Jeremías 9:11 - Biblia Enxet

¹¹ “Meteymog ektaháneykekxa mók sa' ko'o atnessásekxak ma'a Jerusalén, semheg nawha'ák éllo élyexanmomakxa; yókxexma meykexa énxet sa' atnessásekxak ma'a tegma apkelyawe nak Judá, meyke énxet apheykha kañe' sa' atnéssesek.”

Jeremías 9:11 ပူးပေါင်းရင်းမြစ်များ

Nehemías 4:2

aptáha appaqmeta nápaqta'awók apkelxegexma'a, tén han sẽlpextétamo nak Samaria: “¿Yaqsa apmako elanagkok makham xa judíos meyk át'ák nak? ¡Apkeneykek kexa kólhok makham elwatnek aqsok apnaqtósso apkelnapma! ¡Apkeneykek kexa yepwának epenchesagkok apkeltamheykha xama ekhem! ¡Apkeneykek kexa elwetekxak makham axnagcha'ák meteymog ektaháneykekxo nak mók nekha'a étkók kélwatno axta nano'!”

Salmos 107:43

Énxet apya'áseykegkoho nak aqsok, kéméxcheyk ey'asagkohok xa, tén han ey'asagkohok segásekhayo m'a Wesse' egegkok.

Salmos 44:19

Keñe exchep sennaqtawáseykegkoho segkexakhagweykmo m'a élleykegkaxa nak semheg nawha'ák éllo. ¡Egáhakkassegkek ekyáqtessóxma ekmaso!

Salmos 79:1

¡Oh Dios, apkelántaxnegwa'ak xapop apagkok ma'a melya'áseyak nak xép! ¡Aptawáseyha m'a tegma appagkanamap apagkok, nápakha'a apketkók aptemessásekxak ma'a Jerusalén!

Isaías 13:22

Kalwónmakha sa' semheg nawha'ák éllo m'a kañe' tegma apkelyennaqte nak, keñe sa' ma'a kañe' tegma apkelyawe apkeltaqmalma apagko' nak kallawha m'a aqsok nawha'ák éllo. Chágketwokmek ekhem agkok ma'a Babilonia; megkólwenaqtéssesagkek sa' nahan.”

Isaías 25:2

Meteymog ektaháneykekxa mók aptemessáseykekxak ma'a tegma apkelyawe nak, apmopsagcha'a aptemessáseykekxak ma'a tegma apkelyawe apkelyennaqte nak; apmasséssesseykmek tegma apkelyawe apagkok ma'a apkelenmexma nak, megkólnaqxétekhasagkokxeyk sa' nahan chá'a kaxwók ma'a.

Isaías 34:13

Kalántépok sa' yámet ekha nak am'ák ma'a tegma apkelyawe apkeltaqmalma apagkok nak, keñe sa' yátape' tén han kentem ma'a tegma apkelyennaqte apagkok nak. Katnehek sa' xama yókxexma élleykegkaxa m'a semheg nawha'ák éllo tén han apkelyexanmomakxa m'a xápen.

Isaías 44:26

Wánhok eyke chá'a ko'o katyapok aptáhakxa enxoho apkelpeywa m'a séláneykha nak, wánhok nahan kataqmelek chá'a ekteyapma aqsok apmáheyo elanagkok ma'a sélápháseykha nak chá'a. Ekxénchek ko'o peya exnekxak makham énxet ma'a Jerusalén tén han peya kóllánekxak makham ma'a tegma apkelyawe nak Judá. Wának sa' ko'o kólnaqxétekhasagkokxak makham ma'a appalleyam nak.

Jeremías 1:15

Naqsók ko'o peya alwónmakha apyókxoho énxet'ák apheykha nak apchókxa nexcheyha, ko'o sektáha nak Wesse' kélagkok. Elxegmak sa' ma'a apkelwesse'e apkelwányam apagkok, enegkenwak sa' apkeltaháno éltaqmalma m'a nentaxnamakxa agko' nak ma'a Jerusalén, ekpayho nak ekyókxoho m'a kélhaxtegkesso nak nepyáwa ekwakhaya nak, tén han ekpayho nak apyókxoho m'a tegma apkelyawe nak Judá.

Jeremías 10:22

¡Kóltaqmelchesho kélháxenmo! ¡Wa'ak xama amya'a! Xegakmek éxtegyawà ekyawe eñama m'a apchókxa nexcheyha, yaqwayam sa' katnessásekxak yókxexma meykexa énxet ma'a tegma apkelyawe nak Judá, wánxa sa' aqsa katnehek élleykegkaxa m'a semheg nawha'ák éllo.

Jeremías 16:10

“Apkeltennássek sa' agkok xép énxet'ák se'e amya'a nak, sa' katnehek kólmaxneyha s'e: ‘¿Yaqsa kexa ektéma apkeltémo nak negko'o hegáhapwak Wesse' egegkok se'e aqsok ekmaso nak? ¿Yaqsa aqsok ekmaso nenláneykegko negko'o? ¿Yaqsa mólya'assáxma nenláneykegko negko'o nénmexma m'a Dios Wesse' egegkok?’

Jeremías 25:11

Kólmasséssók sa' ekyókxoho s'e apchókxa nak, ekmaso sa' kóltemessásekxa'. Setenta apyeyam sa' kawomhok apteme apkeláneykha Wesse' apwányam Babilonia xa énxet'ák nak.

Jeremías 25:18

Élágkek axta ko'o m'a énxet'ák Jerusalén, tén han ma'a énxet'ák apheykha nak tegma apkelyawe Judá, yetlo kelwesse'e apkelwányam apagkok tén han apkelámha apmonye'e, yaqwayam enxoho amasséssók, tén han atnessásekxak meyke xama aqsok, tén han aqsok eyeymáxkohol'a kataxche', tén han segyegwakkassamól'a, tén han éñamakxa néltémo hentemegwomhok exma ekmaso, aptamheykegko nak makham se'e kaxwo' nak.

Jeremías 26:18

“Apkeltennassegkek axta apyókxoho énxet'ák Judá, aptémakxa appeywa Wesse' egegkok ma'a Miqueas, apkeñama axta Moreset, cham'a aptémakxa axta wesse' apwányam Judá m'a Ezequías. Axta aptemék apkelanagkama s'e: “Aptáhak Wesse' ekha nak apyennaqte s'e: Namyep kélpeyncheyam xóp sa' katnekxak ma'a Sión, meteymog ektaháneykekxa mók sa' katnekxak ma'a Jerusalén, keñe sa' néten egkexe apyetnamakxa nak tegma appagkanamap, náp'at sa' katnekxa'.”

Jeremías 26:9

¿Yaqsa ektáha apxéna nak Wesse' egegkok appeywa, peya exnágwakxohok aptémakxa axta Siló s'e tegma appagkanamap nak, tén han peya kólmasséssók se'e tegma apwányam nak, tén han etnekxak meyke énxet?” Yetlókok axta nahan apcháhapwayam énxet'ák ma'a Jeremías, cham'a tegma appagkanamap nak.

Jeremías 34:22

Wának sa' eyke ko'o elchexyók makham yenmexek se'e tegma apwányam nak tén han ektámenta', emok sa', keñe sa' ewatnekxoho'. Wának sa' ko'o etnekxak meyke xama aqsok ma'a nápakha nak tegma apkelyawe Judá, meyke xama énxet enxoho apha. Ko'o sekxeyenma xa, sektáha nak Wesse'.”

Jeremías 4:27

Aptáhak Wesse' egegkok se'e: “Ekmaso sa' kóltemessásekxak ekyókxoho xapop, mamasséssemek sa' eyke ekyókxoho.

Jeremías 44:2

“Aptáhak Wesse' ekha apyennaqte, Dios apagkok nak Israel se'e: ‘Kélweteyak axta kéxegke ekyókxoho aqsok ekmaso seyáphassama axta ko'o m'a Jerusalén, tén han ma'a pók tegma apkelyawe nak Judá. Nápakha'a apketkók kaxwók aptamheykekxak ma'a, méko han ekha m'a,

Jeremías 49:33

Yókxexma meykexa énxet meyke néxa sa' etnekxak ma'a Hasor, élleykegkaxa m'a semheg nawha'ák. Méko sa' kaxnekxak kaxwók ma'a, méko sa' ma'a yaqwatakxoho enxoho aphayam.”

Jeremías 50:3

Hakte nexcheyha apkeleñamak apkelxegakmo apketamakmo m'a yaqwayam sa' etnessásekxak yókxexma meykexa énxet ma'a apchókxa nak. Méko sa' xama énxet exnekxak ma'a tén han aqsok kélnaqtósso, hakte yenyahagkok sa' apyókxoho énxet.”

Jeremías 51:37

peya nak etnekxak ektaháneykekxa mók meteymog, élleykegkaxa semheg nawha'ák, meyke énxet apha, elyegwakkasek sa' chá'a apyókxoho énxet, yeyk sa' nahan chá'a.

Jeremías 8:22

¿Mékoya xama enxoho pánaqte m'a Galaad? ¿Mékoya xama enxoho apmopwána hentaqmelchessók ma'a? ¿Yaqsa ektéma meltaqmelweykmo nak énxet'ák ahagkok?

Lamentaciones 1:4

¡Yaqhapmók exma m'a ámay nak Sión! ¡Méko xama énxet apye'eykekta kélessawássessamo! Meyke énxet aptáhak ma'a atña'ák nak tegma apyawe, apkellekxagweykha m'a apkelmaxnéssesso nak Dios énxet'ák apagkok, kelyaqhápeyha awáxok ma'a kelán'a étkók, legágkók ekmáske m'a Jerusalén.

Lamentaciones 2:2

Megyeykmok xama enxoho Wesse' egegkok ma'a tegma nak Jacob; apmasséssekmek axta aplawa m'a tegma apkelyennaqte aphéyak nak Judá aptaqmalma; apyaqnegkessek axta náxop ma'a apchókxa', apkelmegqássek axta apkelwesse'e agkok.

Lamentaciones 3:47

nélmenaye, kelhanma, sẽlmassésseyam, tén han ekmaso negha, ¡cháxa sentéma nak negko'o xa!

Levítico 26:32

“Amasséssók sa' kélókxa, keñe sa' kélenmexma apkelhe enxoho m'a, kalyamaksek sa' apkelwáxok elanok ektémakxa.

Miqueas 1:6

Cháxa keñamak aptáha nak Wesse' egegkok se'e: “Nápakha'a apketkók sa' ko'o atnessásekxak ma'a tegma apwányam Samaria, yókxexma eyáxñe sa' katnekxa' kélcheneykekxexa nak anmen yámet. Waxpánchesha sa' meteymog nekha'a nak tegma apwányam ma'a ekyapwátegweykenxa nak xapop, yáxña'akxoho sa' apekkenchásekxak ma'a apowhók nak.

Miqueas 3:12

Kéxegke keñamak peya kólpeynchámekxohok xóp ma'a egkexe Sión, kéxegke keñamak peya etnekxak nápakha'a apketkók ma'a Jerusalén, tegma apwányam nak egkexe Sión, kápekxak sa' ekmompánaqma m'a egkexe nak tegma appagkanamap.

Miqueas 6:16

Hakte apyetlamchek xép aptémakxa axta m'a Omrí, apkeláneyak ma'a aptamheykegkaxa axta m'a Ahab apnámakkok, aptemegkek ma'a aptamheykegkaxa axta. Cháxa keñamak peya nak atnéssesek xép aqsok eyeymáxkohol'a kóllano' tén han apkesmésamap yetlo m'a énxet'ák apagkok, kápekxak sa' xép apkelmegqakto m'a énxet'ák ahagkok.”

Deuteronomio 29:23

elwetak sa' ekyókxoho apchókxa ekteme m'a aqsok ánek ekyátekto eyáléwomól'a, tén han yásek tén han xapop ekmeyesma. Megkólwanchek nahan kólchenekxak aqsok aktek xa xapop nak, megkatyephek nahan xama aqsok enxoho; megkawanamyek nahan xama pa'at enxoho m'a, hawók ma'a ektémakxa axta kélmassesseykmo m'a tegma apkelyawe Sodoma, Gomorra, Admá tén han ma'a Seboím, apmassesseykmo axta Wesse' egegkok yetlo aplómo apagko'.