Jeremías 9:26 - Biblia Enxet

²⁶ cham'a Egipto, Judá, Edom, Amón, tén han ma'a Moab, tén han ma'a apyókxoho apheykha nak yókxexma meykexa énxet, tén han ma'a apkelmópéssamo nak chá'a apkelyésesso élpayhakxa nápaqta'a. Hakte cháxa apyókxoho énxet'ák nak, tén han ma'a apyókxoho énxet'ák Israel, megkalya'ásegkok apkelwáxok ma'a Dios.”

Jeremías 9:26 ပူးပေါင်းရင်းမြစ်များ

Jeremías 10:1

Énxet'ák Israel, kóleyxho s'e amya'a nak, apkeltennasso nak kéxegke m'a Wesse' egegkok.

Jeremías 4:4

Énxet'ák Judá tén han Jerusalén, kólyenyekha nekha kélyempehek, hélya'asagkoho han ko'o sekteme Wesse', kólpekken kélwáxok ma'a ekhémo mók nélpaqhetchásamáxkoho nak; katyapok katnehek seklo ektémól'a táxa eyáléwe, eyáléweykhal'a meyke ekmowána kaspanchesek, eñama kéltémakxa ekmaso.

Jeremías 40:11

Keñe axta nahan ma'a judíos apkelhayam axta m'a Moab, Amón, Edom, tén han ma'a mók apchókxa nak, apkelleg'a amya'a apchahayo apkelheykmo nápakha judíos xapop apagkok ma'a wesse' apwányam Babilonia, tén han apteméssessama apkeláneykha apchókxa m'a Guedalías.

Jeremías 49:32

¡Kólmenyexchesák yányátnáxeg apkelchánte, tén han ma'a ekyókxoho aqsok apnaqtósso! Waxpánchesek sa' ko'o alya'aksek ekyókxoho yókxexma xa énxet'ák apkelmópéssamo nak chá'a apkelyésesso élpayhakxa nápaqta'a; ekyókxoho yókxexma sa' wahak aqsok ekmaso. Ko'o sekxeyenma xa, sektáha nak Wesse'.

Jeremías 6:10

Ektáhak axta ko'o seyátegmowágkokxo s'e: “¿Yaqsa sa' ko'o heyeyxhok sélpaqhetchesa enxoho, tén han séltennasa enxoho xa amya'a nak? Wesse', apkelapmeyk apeyk'ák ma'a, mopmenyeyk nahan eleyxho'; ey'ássamhok nahan ma'a appeywa nak xép, megkalchek apkelwáxok.

Ezequiel 31:18

Méko axta xama yámet enxoho Edén egwanchek aghéshok ma'a, eyeymáxkoho tén han ekwenaqte; kapallamhok sa' eyke xamók ekpallakmo sa' kañók agko' xapop ma'a nekha yámet nak Edén, yaqwayam sa' kalhók nepyeseksa m'a énxet'ák melya'áseyak nak Dios, tén han ma'a énxet'ák apkeletsapma axta neyseksa kempakhakma. “Faraón xa yámet nak tén han ma'a apyókxoho énxet'ák apagkok. Ko'o sekxeyenma xa, sektáha nak Wesse'.’”

Ezequiel 32:19

¿Aptásók apagkóya exchep? ¿Ya exnawok ma'a nápakha apnámakkok nak? Enextegenta', eyet xépxa xamók ma'a énxet'ák melya'áseyak nak Dios.’

Ezequiel 44:7

Kélpeysegkessegkek kéxegke tegma appagkanamap ahagkok kélhayo apkelántaxnama m'a énxet'ák megkatnaha nak kélókxa xamo', cham'a énxet'ák meyke nak kélqaháseyak apwáxok tén han apyempe'ék ma'a ekhémo mók nélpaqhetchásamáxkoho ahagkok; kélpeysegkessegkek sélméssama kélteméssessama sekto m'a kélnaqtósso ektekyawa nak pexmok agkok tén han ma'a éma agkok nak, kéltawáseykha ekhémo mók nélpaqhetchásamáxkoho ahagkok kélláneykegko ekyókxoho s'e kéltémakxa élmasagcha'a agko' nak.

Ezequiel 44:9

“Cháxa keñamak sektáha nak ko'o sekpeywa s'e sektáha nak Wesse': Metxehek sa' tegma appagkanamap ahagkok xama énxet megkatnaha nak kélókxa xamo', meyke nak kélqahasso apyempehek tén han apwáxok ma'a ekhémo mók nélpaqhetchásamáxkoho ahagkok; megkeyxek sa' xama énxet metnaha nak kélókxa xamo' apha m'a nepyeseksa israelitas.

Levítico 26:41

alenmexekxak sa' ko'óxa kéxegke, alya'aksek sa' ma'a apkelókxa nak kélenmexma, sa' katnégwók mékoho ektémakxa nak kéxegke élchetámeykha kélwáxok ma'a, kólhaxkohok sa' aqsa kóllegássesagkohok eñama megkólya'assáxma.

Deuteronomio 30:6

Enegkenchesagkok sa' kélqahasso ekhémo mók nélpaqhetchásamáxkoho kélwáxok kéxegke, ekweykekxoho m'a kéltawán'ák kélnentámen nak, yaqwayam sa' kólásekhohok chá'a ekweykmoho kañók agko' kélwáxok tén han ekweykmoho m'a élchetámeykegkaxa nak chá'a kélwáxok, yaqwayam sa' kawegqohok kélheykha s'e apchókxa nak.

1 Samuel 14:6

Tén axta Jonatán aptáha apcháneya m'a apchásenneykha: —Nók, ólyeykhekxak ma'a neyp nak, apheykegkaxa nak ma'a énxet'ák meyke nak kélyenyekhássáseyak nekha apyempe'ék. Lapmaxcheyk sa' elának aqsok Wesse' egegkok hempasmok negko'o, hakte yeskohok hegmallahanchesek ma'a, megkeyxek nenxámokma essenhan egqántawo'.

1 Samuel 17:26

Keñe axta David aptáha apkelmaxneyáncha'a m'a apchaqneykha axta nápakha: —¿Yaqsa aqsok kólmések énxet apchaqhe enxoho xa filisteo, keñe han apmasséssesso enxoho apkelmegqakto m'a Israel? ¡Mékoho apagko' xa filisteo mey'áseyak nak Dios, kaqhok etnehek elxénmakha ekmaso Dios memassegwayam nak sẽlpextétamo apagkok xa ektáha nak!