Jeremías 7:14 - Biblia Enxet

¹⁴ Sa' atnéssesek han ko'o sekteméssessamakxa axta kélpakxanma appagkanamap apyetnama nak Siló s'e tegma appagkanamap sélpeykessamókxa nak chá'a ko'o, sekmésso axta ko'o kéxegke, tén han ma'a kélyapmeyk nano', tén han kélásenneykekxo nak chá'a kéxegke.

Jeremías 7:14 ပူးပေါင်းရင်းမြစ်များ

2 Reyes 25:9

apwatnékxeyk axta m'a tegma appagkanamap, tén han ma'a wesse' apwányam apxagkok apyawe, tén han ma'a apyókxoho tegma nak tegma apwányam, ekweykekxoho m'a apyókxoho kelwesse'e apxanák nak,

2 Crónicas 7:21

Keñe sa' se'e tegma appagkanamap nak, kélteméssessama axta chá'a apcheymákpoho, meteymog ektaháneykekxa mók sa' etnekxa', keñe sa' ma'a apyókxoho apkelyeykhágwayam enxoho chá'a, elyegweyk sa' chá'a elweta', keñe sa' etnehek chá'a elmaxneyha s'e: ¿Yaqsa kexa ektéma apteméssessama nak Wesse' egegkok se'e apkelókxa nak, tén han se'e tegma appagkanamap nak?

Salmos 78:60

apyamasmeyk axta m'a kélpakxanma appagkanamap apyetnama axta m'a Siló, apxagkok axta nepyeseksa m'a énxet'ák.

Isaías 64:11

Massesseykmek táxa m'a tegma appagkanamap egagkok apcheymákpoho, apkelpeykessamókxa axta chá'a exchep ma'a ẽlyapmeyk nano'. ¡Kelesagchawók agko' ekyókxoho m'a aqsok negmámenyého egagko' nak chá'a negko'o!

Jeremías 12:7

“Éxakkek ko'o énxet'ák ahagkok, ektaqnawágwokmek ma'a ektáha axta ahagkok. Ekméssek ko'o yaqwayam elmok apkelenmexma m'a énxet'ák aptáha axta ko'o sélásekhayókxa.

Jeremías 23:39

alpatmekxak sa' ko'o kéxegke ektémól'a nempata ekyentaxno, yetlo tegma apwányam sekmésso axta ko'o kéxegke, tén han ma'a kélyapmeyk nano' axta, keñe sa' akxakhagwók makhawók agko'.

Jeremías 26:18

“Apkeltennassegkek axta apyókxoho énxet'ák Judá, aptémakxa appeywa Wesse' egegkok ma'a Miqueas, apkeñama axta Moreset, cham'a aptémakxa axta wesse' apwányam Judá m'a Ezequías. Axta aptemék apkelanagkama s'e: “Aptáhak Wesse' ekha nak apyennaqte s'e: Namyep kélpeyncheyam xóp sa' katnekxak ma'a Sión, meteymog ektaháneykekxa mók sa' katnekxak ma'a Jerusalén, keñe sa' néten egkexe apyetnamakxa nak tegma appagkanamap, náp'at sa' katnekxa'.”

Jeremías 26:4

Eltennés sa' sektáha ko'o sekpeywa s'e, sektáha nak Wesse': ‘Sa' agkok hélyahákxak ko'o, tén han megkóllánegko enxoho m'a séltémókxa axta kóltéhek sekmésso axta ko'o kéxegke,

Jeremías 7:10

keñe chá'a kólmeyenták se'e tegma appagkanamap sélpeykessamókxa nak chá'a ko'o, kólchaqnágwaták nahaqto'. Kólának chá'a méko katnehek kélheykha s'e; kólának chá'a kélwanchek kóllenxanmagkohok kéllánéyak xa aqsok sektaqnagkamo nak ko'o.

Jeremías 7:12

Kólmeyekxa m'a kélpakxanma appagkanamap ahagkok apyetna nak Siló, ektáha axta ko'o sélyéseykha amonye' yaqwayam chá'a axek, kóllano sa' sekteméssessamakxa axta ko'o m'a, eñama apkeltémakxa ekmaso m'a énxet'ák ahagkok Israel.

Jeremías 7:4

Nágkóleyxho m'a apkelyexancháseykencha'a nak chá'a, aptéma nak chá'a apkelanagkama s'e: ¡Keso apyetna Wesse' egegkok tegma appagkanamap apagkok se'e, keso apyetna Wesse' egegkok tegma appagkanamap apagkok se'e!

Lamentaciones 2:7

Aptaqnókek Wesse' egegkok ma'a ekwatnamáxchexa nak chá'a aqsok, apyenyókek ma'a tegma appagkanamap apagkok; apméssek yaqwayam elyaqnegkesagkok apkelenmexma m'a kélhaxtegkesso ekmasma nak chá'a tegma apwányam. ¡Legáxcheyk kélwehéseykha m'a Wesse' egegkok nak tegma appagkanamap apagkok, ektémól'a kañexchek kélwehéseykha kélessawássessamo!

Lamentaciones 4:1

¡Peysamákxeyk ma'a sawo ekyátekto ekmomnáwa nak! ¡Massegwokmek élyenma m'a sawo ekyátekto ekmomnáwa agko' nak! ¡Kexpaqneykha ekyókxoho máséyak ámay ma'a meteymog apagkok nak ma'a tegma appagkanamap!

Ezequiel 23:31

Yetlamchek xeye' m'a ektémakxa nak yáxa; cháxa keñamak sekmako nak wagkok xeyáxa' m'a aqsok ekmáske, seyágko axta m'a.

Ezequiel 24:21

‘Etne sa' elának énxet'ák Israel se'e: Keso aptáhakxa exchek appeywa Wesse' egegkok se'e: Atwasha sa' ko'o tegma appagkanamap ahagkok, cham'a kélmámenyého kélagko' nak chá'a kéxegke kóllano' tén han kélásekhayo kélagko' nak chá'a, tén han éleymáxkoho nak chá'a kélpaqméteykha kólxénmakha, tén han apmésso nak chá'a kélyennaqte; katekyók sa' ma'a kélketchek kélnegkeneykekxa axta m'a Jerusalén, cham'a apkelennay'a nak tén ma'a kelwán'ák nak.

Deuteronomio 12:5

Elyésha sa' eyke xama yókxexma Wesse' egegkok yaqwánxa katnehek ekyetnamakxa apwesey nepyeseksa m'a énxet'ák kélagkok nak. Sa' nahan chá'a kélwanchek kéxegke kólmeyekxak kólpeykeshok ma'a yókxexma nak.

Deuteronomio 28:52

“Ewakhekxak sa' ma'a apyókxoho tegma apkelyawe kélagkok keñe sa' ektamagkok, ekwokmoho apkelyaqnegkásegko m'a meteymog kélhaxta nak nepyáwa netna'awók agko' tén han kélhaxtegkesso nak ekyennaqte kélásenneykekxo nak chá'a; ewakhekxak sa', tén sa' ektamagkok ma'a apyókxoho tegma apkelyawe nak ma'a apchókxa apkelmésso axta m'a Dios Wesse' kélagkok.