Jeremías 7:19 - Biblia Enxet

¹⁹ Háwe eyke ko'o setnéssesseykmohoxma ekmaso xa énxet'ák nak, apnaqtawásamakpekxoho apagko', yaqwayam enxoho elmegqasakpekxohok apagko'. Ko'o sekxeyenma xa, sektáha nak Wesse'.

Jeremías 7:19 ပူးပေါင်းရင်းမြစ်များ

Esdras 9:7

Nanók negko'o nentémakxa ekmaso agko' mólya'assáxma, ekwokmoho makham se'e kaxwo' nak, élmasagcha'a nentémakxa keñamak negko'o sẽlméssama m'a kelwesse'e mók apkelókxa, negko'o tén han ma'a kelwesse'e apkelwányam egagkok, tén han ma'a apkelmaxnéssesso nak Dios énxet'ák apagkok. Nanók ektémakxa negko'o sẽlyensasso chá'a, sẽlnaqleykekxa megkatnahakxa negókxa, sẽlmenyexchesso aqsok egagkok, tén han sẽlwanyeykha, cháxa sentémakxa nak makham se'e kaxwo' nak.

Job 35:6

Apkelanak agkok mey'assáxma, megkatwássesha apha m'a Dios; xámok agko' eykhe katnehek apkelane mey'assáxma, megkatnéssessamók eyke exma.

Isaías 1:20

kéllenxanmégkók sa' agkok kélmámenyého kóltéhek élyennaqte kélwáxok, kóletsapok sa' neyseksa kempakhakma.” Wesse' egegkok apagko' apxeyenma xa.

Isaías 1:24

Cháxa keñamak Wesse' ekha nak apyennaqte, Apyennaqte apagko' nak ma'a Israel, aptáha appeywa s'e: “¡Wánxa kólteme! Allegássesagkohok sa' ko'o m'a sélenmexma nak. Ayaqmagkásekxak sa' mók ma'a apkeltémakxa nak.

Isaías 45:16

Elmegqágwakxohok sa' apyókxoho m'a apkelánéyak nak chá'a aqsok kéleykmássesso, melya'asagkehek sa' aptamhágkaxa, elesmésakpok sa'.

Jeremías 15:9

Élyennákxoho axta chá'a keletsapak ma'a kelán'ák apxámokma nak étchek, kelántaxneykxeyk axta chá'a élennama; ekyáqtéssóxma axta chá'a tamhákxak élányo m'a ekhem, kelmegqakkek axta, keleyósek axta awáxok. Kéleyméxcheyk sa' agkok chá'a kélnápakha megkóletsapma, wának sa' chá'a elnápok ma'a kélenmexma nak. Ekméssek ko'o sekpeywa, sektáha nak Wesse' apagkok.”

Jeremías 2:17

Temegkek kéxegke xa ektáha nak eñama sélyamasma ko'o, sektáha nak Dios Wesse' kélagkok, sekpékessáseyak nak chá'a ámay kélagkok.

Jeremías 2:19

Kéltémakxa ekmaso kélagko' sa' kéxegke kallegassásegkokxa', kélyamasma kélyetleykha Dios sa' kalsexnena'. Kalchetam sa' kélwáxok keñe sa' kólya'ásegwók asagkek ko'o hélyenyók, tén han askehe', tén han mehélakawo enxoho, ko'o sektáha nak Dios Wesse' kélagkok. Ko'o sekxeyenma xa, sektáha nak Wesse' ekha sekyennaqte.

Jeremías 20:11

Wesse', sekxegexma eyke ko'o exchep, máxa m'a kempakhakma yáp apyennaqte meykel'a ekhémo; elpelapmok sa' ma'a énxet'ák sénmexeykha nak chá'a ko'o, mehexók sa', megkatyepek sa' apmakókxa etnahagkok, elmegqágwakxak sa', megkatnégwomek sa' néxa apkelxénamap ekmaso apkeltémakxa.

Jeremías 22:22

Éxchahayam sa' kalsók ma'a apyókxoho apkelámha apmonye'e kélagkok, kólnaqlakxak sa' megkatnahakxa apkelókxa m'a appasmeykekxa axta chá'a kéxegke. Kólmegqágwakxohok kélagko' sa', eñama m'a ekyókxoho kéltémakxa ekmaso nak.

Jeremías 25:7

Aptáhak kaxwók Wesse' egegkok se'e: ‘Megkólmáheyók kéxegke hélyahakxoho; éllókassegkek kélpeykessamo m'a aqsok kéláyókxa kélláneyak kélagko' nak kéxegke, cháxa peya sa' kagkések kéxegke aqsok ekmaso xa.

Jeremías 3:25

Ólháxahagkok hana nélmegqakto, yetlo nélyeykhásamáxkoho egagko' nélmegqágweykekxa', hakte nentémakxa sakcha'a axta negko'o negeynamo nenlánéyak mólya'assáxma nenmexeykekxo m'a Dios Wesse' egagkok, tén han mólyeheykekxa, ekwokmoho s'e kaxwo nak, weykekxók axta nahan ma'a ẽlyapmeyk nanók axta.”

Jeremías 44:3

eñama m'a aqsok ekmaso apkeláneyak, hakte elókassegkek axta ko'o apkelpeykessamo m'a mók aqsok kéláyókxa nak tén han apkelméssama chá'a m'a aqsok ánek ekmátsa nak ekpaqneyam éten agkok; aqsok kéláyókxa melya'ásegko nak ma'a, tén han megkólya'ásegko nak kéxegke, tén han melya'áseykegko axta m'a kélyapmeyk nano'.

Jeremías 8:19

Legáxkók apkelápentegeykha apkellegeykegkoho ekmáske énxet'ák ahagkok ma'a ekyókxoho apheykegkaxa nak énxet: “¿Masséya apha Wesse' egegkok ma'a Sión? ¿Masséya apha wesse' apwányam apagkok ma'a?” Aptáhak axta apchátegmowágko Wesse' egegkok se'e: “¿Yaqsa ektéma séllókassama nak kélpeykessamo m'a kéleykmássesso, cham'a aqsok kéláyókxa ekteme nak mékcha'awo tén han éleñama mók nekha?”

Jeremías 9:19

Wokmók Sión eklegamaxche nélápentegeykha néllegeykegkoho ekmáske: ¡Negko'ol'aye nennaqtawásexche'! ¡néllegagkók nélmegqakto! Agyenyók sa' negókxa, hakte kélpalchessek ma'a enxanák.

Ezequiel 16:26

Keláneseykegkek chá'a nentémakxa ekmaso mansexta m'a énxet'ák apheykha nak ketók axagkok, cham'a egipcios apkelyawe nak, elókassek ko'o m'a ektémakxa nak meyke néxa élane m'a ektémakxa ekmaso megkamasexta.

Deuteronomio 32:16

Aplókassegkek axta Dios apkelpeykessamo m'a kéleykmássesso élmasagcha'a agko' nak;