Jeremías 7:2 - Biblia Enxet

² “Etnegwakxa sa' ma'a átog nak tegma appagkanamap ahagkok, ko'o sektáha nak Wesse', exén sa' se'e amya'a nak. Sa' etnehek se'e: Kélyókxoho kélheykha nak Judá, kélántaxnegweyktámho nak chá'a kólpeykeshok Wesse' egegkok se'e átog nak, kóleyxho sa' se'e appeywa,

Jeremías 7:2 ပူးပေါင်းရင်းမြစ်များ

1 Reyes 22:19

Aptáhak axta Micaías: —Yeyxho sa' aptáhakxa appeywa Wesse' egegkok: Ekwet'ak xeyk Wesse' egegkok apha m'a néten aptaháno eyeymáxkoho, keñe han apchaqnáncha'a apyókxoho apkelásenneykha m'a nápakha, ekpayho nak apkelya'assamakxa', tén han ma'a ekpayho nak nepsagqalwa.

Salmos 122:2

Jerusalén, ¡nélántaxneyk kaxwók kañe' apwáxok!

Isaías 1:10

Kélámha kélmonye'e nak Sodoma, kóleyxho Wesse' egegkok appeywa; énxet'ák Gomorra, kóltaqmelchesho kóleyxhok apmako nak elxekmósek ma'a Dios egagkok.

Jeremías 10:1

Énxet'ák Israel, kóleyxho s'e amya'a nak, apkeltennasso nak kéxegke m'a Wesse' egegkok.

Jeremías 11:6

Tén axta aptáha seyáneya Wesse' egegkok se'e: “Eñes sa' nepyeseksa tegma apkelyawe Judá s'e amya'a nak tén han ma'a ámay nak Jerusalén. Etne sa' elának énxet'ák se'e: Kóleyxho sa' ektémakxa nak ekpeywa s'e ekhémo mók nélpaqhetchásamáxkoho nak, kólyahakxoho sa'.

Jeremías 19:14

Keñe axta natámen xa, aptépeykxo makham Jeremías apkeñama m'a Tófet, apcháphasakxa axta Wesse' egegkok apkeltamho eñeksek ma'a aptáhakxa appeywa, apkenegwákxeyk axta m'a apwáxok nak tegma appagkanamap. Aptáhak axta apkeláneya apyókxoho énxet'ák se'e:

Jeremías 2:2

“Exeg sa' elpaqhetchessók ma'a énxet'ák Jerusalén; énnaqtés sa' appeywa, yaqwayam sa' kataqmelek apkelháxenmo: ‘¡Keso aptáhakxa nak appeywa Wesse' egegkok se'e! Xénwákxók ko'o ewáxok ektémakxa axta étkok, meheyenyaweykencha'a axta chá'a, cham'a sektémakxa axta etáwa', seyásekhayo axta chá'a, sétleykencha'a axta chá'a m'a yókxexma meykexa nak énxet, xapop megkólcheneykekxexa nak aqsok aktek.’

Jeremías 2:4

Kóleyxho Wesse' egegkok appeywa, Jacob aptawán'ák neptámen, tén han kélyókxoho Israel aphawóxama.

Jeremías 26:2

Aptáhak axta apcháneya s'e: “Etnegwakxa sa' kañe' tegma appagkanamap, exén sa' ekyókxoho m'a séltamho axta eltennaksek énxet'ák apkeleñama nak tegma apkelyawe Judá, yaqwayam hélpeykeshok chá'a ko'o m'a tegma appagkanamap nak. Eltennés sa' ekyókxoho.

Jeremías 28:5

Apchátegmowágkek axta Jeremías ma'a Hananías apxeyenma axta chá'a apteme Dios appeywa aplegasso, nápaqta'awók ma'a apkelmaxnéssesso nak Dios énxet'ák apagkok, tén han ma'a apyókxoho énxet'ák apheykha axta m'a tegma appagkanamap nak. Axta aptáhak se'e:

Jeremías 34:4

Sedequías, wesse' apwányam nak Judá, etaqmelchesho sa' apháxenmo, sekmako nak ko'o altennaksek xép, ko'o sektáha nak Wesse': Megkólyetxáyhek sa' xép sókwenaqte emátog.

Jeremías 36:10

Apmahágkek axta Baruc ma'a apwáxok néten nak ma'a tegma appagkanamap, nentaxnamakxa nak ma'a ekwesey nak Átog Axnagkok, axta nahan apcheynawók apkelyetsetchesso weykcha'áhak apyókxoho énxet'ák aptáxésso axta Jeremías appeywa m'a Guemarías nak kañe' apxagkok, Safán axta apketche apteme axta apnaqtáxésso chá'a weykcha'áhak.

Jeremías 36:6

Emyekxa sa' xép ma'a, ekwákxo enxoho ekhem élánamáxchexal'a manto nento, elyetsetek sa' ma'a weykcha'áhak sélyetsetchesa exchek ko'o exchep, aptáxésa exchek, yaqwayam sa' ellegak Wesse' egegkok appeywa m'a énxet'ák, tén han ma'a apyókxoho apheykha nak tegma apkelyawe Judá, apkelwa'akto nak se'e.

Jeremías 44:24

Aptáhak axta han Jeremías apkeláneya apyókxoho énxet'ák, tén han kelán'ák se'e: —Kóleyxho s'e Wesse' egegkok appeywa, kélyókxoho kéxegke énxet'ák Judá, kélheykha nak Egipto.

Jeremías 7:1

Appaqhetchessek axta Wesse' egegkok ma'a Jeremías. Aptáhak axta apcháneya s'e:

Ezequiel 37:1

Apweykásenteyk axta ko'o apmopwána tekhéxet Wesse' egegkok, tén axta setekkesa yetlo ekláneyo ewáxok ma'a apmopwána, exnéssekmek axta m'a xama ekyapwátegweykenxa xapop, ekheykegkaxa axta ekxámokma m'a kélexchakkok.

Oseas 5:1

“Apkelmaxnéssesso énxet'ák ahagkok, kóleyxho sa' se'e; Énxet'ák Israel, kóltaqmelchesho sa' kélháxenmo; kéxegke wesse' apwányam nak apnámakkok, kóleyxho sa' se'e: Kéxegke sa' kólyekpelchexkoho', hakte máxa kelhanma kélpekkenmal'a kéltemék kéxegke m'a Mispá, tén han xama yám'én kéltegyessól'a m'a egkexe nak Tabor,

Amós 7:16

Yeyxho sa' Wesse' egegkok appeywa. Keso aptémakxa chá'a exchep appeywa s'e: ‘Ná emha Dios apwesey elenmexek énxet'ák Israel, ná elxénmakha nahan ekmaso m'a Isaac aptawán'ák neptámen nak.’

Miqueas 1:2

Kóleyxho sa' se'e, énxet'ák kélyókxoho nak; kóltaqmelchesho sa' kélháxenmo s'e kélyókxoho kélheykha nak ekyókxoho apchókxa: Elxénchásekxohok sa' kéltémakxa kéxegke Wesse' egegkok ma'a aphakxa nak tegma appagkanamap aptaqmalma apagkok.

Miqueas 3:1

Kóleyxho sa' kaxwo', kelwesse'e, tén han apkelámha apmonye'e nak Israel, ¿yagkapayhawok kéxegke kólya'asagkohok ma'a aqsok ekpéwomo nak?

Miqueas 3:9

Kóleyxho sa' kaxwo' se'e, kelwesse'e, tén han apkelámha apmonye'e nak Israel, kéltaqnagko nak chá'a m'a nentémakxa ekpéwomo, kélyetnakhásseyam nak chá'a ekyókxoho m'a aqsok ekpéwomo nak,