Jeremías 9:10 - Biblia Enxet

¹⁰ “Kóllekxagwaha, kólápentegmakha kóllanok ektáhakxa m'a meteymog élekhahéyak nak, kallapwomák kóllanok ektáhakxa m'a émhakxa nak pa'at ektaqmela, hakte metchek ma'a, méko kaxwók ekyeykhágwokmo m'a; massék eklegáxko élpáweykha aqsok kélnaqtósso m'a, wokmók náta élchampe ényahágko, tén han ma'a aqsok nawha'ák éllo.

Jeremías 9:10 ပူးပေါင်းရင်းမြစ်များ

Isaías 41:15

Atnessásekxak sa' ko'o exchep aqsok ektekxekxo axnagkok; élmahamtakcha'a am'ák, etekxók sa' ma'a meteymog élekhahéyak nak, ánek agko' sa' etnéssásekxa', máxa yámet áwa' apák sa' etnéssásekxak ma'a egkexe náxap'awo nak.

Isaías 49:19

Apchókxa ekmaso axta exche' kéltemessáseykekxa, kélmassésseykmek axta, kélsawhomók axta aqsok ekhéyak ma'a kañe'; ketsék sa' eyke kaxwók katnehek ma'a xapop agkok yaqwayam sa' exmakha m'a énxet'ák agkok. Makhawók eyke kaxwók apkelmahágkok ma'a ektáha axta apketsagkasso.

Jeremías 12:10

Apxámok apkelwesse'e apkelwányam sélenmexma nak ko'o aptawáseykencha'a m'a anmen yámet séneykekxa nak, apkelteyammeykha m'a yókxexma ahagkok nak. Meyke xama aqsok aptemessáseykekxak ma'a xapop ekleklamókxa agko' nak ko'o ewáxok.

Jeremías 12:11

Yókxexma meykexa énxet aptemessáseykekxa', tén han meyke xama aqsok, ekweteyak nahan ko'o apkellekxagweykencha'a m'a. Meyke xama aqsok tamheykekxak ma'a ekyókxoho apchókxa, méko eyke ekyetnakhassamo awáxok.

Jeremías 12:4

¿Háxko sa' ekwánxa ekhem kammok ekyamaye xapop, tén han élyamaye pa'at ma'a yókxexma? Keletsepmeyk aqsok kélnaqtósso, tén han náta, eñama apkeltémakxa ekmaso m'a énxet'ák apheykha nak apchókxa, apkenagkama nak xép meteyk ma'a aqsok apkeláneyak.

Jeremías 14:6

Kelyagqak aqsa nahan yámelyeheykok nawha'ák ma'a néten xóp élekhahéyak meykexa nak aqsok, kelsókha aqsa awéhe'ék ektémól'a semheg nawha'ák éllo; kelhagqak nahan élyeheykha, hakte méko pa'at yaqwayam katawagkok.”

Jeremías 2:15

¿Yaqsa eyke ektéma kélchetámeykmo nak ektémól'a yámakméwa, yetlo kélpáxegkáseykha ekyennaqte? Ekmaso kéltemessásekxak ma'a apchókxa; kélwatneyáseykekxók nahan ma'a tegma apkelyawe apagkok, méko nahan xama énxet enxoho apheykekxa m'a.

Jeremías 2:6

Axta kalyetnakhayók apkelwáxok hektamok ko'o, ektáha axta sélántekkesso m'a Egipto, ektáha axta seknaqleykha m'a yókxexma meykexa nak énxet, ekyamáyekxa nak xapop, ekxámokmakxa nak maxcha'a élmattawóneg, yókxexma meykexa nak yegmen, ekxámokmakxa nak aqsok eyeymáxche', yókxexma meykexa nak ekha, meyke nak ekyeykhágwayam ma'a.

Jeremías 23:10

Apxámok énxet apnaqtawáseykegkoho nak chá'a apnaqteyegka'a apkelane chá'a mók se'e apchókxa nak, énxet'ák ekmanyehe nak chá'a elanagkok aqsok ekmaso, apchásenneykekxa nak chá'a apkelyennaqte yaqwayam melánekxések apheykha énxet'ák. Cháxa keñamak apyamanma nak Wesse' egegkok ma'a xapop, keñe ekyamáya, kelyameykegkek nahan pa'at ma'a yókxexma meykexa nak énxet.

Jeremías 50:3

Hakte nexcheyha apkeleñamak apkelxegakmo apketamakmo m'a yaqwayam sa' etnessásekxak yókxexma meykexa énxet ma'a apchókxa nak. Méko sa' xama énxet exnekxak ma'a tén han aqsok kélnaqtósso, hakte yenyahagkok sa' apyókxoho énxet.”

Jeremías 7:29

¡Énxet'ák Jerusalén, kólyaqtén kélwa', keñe sa' kólchexa'! ¡Kólmeneykmés sa' negmeneykmasso senlapwayam ma'a néten nak xóp eyáxñeyo meykexa nak xama aqsok! Hakte apkeltaqnaweygkek Wesse' egegkok ma'a énxet'ák kélagkok nak, apkexakke', apkelyetnakhássek nahan.

Jeremías 8:18

Méko hemasséssesek ektémakxa élekxagweykha ewáxok, yelqamáxcheyk ewáxok.

Lamentaciones 1:16

Cháxa sélekxágkassama nak chá'a ko'o xa aqsok nak. Kelpexyawáseykenteyk ahaqtek égmenek, hakte méko xama enxoho yaqwayam hetaqmelchessásekxak ewáxok, méko xama enxoho yaqwayam hewasqakkásekxoho. Heykha étchek ma'a nepyeseksa nak tegma appalleyam, hakte maghawok negko'o m'a nélenmexma, apmelyeyha'e.

Lamentaciones 2:11

Kelyélaqtéssek ahaqta'ák sekwóno, eklegágkok ekyentaxno agko' ewáxok; yelqáxcheyk ewáxok sekwet'a kélmasséssekmo tegma apwányam apagkok nak énxet'ák ahagkok, tén han sekwet'a apkeletsapa meyk ámay ma'a sakcha'a ekweykekxoho m'a melyamasma nak neme.

Lamentaciones 5:18

Meteymog ektaháneykekxa mók tamheykekxak ma'a egkexe Sión; cha'a élweynchámeykegkaxa nak kaxwók yammáleg ma'a.

Ezequiel 14:15

“Éláphássek agkok aqsok nawha'ák éllo m'a xama apkelókxa, yaqwayam enxoho kalnápok ma'a énxet apheykha nak kañe' tén han sektemessásekxo enxoho yókxexma meykexa énxet megkeyqwayam nak epéwhok eyeykhágwók xama énxet eñama apkeye m'a aqsok nawha'ák éllo,

Ezequiel 27:2

“Xép, apteme nak énxet, enneykmés sa' se'e negmeneykmasso senlapwayam nak.

Ezequiel 29:11

Memhagkek sa' xama énxet enxoho m'a tén han ma'a aqsok kélnaqtósso nak. Méko sa' kaxek ekweykmoho cuarenta apyeyam ma'a.

Ezequiel 33:28

Meykexa énxet sa' atnessásekxak ma'a apchókxa tén han meyke xama aqsok, amasséssessók sa' nahan ma'a ekyennaqte ekméssama nak chá'a eyeymáxkoho. Meykexa énxet sa' katnekxak ma'a meteymog élekhahéyak nak Israel; méko sa' kamhagkok kaxwók ma'a.

Ezequiel 6:6

Kólmasséssók sa' chá'a tegma apkelyawe ekyókxoho yókxexma kélhámxa enxoho chá'a kéxegke, élmasagcha'a agko' sa' katnekxak ma'a néten kélpeykessamókxa nak chá'a kéleykmássesso kélagkok. Kólnaqtawasha agko' sa' ma'a kélwatnamakxa nak chá'a aqsok, nekha'a étkók sa' katnekxak ma'a kéleykmássesso kélagkok; kólpalchesek sa' ma'a kélwatnamakxa nak chá'a aqsok ekmátsa agko' nak ekpaqneyam éten agkok; kamassegwók sa' ekyókxoho m'a aqsok kéllánéyak nak chá'a kéxegke.

Oseas 4:3

Cháxa keñamak ekyaqhapmo nak exma xa apchókxa nak; massegkek ekha apkelyennaqte m'a apheykha nak ma'a; keletsepmeyk han ma'a aqsok nawha'ák éllo, náta, tén han kelasma, ekhéyák nak wátsam ekwányam.

Joel 1:13

Kéxegke kélmaxnéssesso nak chá'a Dios énxet'ák apagkok, kéltamheykha nak chá'a ekwatnamáxchexa aqsok, kólántaxnekxa apáwa sẽlwáxaqxo nak, kóllekxagwaha yetlo éllapwámeyak, hakte méko entáhak aqsok kélcheneykekxa ekyexna m'a Dios nak tegma appagkanamap apagkok, tén han vino yaqwayam kóltéhek kélmésso naqsa Dios.

Joel 1:19

¡Ekwóneyha ko'o exchep, Wesse', hakte kelwatneyk táxa pa'at ma'a yókxexma meykexa nak énxet, tén han yenta'a m'a yókxexma!

Amós 5:1

Israelitas, kóleyxho sekpeywa; kóleyxho negmeneykmasso senlapwayam sekmeneykmássesa nak ko'o kéxegke:

Amós 5:16

Aptáhak Wesse' egegkok, Dios ekha nak apyennaqte s'e: “Kañexchek sa' kéllekxagweykha m'a ekyókxoho apkelweynchámeykegkaxa nak chá'a énxet'ák, katyapok sa' élpayheykha kélatña'ák kéllegeykegkoho ekmáske m'a ekyókxoho ámay nak. Kólwónmakha sa' yaqwayam ellekxagwaha m'a énxet'ák apkeltamheykha nak yókxexma, tén han ma'a apmopwancha'a nak ellekxagwaha.

Miqueas 2:4

Kólmeneykmássesek sa' kéxegke kélmeneykmasso sẽnlapwayam ma'a ekhem sa'. Keñe sa' kóltéhek se'e: ‘Ẽlmasséssekmók egagko' negko'o; kélyaqmagkassek pók apagkok ma'a negókxa, ektáha axta apagkok ma'a Wesse' egegkok, meyke kélnókáseykha xama enxoho; kélexpánchessek xapop egagkok nepyeseksa m'a énxet'ák aptáha nak sẽlma.’”

Miqueas 3:12

Kéxegke keñamak peya kólpeynchámekxohok xóp ma'a egkexe Sión, kéxegke keñamak peya etnekxak nápakha'a apketkók ma'a Jerusalén, tegma apwányam nak egkexe Sión, kápekxak sa' ekmompánaqma m'a egkexe nak tegma appagkanamap.