Jeremías 9:1 - Biblia Enxet

¹ ¡Katnoho annal'a ahaqta'ák ma'a ektémól'a ekteyapmakxa yegmen, keñe ahaqta'ák égmen'ák ma'a ektémól'a yegmen ényé, yaqwayam enxoho awónek chá'a yókxoho ekhem tén han axta'a, eñama aptekyawa m'a énxet'ák ahagkok!

Jeremías 9:1 ပူးပေါင်းရင်းမြစ်များ

Salmos 119:136

Kelpexyaweykenteyk ko'o ahaqta'ák égmenek sélekxagweykha, hakte megkóláyók ma'a nélxekmowásamáxche apagkok nak.

Salmos 42:3

Yókxoho ekhem ko'o sélekxagweykha tén han yókxoho axta'a, yókxoho ekhem kélteme sélmaxneyeykha s'e: “¿Háxko aphakxa Dios apagkok?”

Salmos 55:7

Wampak axta amhagkok makhawók agko'; axnamok axta m'a yókxexma meykexa nak énxet.

Isaías 16:9

Cháxa keñamak sélekxagweyncha'a nak ko'o sélano m'a anmen yámet kélcheneykekxa nak Sibmá, tén han ma'a Jazer, pallénteyk ahaqtek égmenek sélano m'a Hesbón tén han ma'a Elalé, hakte legáxcheyk kélpáxameykha ekyennaqte kempakhakma m'a neyseksa nak aqsok ekyexna apkeneykekxa m'a énxet'ák tén han ma'a aqsok ekyexna eknakxamáxche nak.

Isaías 22:4

Cháxa keñamak sektáha nak sekpeywa s'e: Hélyenyow exakko', peyk ko'o alekxagwaha; nágkóllenxánem aqsa hélpeykessásekxak ewáxok eñama ekmaso ektáhakxa m'a énxet'ák ahagkok.

Jeremías 13:17

Sa' agkok kéxegke kólyahákxa, eyxaxkohok sa' ko'o alekxagwaha eñama kéleymáxkoho kéxegke; kalpexyewenták sa' ahaqta'ák égmen'ák, hakte apkelmákpek ma'a Wesse' egegkok apnaqtósso nepkések.

Jeremías 14:17

Etne sa' nahan elának énxet'ák se'e: “Kalpexyewenták sa' ahaqta'ák égmen'ák yókxoho ekhem tén han yókxoho axta'a, meyke néxa, eñama ekmaso agko' ektamhágkaxa m'a énxet'ák ahagkok, eñama élyawe agko' ma'a apkelyense.

Jeremías 3:10

Axta nahan ko'o hey'ékekták Judá, yetlo segkéssamo agko' awáxok, cham'a seyenseykmo nak ko'o sétleykha, natámen élane xa ekyókxoho aqsok nak, élyexancháseykha axta aqsa chá'a. Ko'o sekxeyenma xa, sektáha nak Wesse'.”

Jeremías 4:19

¡Éttelegwáseyha ko'o seklegeykegkoho ekmáske! ¡Tayha egkenyek ekyennaqte agko'! ¡Pekhekak ewáxok, mowanchek sekmako awanmak aqsa! Ekleg'ak ko'o kélpáwasso xama kélaqkahasso, tén han kélwónchesso kempakhakma.

Jeremías 5:7

Aptáhak Wesse' egegkok se'e: “Mowanchek ko'o mayaqmagkásekxeyk mók xa ekyókxoho kéltémakxa nak. Eyamasmeyk axta ko'o m'a kélketchek nak, apméssegkek axta ekmámnaqsoho apkelpeywa m'a aqsok kéláyókxa megkatnaha nak ekmámnaqsoho. Élméssegkek axta ko'o ekxámokma aptéyak, keñe apnaqtawáseykegkoho apnaqteyegka'a apkelánegweykmo chá'a megkatnahakxa aptáwa', apyókxoho axta apkeláneykegkok ma'a nentémakxa ekmaso mansexta.

Jeremías 6:26

¡Énxet'ák ahagkok, kólántaxnekxa apáwa sẽlwáxaqxamo nak, magkenatchesso kéllegagkoho ekmáske; kólpexyawha neyseksa táhap, kallapwomák, nágkóleysagkoho kóllekxagwaha, ektémól'a yetsapok xama kélketche apteme nak wánxa xama apagko'; hakte kaxwo' sa' elwak ma'a apmáheyo nak hegmasséssók!

Jeremías 8:18

Méko hemasséssesek ektémakxa élekxagweykha ewáxok, yelqamáxcheyk ewáxok.

Jeremías 9:18

¡Kólána sa' kalpekhaksohok élxegáyam, yaqwayam sa' kallekxagwaha henlanok negko'o; hẽllekxágkasha sa' negko'óxa kalpexyewenták sa' egaqta'ák égmen'ák egmáxempenák, eñama néllekxagweykha!

Lamentaciones 2:11

Kelyélaqtéssek ahaqta'ák sekwóno, eklegágkok ekyentaxno agko' ewáxok; yelqáxcheyk ewáxok sekwet'a kélmasséssekmo tegma apwányam apagkok nak énxet'ák ahagkok, tén han sekwet'a apkeletsapa meyk ámay ma'a sakcha'a ekweykekxoho m'a melyamasma nak neme.

Ezequiel 22:12

Yetneyk han chá'a nápakha énxet'ák apagkok apma nak chá'a kólmések ekyánmaga yánékpok yaqhek ma'a pók. Emássesha nahan chá'a selyaqye apagkok pók yetlo apma ekyawe agko' ekyánmaga tén han apkeltémo eyánmagkásekxohok chá'a mók néten, elyennaqtésha nahan chá'a apyempe'ék enaqtawasagkohok ma'a apnámakkok, keñe ko'o megkaxénhek chá'a apkelwáxok. Ko'o sekxeyenma xa, sektáha nak Wesse'.

Oseas 7:4

Apyókxoho apnaqtawáseykegkoho apnaqteyegka'a xa apkelane chá'a mók, aphawók ma'a táxa axagkok la'a, cháléweyk agkok ma'a, kamaskok apkelwatchásegko táxa m'a ektáha nak apkelwatno, ekwokmoho apkempágko m'a hótáhap kélyélaqtésso.