Jeremías 8:6 - Biblia Enxet

⁶ Ektaqmelchessamók axta eykhe sélhaxneykha séltémo aña', maxta eyke añék kaqhek apwáxok aptémakxa ekmaso xama énxet enxoho, tén han méxamakpoho enxoho etnehek appeywa s'e: ¿Yaqsa aqsok ko'o séláneya? Apyókxoho apkelxegák ekyennaqte apkelyetlama m'a ámay apagkok nak, máxa m'a yátnáxeg élyennaqtél'a apyespa'ák neyseksa kempakhakma.

Jeremías 8:6 ပူးပေါင်းရင်းမြစ်များ

Job 10:2

¡Oh Dios, ná hexén aqsa ko'o sekteme seksexnánémaxche'! ¡Héltennés sa' yaqsa aqsok sesexnenagko ko'o!

Job 34:31

Aptemegkeya exchep apkenagkama Dios se'e: “Eyhayók ko'o sélyexancháseykencha'a; malánekxók sa' chá'a may'assáxma.

Job 34:32

Hexekmós ko'o aqsok magwaqhémo mataya nak. Asagkek sa' agkok ko'o aqsok sélane, malánekxók sa' chá'a”.

Salmos 14:2

Apkeláneykha chá'a Wesse' egegkok énxet'ák ma'a aphakxa nak néten, yaqwayam enxoho éta', yetneyk kexa énxet apya'áseykegkoho aqsok, apketamso nak chá'a Dios.

Isaías 30:18

Apkelhaxneyk kéxegke m'a Wesse' egegkok, yaqwayam sa' elásekhekxohok makham; apmakawók apagkók exekmósek kéxegke m'a ektémakxa nak apkelásekhayo, hakte Wesse' egegkok apteme Dios ekpéwomo aptémakxa. ¡Apkeleñémo apyókxoho ektáha nak apkelhaxanma m'a!

Isaías 57:17

Énxet'ák Israel melya'assáxma axta eyke keñamak seklama ko'o yaqwatakxoho, éllegassáseykegkók axta ko'o m'a, éxakhamchek axta nahan; énmexeykekxeyk axta eyke ko'o m'a, apkelyeheykekxók axta m'a ektémakxa axta ekmámenyého apkelwáxok elanagkok.

Isaías 59:16

Teyekmek axta apwáxok Wesse' egegkok apwet'a méko ekyetnakhásawo awáxok xa; tén axta apmeyncha'a aqsa apmopwána apagkok apagko' apkelana aqsok, apkelwagkasso apagko' axta nahan aptáhak teyp ma'a.

Jeremías 23:25

“Eklegayak ko'o ektémakxa apkelmopwancha'a amya'a xa apkelxeyenma nak chá'a apkellegasso sekpeywa, apkelxeyenma nak chá'a sélpaqhetchásamáxkoho ko'o apkelwanmagko.

Jeremías 3:5

¿melwátessemeya sa' aplo? ¿Megkatnégwomeya sa' néxa aplo?’ Temegkek eykhe ekpeywa xa ektáha nak, keláneykxeyk eyke aqsa ekyókxoho aqsok ekmaso ekmakókxa enxoho kalána'.”

Jeremías 5:1

Aptáhak Wesse' egegkok se'e: “Kólweynchamha sa' ma'a ámay nak Jerusalén, kóltaqmelchesho sa' kéllányo, kólchetam sa' ma'a apheykegkaxa nak chá'a énxet elweynchamha, kólwetak sa' kexaha énxet apkelane nak chá'a aqsok ekpéwomo, apmopmenyého nak chá'a etnehek ekmámnaqsoho apxeyenma aqsok. Kélwet'ak sa' agkok ma'a, mayaqmagkásekxeyk sa' ko'o ektémakxa m'a Jerusalén.

Ezequiel 18:28

Apya'ásegwokmek sa' agkok ma'a aptémakxa, apyenyékxo enxoho ekyókxoho m'a aqsok ekmaso axta apkelane, megyetsepek sa', eweynchamha sa' chá'a.

Ezequiel 22:30

Élyaháha axta eykhe ko'o xama énxet nepyeseksa xa énxet'ák nak apmopwána enxoho emyók apchókxa tén han apkenegwe enxoho emonye' ko'o henókasha, yaqwayam enxoho mamassésseme', axta eyke ót'ak.

Daniel 9:11

Apyókxoho énxet'ák Israel melyaheykekxak ma'a nélxekmowásamáxche apagkok, memáheyók elyahakxohok ma'a apkeltémókxa etnahagkok; cháxa keñamak segáhapwa'a nak negko'o m'a aqsok ekmaso, ekyetnama nak eknaqtáxésamaxche m'a Moisés segánamakxa apagkok, apkeláneykha axta exchep, hakte nenláneykegkek negko'o mólya'assáxma nénmexeykekxo exchep.

Miqueas 7:2

Méko kaxwók énxet ekpéwomo aptémakxa keso náxop, tén han meyenseyam nak ma'a Dios; apkelhaxneykha aqsa chá'a kaxwók apnámakkok yaqwayam elnápok; apnegkenchessegkek aqsa chá'a kelhanma yaqwayam elmok.

Sofonías 3:7

Axta entáhak élchetamso ewáxok se'e: ‘Sa' heyeyk chá'a énxet'ák Jerusalén sekteméssesa enxoho xa tén han elyahakxohok chá'a apékessesagkok; tén sa' megkólmasséssemek chá'a m'a apxanák nak eñama ko'o séllegassáseykegkoho.’ Apkelánegkokxeyk axta eyke aqsa makham ekyókxoho m'a mók ektémakxa nak chá'a aqsok ekmaso.

Hageo 1:5

Ektáhak ko'o séláneya kéxegke, ko'o sektáha nak Wesse' ekha sekyennaqte, kóltaqmelchesho kóllanok kéltémakxa nak.

Hageo 1:7

Ektáhak ko'o séláneya kéxegke, ko'o sektáha nak Wesse' ekha sekyennaqte, kóltaqmelchesho kóllanok kéltémakxa nak.

Malaquías 3:16

(Keñe axta apkelpaqhetchásekpoho m'a apkeláyo nak chá'a Dios, aptaqmelchásawók axta nahan apháxenmo Wesse' egegkok ma'a aqsok apkelxeyenma. Táxésáxcheyk axta nahan weykcha'áhak nápaqtók Wesse' egegkok, yaqwayam enxoho kaxénwakxohok chá'a kélwáxok ma'a énxet'ák apcháyo nak chá'a Wesse' egegkok, tén han melwagqayam nak chá'a.)