énxet'ák apkelpéwomo nak; keñe m'a élmasagcha'a nak apkeltémakxa', wánxa aqsa m'a nélyexancháseykha nak chá'a egmók.

Proverbios 4:16

hakte menaqtének chá'a axta'a melánegko enxoho aqsok ekmaso m'a; megkalnáphek tén ma'a metnéssessekmoho enxoho chá'a exma ekmaso xama énxet.

Isaías 5:18

¡Kéxegke laye, kélseykha nak chá'a kéltémakxa élmasagcha'a yetlo kélmowána amya'a, kélyenyawáseykha nak chá'a megkólya'assáxma, ektémól'a kólyenyawaksek ma'a yátnáxeg apyenyawasso!

Isaías 57:10

Kélyampayak axta eñama ekxámokma kélxega, axta eyke kólya'áseykegkok ekteme eyaqhémo xa ekyókxoho nak. Yetneyk axta eyke m'a ekpasmo nak chá'a, axta keñamak kélweteykekxo chá'a kélyennaqte.

Jeremías 12:13

Apkeneykegkek hótáhap, keñe apnakxeykegko menóke; eyaqhémo temégweykmok ma'a ekyókxoho apkeltamheykha nak. Ántawók ekyexna aqsok kélcheneykekxa, eñama seklómo ahagko' ko'o.”

Jeremías 12:6

Weykmók xép apkelenmexeykekxa m'a apkelyáxeg'a apancha'awo nak, tén han ma'a apnámakkok apagko' nak, neptámen chá'a elpáxegkesha ématchesha. Nágyáwho aqsa exchep ma'a, tásek sa' eykhe chá'a katnehek apkelpeywa elána'.’

Jeremías 13:23

¿Apwancheya eyaqmagkasek mók ektémakxa apyempehek ma'a énxet appésyam nak? ¿Apwancheya elhaxyawaksek élpeysameykha nak aptáxama m'a neptána? Megkólwanchek kéxegkáxa kóllának aqsok ektaqmela éltámeyeykegko nak kéllánéyak ma'a aqsok ekmaso.

Jeremías 4:22

“Élyeyháxma m'a énxet'ák ahagkok, mehey'ásegkok nahan —axta aptáhak Wesse' egegkok—. Kélketchek melya'áseyak aqsok, megkalchetámeykha nak apkelwáxok. Apwancha'ak elanagkok ma'a aqsok ekmaso, keñe mopwancha'ak elanagkok ma'a aqsok ektaqmela.”

Jeremías 51:58

Ektáhak ko'o sekpeywa s'e, sektáha nak Wesse' ekha sekyennaqte: Kólyaqnegkesek sa' ekyókxoho m'a kélhaxtegkesso ekyawe nak ekpayhakxa m'a Babilonia, kólwatnekxak sa' ma'a átog apagkok élyawe nak. Kaqhok sa' chá'a eltemeykha énxet'ák, hakte táxa sa' kalwatnések chá'a m'a apkelwasqápeykekxoho nak apkelánéyak.”

Jeremías 51:64

tén sa' etnehek se'e: ‘Sa' etnehek ewéwagkok Babilonia xa, mopwanchek sa' exnekxak néten neyseksa m'a aqsok ekmaso peya nak yahak Wesse' egegkok.’” Cháxa néxa appeywa Jeremías xa.

Jeremías 7:28

Etne sa' elának se'e: Keso énxet'ák melyaheykekxa nak Dios Wesse' apagkok se'e, megkalmopmenyého nak kóllánekxések apkeltémakxa. Massegweykmók agko' apkelxeyenma m'a amya'a ekmámnaqsoho.’”

Jeremías 9:3

Yahamok chá'a héltennasha apkelmopwancha'a amya'a, máxa m'a ektémól'a yágke kólhaxtaqpog aktek. Yetnegkek negmowána amya'a m'a apchókxa, méko m'a amya'a ekmámnaqsoho nak; Yágweykmók aqsa ekteyapma aqsok ekmaso, Wesse' egegkok apagko' nahan apteme appeywa s'e: “Memáheyók hékpelchágwók ko'o.”

Jeremías 9:8

Máxa yágke aktek segaqhamól'a m'a apkelpeywa nak, apkelmopwancha'a amya'a chá'a etnahagkok. Kaltaqmalmakha chá'a apkelpeywa elának apnámakkok, keytna katnehek apkelwáxok yaqwánxa etnéssesek.

Ezequiel 24:12

Teyepmeyk agko' apyéw'ák xa weygke nak, táxa eykhe megkamópesákxo.

Miqueas 6:12

Apyókxoho kelwesse'e apheykha nak se'e tegma apwányam apnaqtawáseykegkoho m'a apmopyóseka nak; apkelmopwancha'a amya'a nahan apyókxoho apheykha nak ma'a, tén han apkelyexancháseykha chá'a pók.

Miqueas 6:3

Keso aptáhakxa nak appeywa Wesse' egegkok se'e: “Énxet'ák ahagkok, hélátegmowák sa', ¿háxko sekteméssessamakxa ko'o kéxegke? ¿háxko sekteméssessamakxa ko'o kéxegke sélya'assama exma?

Habacuc 2:13

Wesse' egegkok ekha apyennaqte sa' etnéssesek eyaqhémo m'a kéltamheykha nak, tén han kélwasqapma, hakte táxa sa' kamasséssók ma'a ekyókxoho aqsok kélláneyak nak.

Malaquías 2:10

¿Háweya xama egyáp negyókxoho? ¿Háweya senlane negyókxoho xa Dios nak? ¿Yaqsa eyke ektéma nélyexancháseykencha'a nak chá'a egmók, nentawáseykencha'a chá'a m'a ekhémo mók nélpaqhetchásamáxkoho apkelánesso axta Dios ma'a ẽlyapmeyk nano'?

Jueces 2:10

Apkeletsepmeyk axta han apyókxoho israelitas, apkektegeykegkoho xamo' axta Josué. Keñe m'a appalleyam axta neptámen, melya'ásegkok ma'a Wesse' egegkok, tén han ma'a aqsok apkelánesso axta chá'a m'a Israel.