Jeremías 7:24 - Biblia Enxet

²⁴ Axta eyke hélyeheykekxoho', axta nahan heháxenmók, apkelyennaqtéssegkek axta aqsa apkelwáxok apkelyetleykekxo m'a ektémakxa axta chá'a élchetámeykha apkelwáxok ekmaso. Axta hey'ékekták ko'o, eyheykekxeyk axta aqsa apkap'ák.

Jeremías 7:24 ပူးပေါင်းရင်းမြစ်များ

Nehemías 9:29

Apkeltémók axta elanagkokxak makham ma'a segánamakxa apagkok; apkenagkamchek axta eyke elya'áseykegkok ma'a énxet'ák nak, axta elyeheykekxak ma'a apkeltémókxa nak antéhek, axta eláneykegkok ma'a apchánamakxa nak antéhek, ekméssamo nak ekyennaqte apnények ma'a énxet apkelane nak chá'a; apkenmexeykekxeyk axta exchep, apkelásennamakpek axta, axta han elyeheykekxoho'.

Salmos 81:13

¡Ehaxnawók axta agkok ko'o m'a énxet'ák ahagkok! ¡Aptáha enxoho chá'a séltémókxa axta chá'a etnehek ma'a Israel,

Jeremías 13:10

Cháxa énxet'ák élmasagcha'a nak apkeltémakxa, megkalyaqwámeykegkok elyahakxohok ma'a séltémókxa nak ko'o etnahagkok, apkelyennaqtéssegkek aqsa apkelwáxok apkelyetleykekxo m'a ektémakxa nak chá'a élchetámeykha apkelwáxok. Apkelyetleykekxeyk ma'a mók aqsok kéláyókxa nak, yaqwayam etnahagkok éláneykha, tén han elpeykeshok chá'a. Aphawók xa kéltétamáxche ektepelchamáxche nak, megkólmowána nak kólmaha.

Jeremías 13:11

Ekteméssessók ko'o apyókxoho énxet'ák Israel ma'a aptémól'a xama énxet apyaqhakkassamól'a aptete nepxet ma'a aptétamap, tén han ma'a apyókxoho énxet'ák Judá, épetcheyók apagko' ko'o m'a, yaqwayam enxoho etnahagkok énxet'ák ahagkok, tén han ellegaksek ma'a sekwesey, tén han kañék sélteméssesso ko'o séláyo, tén han seyeymáxkoho. Makke hélyeheykekxoho'. Ko'o sekxeyenma xa, sektáha nak Wesse'.

Jeremías 15:6

Eyamasmeyk xép, massegkek sélányo. Ko'o sekxeyenma xa, sektáha nak Wesse'. Cháxa keñamak séleklágweykmo nak séláneykha aqsa, ekya'ássek néten émek peya añássesagkoho', keñe sekmasséssekmo.

Jeremías 16:12

Kéxegke so eyesagchawo agkok aqsok kélláneyak, kélyeykhásseykmók ma'a kélyapmeyk nano' axta, kélyennaqtéssegkek aqsa chá'a kélwáxok kélxama kélyetleykekxo m'a ektémakxa nak chá'a élchetámeykha kélwáxok ekmaso, mehelyeheykekxohok nahan ko'o.

Jeremías 17:23

Axta eyke ko'o heháxenmók ma'a, axta han hélyeheykekxoho', apkelyennaqtéssegkek axta aqsa apkelwáxok, axta hélyeheykekxoho', mopmenyeyk axta kólxekmósagkok.

Jeremías 17:9

“Méko xama enxoho ekyeykhágweykmoho ekmowána amya'a tén han ekmaso ektémakxa ektéma nak apwáxok ma'a énxet. ¿Yaqsa awanchek kay'asagkoho'?

Jeremías 18:10

Apkelánegkek agkok chá'a aqsok ekmaso xa énxet'ák nak, melyahákxoho enxoho chá'a sélpaqhetchesso, magwaphássesek chá'a m'a aqsok éltaqmela ekxeyenma nak chá'a ewáxok wáphássesek.

Jeremías 18:12

Sa' etnehek elátegmowágkok xép se'e: ¡Kaqhok eyke exchep henlenxanmok! Egmenyeyk negko'o anlanagkok ma'a ekleklamókxa nak chá'a egwáxok, tén han ólyennaqtések egwáxok ólyetlakxak ma'a ekxeyenmakxa nak chá'a egwáxok.”

Jeremías 2:27

hakte axta aptemék chá'a apkenagkama yámet se'e: ‘Xeye' ekteme táta ahagkok’, tén axta meteymog aptéma chá'a apkelanagkama s'e: ‘Xeye' ekteme méme ahagkok.’ Keñe axta ko'o seyheykekxo apkap'ák, axta hélányo'. Tén axta apkelwet'a enxoho chá'a ekmaso apheykha, etnehek chá'a heyának se'e: ‘¡Hẽlwagkasseta negko'o teyp!’

Jeremías 22:21

Élpaqhetchessegkek axta eykhe kéxegke m'a ektaqmalmakxa axta kélheykha, axta eyke hélháxenmo'. Cháxa kéltémakxa axta kéxegke xa, eyeynamo m'a kéltémakxa axta kélketkók: ¡megkólmenyeyk axta kóleyxhok sekpeywa!

Jeremías 23:17

Etnehek chá'a elának apkelwanyeykha nak chá'a sekpeywa s'e: ‘Méko sa' katnehek ektáhakxa kélheykha kéxegke.’ Keñe m'a apkelyennaqtésso nak chá'a apkelwáxok apkelyetleykekxa m'a ektémakxa élchetámeykha apkelwáxok, etnehek chá'a elának se'e: ‘Megkáhapweyk sa' xama enxoho aqsok ekmaso.’”

Jeremías 3:13

Eyke kay'ásegwakxoho aqsa m'a ektémakxa ekmaso, tén han énmexeykekxo m'a Dios Wesse' agkok; ekweynchámeykencha'a chá'a ektegyeykencha'a énxet apkeleñama mók nekha yaqwayam kagkések ekyókxa, m'a kóneg nak yenta'a élyentaxno pessesse agkok, tén han megkalyeheykekxo m'a séltémókxa nak katnehek. Ko'o sekxeyenma xa, sektáha nak Wesse'.”

Jeremías 3:17

Wesse' egegkok aptaháno ektaqmalma sa' kólteméssesek ekwesey m'a Jerusalén; apyókxoho pók aptémakxa énxet'ák sa' yaqnekxak ma'a, yaqwayam hélpeykesho'; kamaskok sa' elyetlakxohok ma'a ektémakxa nak élmámenyého apkelwáxok elanagkok aqsok ekmaso eñama élyennaqte, yaqwayam sa' etnehek ko'o seyáyo, kamaskok sa' etnahagkok élyennaqte apkelwáxok elanagkok ma'a aqsok ekmaso nak.

Jeremías 32:23

Xama axta apkelántaxnama m'a apchókxa nak, apmoma aptéma apagkok, axta elyeheykekxohok xép, axta nahan elyetlókassók ma'a nélxekmowásamáxche apmésso axta exchep, axta han eláneykegkok ma'a apkeltémókxa axta chá'a elanagkok xép. Axta keñamak apcháphássessama exchep ekyókxoho s'e nenlegeykegkoho nak.

Jeremías 32:33

Eyheykekxeyk apkap'ák, massegkek sélányo. Axta ayenseykmok eykhe sélxekmósso, makke hélyeheykekxoho', melmák takha' m'a séltémókxa etnahagkok.

Jeremías 35:15

Ketók pók axta eykhe ektemék séláphássesso chá'a apyókxoho m'a séláneykha apkellegasso nak chá'a sekpeywa, yaqwayam etnehek elának se'e: Kólwátésák kéltémakxa ekmaso, tén han ekmaso kéllánéyak aqsok. Nágkólyetlakxa m'a mók aqsok kéláyókxa nak, nágkólpeykesho han, keñe sa' kóllenxanmagkohok kélheykha s'e xapop sekmésso axta ko'o kéxegke, tén han ma'a kélyapmeyk nano' axta. Makke kéxegke hélháxenmo', mehelyeheykekxohok nahan.

Jeremías 6:16

Aptáhak Wesse' egegkok apkeláneya énxet'ák apagkok se'e: “Kólchaqnágwom hana ámay, kóllano sa', kóltegyaha sa' amya'a m'a nanók ámay axta, háxko ekyetnamakxa m'a ámay ektaqmalma nak; kólyetlakxa sa' ma'a, keñe sa' kólwetekxak kéllókasso kélyampe.” “Axta eyke aptáhak apkelpaqmeta s'e: Ma', magmakók negko'o ólyetlakxak ma'a.”

Jeremías 7:26

Makke kéxegke hélyeheykekxoho', mehélháxenmók nahan, kélyánchesseykmók aqsa élyennaqte kélwáxok, kélyeykhásseykmók ma'a kélyapmeyk nano' axta.

Jeremías 8:5

Israel, ¿yaqsa eyke ektéma sénmexeykekxo nak? Jerusalén, ¿yaqsa eyke ektéma seyamasma agko' nak ko'o? ¿Yaqsa ektéma aptéma nak ekyennaqte apwáxok tén han memáheyo nak hey'óta'?

Jeremías 9:14

Apkelyennaqtéssegkek aqsa apkelwáxok apkelyetleykekxo m'a ektémakxa nak chá'a élchetámeykha apkelwáxok, apkelpeykessamók ma'a aqsok kéláyókxa élmowancha'a amya'a nak, cham'a ektémakxa axta apkelxekmowáseyak ma'a apyapmeyk nano'.

Ezequiel 20:13

Élmexeykekxeyk axta eyke ko'o m'a yókxexma meykexa nak énxet, axta elyaheykekxohok ma'a segánamakxa ahagkok; aptaqnagkamchek axta m'a séltémókxa axta chá'a etnahagkok sekmésso axta, yaqwayam axta kalyennaqtéssesek chá'a apnénya'ák ma'a apkelánegko enxoho chá'a, aptawáseykha axta ekyókxoho m'a ekhem ahagkok sábado. Tén axta ekxéna ewáxok ategkesek seklo nepyeseksa m'a tén han amasséssók apyókxoho m'a yókxexma meykexa nak énxet.

Ezequiel 20:16

hakte aptaqnagkamchek axta m'a séltémókxa axta chá'a etnahagkok, axta elyaheykekxohok ma'a segánamakxa ahagkok, aptawáseykha axta nahan ma'a ekhem ahagkok sábado, hakte aqsok kéleykmássesso apagkok axta aqsa kelxéneykha chá'a apkelwáxok.

Ezequiel 20:21

“Élmexeykekxeyk axta eyke nahan ko'o apketchek nak xa énxet'ák nak. Axta elyeheykekxohok ma'a segánamakxa ahagkok, axta nahan eláneykegkok ma'a séltémókxa nak chá'a etnahagkok, ekméssamo nak chá'a ekyennaqte apnények ma'a ektáha nak chá'a apkelyaheykekxoho, aptawáseykha axta nahan ma'a ekhem ahagkok sábado. Xénchek axta ko'o ewáxok ategkesek seklo nepyeseksa m'a tén han amasséssók apyókxoho m'a yókxexma meykexa nak énxet, yaqwayam enxoho kamaskok seklo,

Ezequiel 20:8

“Élmexeykekxeyk axta eyke ko'o m'a, axta emáheyók heyeyxho'; axta nahan emassésseykmok ma'a aqsok apcháyókxa élmasagcha'a nak, axta nahan ekxakhák ma'a aqsok kéleykmássesso éleñama axta m'a Egipto. Xénchek axta ko'o ewáxok ategkesek seklo nepyeseksa, tén han allegássesagkohok neyseksa apheykha m'a Egipto ekwokmoho ekmassa seklo.

Daniel 9:6

Mólyaheykekxak ma'a apkeláneykha apkellegasso nak appeywa, apkelpaqhetchessama axta chá'a yetlo apxeyenma apwesey exchep ma'a apkelwesse'e apkelwányam egagkok nak, tén han ma'a apkelámha apmonye'e, tén han ma'a ẽlyapmeyk nano', keñe han ma'a apyókxoho énxet'ák nak Israel.

Oseas 10:6

Kólsakxak sa' han weyke étkok kéleykmássesso m'a Asiria, yaqwayam sa' kólmések ma'a wesse' apwányam ekyawe nak kéláyo. Keñe sa' emegqeyk ma'a Efraín, kamegqaksek sa' Israel ma'a kéleykmássesso apagkok nak.

Oseas 4:16

Hénmexekxohok ma'a Israel, máxa weyke étkok ekmeymente; ¿Apwancheya enaqlók kéxegke Wesse' egegkok ma'a ektaqmelakxa nak pa'at, ektémól'a m'a nepkések apketkók la'a?

Miqueas 6:16

Hakte apyetlamchek xép aptémakxa axta m'a Omrí, apkeláneyak ma'a aptamheykegkaxa axta m'a Ahab apnámakkok, aptemegkek ma'a aptamheykegkaxa axta. Cháxa keñamak peya nak atnéssesek xép aqsok eyeymáxkohol'a kóllano' tén han apkesmésamap yetlo m'a énxet'ák apagkok, kápekxak sa' xép apkelmegqakto m'a énxet'ák ahagkok.”

Zacarías 7:11

Axta eyke elyahákxohok ma'a énxet'ák. Apyókxoho axta apkelpeynchákpok, máxa meyke apeyk'ák axta aptamhágkok.

Deuteronomio 29:19

“Yának sa' chá'a kataqmelak agko' aptémakxa kélxama kéxegke natámen appenchesso sa' chá'a apkelháxenmo ekpeywa s'e segánamakxa nak, keñe sa' katnenek chá'a apwáxok se'e: ‘Tásek sa' chá'a katnehek ekteyapma m'a sélanakxa enxoho chá'a, alának sa' eykhe chá'a ko'o m'a sekmámenyého ahagko' nak chá'a alána'’, sa' etnehek apkelsexnenagko enaqtawasakpok apyókxoho énxet xa.