Jeremías 8:21 - Biblia Enxet

²¹ Eklegeykegkók apkellegeykegkoho nak ma'a énxet'ák ahagkok; yetnegkek sekhakxa m'a ekyaqhápeykha ewáxok tén han seyeye.

Jeremías 8:21 ပူးပေါင်းရင်းမြစ်များ

Nehemías 2:3

ektáhak axta seyáneya wesse' apwányam se'e: —¡Megkamassegwomek sa' chá'a apha exchep wesse'! ¡Megkatnehek ko'o megkayaqhápeykha ewáxok, hakte cham'a tegma apwányam ekheykegkaxa nak takhaxpop apagkok ma'a ẽlyapmeyk nano', kéltawáseykha, kélwatneykekxeyk han ma'a atña'ák nak!

Jeremías 14:17

Etne sa' nahan elának énxet'ák se'e: “Kalpexyewenták sa' ahaqta'ák égmen'ák yókxoho ekhem tén han yókxoho axta'a, meyke néxa, eñama ekmaso agko' ektamhágkaxa m'a énxet'ák ahagkok, eñama élyawe agko' ma'a apkelyense.

Jeremías 14:2

“Apkellekxagweyha m'a énxet'ák Judá, apkellegágkok élyentaxno apkelwáxok ma'a apheykha nak tegma apkelyawe apagkok, aphágkek náxop ma'a énxet'ák. Kelpayheyha apatña'ák apkellegágkoho ekmáske m'a énxet'ák Jerusalén.

Jeremías 17:16

Keñe ko'o maltémo yáphássesek ma'a aqsok ekmaso, maltémók nahan yahak apkellegeykegkoho ekmaso m'a. Apya'ásegkók xép ma'a sektáhakxa axta seyáneya, hakte nápaqtók axta ekpaqmétak.

Jeremías 4:19

¡Éttelegwáseyha ko'o seklegeykegkoho ekmáske! ¡Tayha egkenyek ekyennaqte agko'! ¡Pekhekak ewáxok, mowanchek sekmako awanmak aqsa! Ekleg'ak ko'o kélpáwasso xama kélaqkahasso, tén han kélwónchesso kempakhakma.

Jeremías 8:20

Yeykhayak ekmexanmakxal'a exma, sawhomáxcheyk eknakxamáxche ekyexna aqsok kélcheneykekxa, keñe negko'o mólwagkásamáxchek teyp.

Jeremías 9:1

¡Katnoho annal'a ahaqta'ák ma'a ektémól'a ekteyapmakxa yegmen, keñe ahaqta'ák égmen'ák ma'a ektémól'a yegmen ényé, yaqwayam enxoho awónek chá'a yókxoho ekhem tén han axta'a, eñama aptekyawa m'a énxet'ák ahagkok!

Lamentaciones 3:1

Ko'o sekteme sekya'áseykegkoho ektémakxa nenlegeykegkoho eñama señassáseykegkoho Wesse' egegkok aplo.

Joel 2:6

Apkelpexyennegkek apkelaye apkelwet'a énxet'ák, kelmópeykxeyk nápaqta'a apyókxoho.

Nahúm 2:10

Kélmasséssekmek Nínive, meyke xama aqsok tamhákxa', ekmaso táhak. Kelyelqáxcheyk apkelwáxok apkelaye, kelpexyennegkek aptapnák, apyókxoho massak apkelyennaqte, kelmópeykxeyk nápaqta'a.