Jeremías 7:20 - Biblia Enxet

²⁰ Cháxa keñamak peya nak ko'o ayenyenták seklo neyseksa s'e yókxexma nak, ko'o sektáha nak Wesse' tén han nepyeseksa xa énxet'ák nak, ekweykekxoho m'a aqsok kélnaqtósso, tén han yenta'a élámha nak yókxexma, tén han aqsok kélcheneykekxa. Sa' katnehek ma'a ektémól'a táxa eyáléwe, megkólmowánal'a kólsapanchesek.”

Jeremías 7:20 ပူးပေါင်းရင်းမြစ်များ

2 Reyes 22:17

Hakte élyamasmeyk ko'o kéxegke, kélwatnéssegkek han aqsok ekmátsa nak ekpaqneyam éten agkok ma'a mók aqsok kéláyókxa nak, elókassegkek ma'a ekyókxoho aqsok kéllánéyak nak; cháxa keñamak seklawa nak ko'o sektaqnawaya s'e yókxexma nak, megkamassehek nahan sektaqnagko.

Isaías 10:17

Etnekxak sa' táxa eyáléwe m'a Dios aptaqmalma, apkelsássessóxma nak chá'a m'a Israel, xama ekhem agko' sa' nahan elwatnek tén han emasséssók ekyókxoho m'a yámet ekha nak am'ák tén han ma'a ekmompánaqma ekyetnama nak ma'a apchókxa.

Isaías 42:25

Axta keñamak apkeltaqnaweykegko m'a, apkellegassáseykegkók axta apchahaya kempakhakma ekmaso agko' nak, apwakhéssegkek axta m'a táxa; axta eyke emáheyók elya'ásegwók.

Isaías 66:24

“Elchexyók sa', elwetágwaták sa' énxet aphopák ektáha axta ko'o sénmexeykekxa. Meletsepek sa' ma'a yápa apketkók ektáha nak apto, megkaspónhek sa' nahan ma'a táxa ektáha nak élwatno. ¡Yetsek sa' elanok ma'a apyókxoho énxet'ák!”

Jeremías 11:16

Apkeltemegkek axta kéxegke Wesse' egegkok, “olivo ekxámokma áwa', éltaqmalma ekyexna ekxámokma.” Neyseksa éxtegyawà ekyennaqte eyke apwatnak ma'a áwa', keláléweyk ma'a aktegák.

Jeremías 12:4

¿Háxko sa' ekwánxa ekhem kammok ekyamaye xapop, tén han élyamaye pa'at ma'a yókxexma? Keletsepmeyk aqsok kélnaqtósso, tén han náta, eñama apkeltémakxa ekmaso m'a énxet'ák apheykha nak apchókxa, apkenagkama nak xép meteyk ma'a aqsok apkeláneyak.

Jeremías 14:16

Tén han ma'a énxet'ák ektáha axta chá'a apkeltennáseykha m'a, eletsapok sa' nahan kempakhakma, tén han meyk élnapma, yetlo apnaqteyegka'a, tén han apketchek apkelennay'a tén han kelwán'ák. Kólchexák sa' aphopák ma'a ámay nak Jerusalén, méko sa' kalátawanyek. Sa' atnehek ko'o ayaqmagkásekxak ma'a apkeltémakxa ekmaso nak.

Jeremías 17:27

Sa' agkok kéxegke kólyahákxohok ma'a séltémókxa nak kóltéhek, mehelpagkanchessesa enxoho m'a ekhem sábado, kélántaxnéssákxo enxoho chá'a kélseykha atña'ák nak Jerusalén xa ekhem nak, alwatnek sa' ko'o m'a atña'ák nak tegma apwányam, táxa sa' kamasséssók ma'a tegma apkelyawe nak ma'a Jerusalén, méko sa' nahan kawának kaspanchesek.’”

Jeremías 17:4

Kólántépok sa' ma'a xapop sekmeyáseykekxa axta ko'o kéxegke, atnéssesek sa' apkelásenneykha naqsa kélenmexma m'a apchókxa megkólya'ásegkaxa nak kéxegke, hakte eklókek ko'o, máxa táxa sa' katnehek kamasséssók kéxegke.”

Jeremías 18:23

Wesse', apya'ásegkók eyke exchep ekyókxoho aqsok élxeyenma nak apkelwáxok elanagkok, apmáheyo ko'o heyaqhek. ¡Eyaqmagkásekxa m'a aqsok ekmaso apkeláneyak nak, nágkalwánaqma m'a melya'assáxma nak! ¡Elyaqnegkesák ma'a apmonye' nak xép, ellegássesagkoho yetlo aplo!

Jeremías 42:18

“Aptáhak Wesse' ekha apyennaqte, Dios apagkok nak Israel se'e: ‘Sa' atnehek nahan ko'óxa altaqnaweygkok kéxegke m'a sektémakxa axta séltaqnaweykegkoho ahagko' ma'a apheykha nak Jerusalén, kélmeyákxo sa' ma'a Egipto, altaqnaweygkohok ahagko' sa' ko'o kéxegke. Néltémo hentemégwomhok exma ekmaso sa' kóltemekxa', aqsok eyeymáxkohol'a kataxche', megkólwetekxók sa' chá'a s'e yókxexma nak.’

Jeremías 44:6

Keñe seklómo ahagko' ko'o, máxa táxa eyáléwe axta temék élwatnama m'a tegma apkelyawe nak Judá, tén han ma'a ámay nak Jerusalén. Nápakha'a apketkók axta aptamheykekxa', tén han meyke xama aqsok, ekwokmoho makham se'e kaxwo' nak.

Jeremías 6:11

Wesse', lanawók ko'óxa ewáxok xeyep aplo; mowanchek kaxwók sekmako amágwakxa'.” Aptáhak axta ko'o seyáneya Wesse' egegkok se'e: “Eyenyenta nepyeseksa m'a wokma'ák apkelweynchámeykha nak ámay, nepyeseksa nak ma'a wokma'ák apyaqyeyáseykha nak apkelweynchámeykha. Elmakpok sa' ma'a énxet'ák yetlo apnaqteyegka'a, tén han ma'a apkelwányamók apagko' nak.

Jeremías 6:12

Pók énxet'ák sa' elmekxak ma'a apxanák nak, tén han yókxexma apagkok tén han ma'a apnaqteyegka'a nak. Hakte ay'aksek sa' ko'o néten émek, yaqwayam allegássesagkohok ektáha nak apheykha s'e apchókxa nak. Ko'o sekxeyenma xa, sektáha nak Wesse'.

Jeremías 8:13

Aptáhak Wesse' egegkok se'e: “Alyaqtennek sa' ko'o énxet'ák ahagkok ektémól'a kólyaqtennek hótáhap apyexna. Megkeymaxcheyk sa' xama enxoho ekyexna anmen yámet ma'a kélcheneykekxexa nak, tén han xama ekyexna enxoho higo yámet ma'a kélcheneykekxexa nak. Áwa' élyamaye sa' aqsa kaleymaxche'.”

Lamentaciones 4:11

Aplómok apagko' ma'a Wesse' egegkok, axta emágweykekxak aplo; apwatnegkek axta m'a Sión keñe apmassésseykmo ekweykmoho m'a apowhók nak.

Ezequiel 22:22

Sa' kóltéhek kéxegkáxa kólpayhekxak nepyeseksa tegma apwányam ma'a ektémól'a sawo ekmope ekmomnáwa kólpeykásekxak ma'a kañe' táxa axagkok, keñe sa' kólya'ásegwók ektáha ko'o sekyenyeykenta seklo kélnepyeseksa kéxegke, ko'o sektáha nak Wesse'.”

Ezequiel 7:12

Wokmek kaxwo', xegakmek ekhem. Megkalpayhekxeyk sa' chá'a kaxwók apkelwáxok ma'a apkexakha nak chá'a aqsok, megkatnehek sa' nahan chá'a megkalyaqhápeykha apkelwáxok ma'a apkelma nak chá'a aqsok. Allegássesagkohok sa' ko'o yetlo seklo m'a énxet'ák apkeleymákpoho nak Israel.

Ezequiel 7:14

“Kapáwak sa' eykhe kélaqkahasso yaqwayam kampakhaxche'; elánekxak sa' aptamhágkaxa apyókxoho énxet, méko sa' eyke xama enxoho yaqwayam exog elnapakpok. Allegássesagkohok sa' ko'o yetlo seklómo ahagko' ma'a énxet'ák apxámokma nak Israel.

Daniel 9:11

Apyókxoho énxet'ák Israel melyaheykekxak ma'a nélxekmowásamáxche apagkok, memáheyók elyahakxohok ma'a apkeltémókxa etnahagkok; cháxa keñamak segáhapwa'a nak negko'o m'a aqsok ekmaso, ekyetnama nak eknaqtáxésamaxche m'a Moisés segánamakxa apagkok, apkeláneykha axta exchep, hakte nenláneykegkek negko'o mólya'assáxma nénmexeykekxo exchep.

Levítico 26:28

alenmexekxak sa' ko'óxa kéxegke, yetlo seklo sa' allegássesagkohok ko'o makham ekyentaxno agko', eñama megkólya'assáxma.

Nahúm 1:6

¿Yaqsa megkatsepek ma'a aplawa enxoho? ¿Yaqsa awanchek kalenmaxaxkohok ma'a aplo nak? Máxa táxa eyáléwe katnehek kapayhekxak ma'a aplo, kamayhekxak chá'a neyseksa apmonye' m'a meteymog.

Sofonías 1:2

Keso aptáhakxa axta appeywa Wesse' egegkok se'e: “Amasséssók sa' ko'o ekyókxoho aqsok ekhéyak nak keso náxop.

Sofonías 1:3

Amasséssók sa' énxet'ák, tén han aqsok kélnaqtósso, tén han náta tén han kelasma, alpelápagkasek sa' ma'a élmasagcha'a nak apkeltémakxa, amasséssók sa' énxet keso náxop.” Keso aptáhakxa axta appeywa Wesse' egegkok se'e:

Zacarías 7:12

Apkelyennaqtéssek axta apkelwáxok ektémól'a meteymog ekyennaqte agko' la'a, yaqwayam enxoho megyeyxók ma'a kélxekmósso tén han nélánémaxchexa antéhek apkeltennasso axta Wesse' ekha nak apyennaqte m'a espíritu apagkok, apchásenneykekxo axta eñeksek ma'a nanók apkellegasso axta Dios appeywa. Axta keñamak aplama apagko' ma'a Wesse' egegkok.

Malaquías 4:1

Aptáhak Wesse' egegkok ekha apyennaqte s'e: “Chágketwa'ak ekhem, ekmexanma ektémól'a táxa axagkok, yaqwánxa sa' elmétek apyókxoho m'a éleymáxkoho nak apkelwáxok ektémól'a kalmétek ma'a pa'at apák eyáléweykhal'a ekyawe. Elmétek sa' ekwa'a enxoho xa ekhem nak, Cháxa ekhem peya nak kawa', megyeymakpek sa' xama enxoho.