Jeremías 6:6 - Biblia Enxet

⁶ Aptáhak Wesse' egegkok ekha nak apyennaqte s'e: “¡Kólyaqtén sa' yenta'a, kóllána sa' kélyetlamakxa néten, yaqwayam sa' kólchetamagkok ma'a Jerusalén! Apxénamakpek kóllegássesagkohok xa tegma apwányam nak, hakte sawheykekxók apnaqtawáseykegkoho apnámakkok énxet'ák ma'a kañe' nak.

Jeremías 6:6 ပူးပေါင်းရင်းမြစ်များ

Isaías 37:33

“Axta aptáhak Wesse' egegkok apxéna wesse' apwányam Asiria s'e: ‘Metxehek sa' Jerusalén, memakték sa' xama enxoho yágke, mektamagkehek sa' nahan yetlo apcháhakkásamap, melanyek sa' nahan ámay néten nenchántamakxa m'a nepyáwa' nak.

Jeremías 20:8

Ekpaqmetchek agkok chá'a wánxa aqsa chá'a axének ma'a apkelyennaqteyáseykha nak chá'a apyempe'ék énxet'ák, tén han ma'a sẽlmassésseyam nak; megkayetyapwágweykmok sélya'ásseyam, tén han sésmésamaxche', hakte axének chá'a ko'o m'a appeywa.

Jeremías 22:17

“Wánxa eyke aqsa chá'a exchep ekxéneykencha'a apwáxok ma'a apxámáseyak nak aqsok apagkok eñama apmenyexeykha; apkelnapmeyk chá'a m'a meyke nak apkeltémakxa, apnaqtawáseykegkok chá'a énxet'ák apagkok.”

Jeremías 32:24

“Apkelánegkek kaxwók apkelchántéyak néten ma'a caldeos, yaqwayam ektamagkok ma'a tegma apwányam. Kempakhakma, meyk, tén han negmasse sa' kañék emok tegma apwányam ma'a ektáha nak apketámeyam. Wesse', apwet'ak xép ektáha m'a apxeyenma axta chá'a katnehek.

Jeremías 32:31

Selókaséyak aqsa chá'a ko'o aptemék se'e tegma apwányam nak, eyeynamo m'a sekxók axta apkelánamákpo, ekwokmoho makham se'e kaxwo nak. Cháxa keñamak peya nak ko'o amasséssók,

Jeremías 33:4

Yetneyk ko'o xama amya'a, ko'o sektáha nak Wesse', Israel Dios apagkok, ekxeyenma nak ma'a tegma Jerusalén, tén han ma'a kelwesse'e apkelwányam nak apxanák ma'a Judá, peya nak kólyaqnegkesagkok. Kelántépexcheyk sa' agkok kólnapaxchek yetlo sókwenaqte m'a caldeos, cham'a apkelánegko nak apkelchántamakxa néten yaqwayam ektámegmak ma'a tegma apwányam, kélhapák sa' aqsa esawheyásekxohok ma'a kañe' nak. Seklo ekmaso sa' kalnápok, hakte massék ko'o sélano xa tegma apwányam nak, eñama ekxámokma agko' aqsok ekmaso élánamáxche'.

Jeremías 39:1

Apxegkek axta Nabucodonosor wesse' apwányam Babilonia yetlo apyókxoho sẽlpextétamo apagkok peya yempakhak ma'a Jerusalén ekweykmo axta diez pelten nueve apyeyam apteme wesse' apwányam Sedequías ma'a Judá, apwakhegwokmek axta.

Jeremías 5:29

¿Mallegássesagkóya sa' ko'o eñama apkeláneyak xa aqsok nak? ¿Matnésseseya sa' ko'o ekpayhawo nak atnéssesek séllegassáseykegkoho énxet'ák aptamhéyak nak xa ektéma nak? Ko'o sekxeyenma xa, sektáha nak Wesse'.

Jeremías 5:9

¿Mallegássesagkóya sa' ko'o eñama apkeláneyak xa aqsok nak? ¿Matnésseseya sa' ko'o ekpayhawo nak atnéssesek séllegassáseykegkoho énxet'ák aptamhéyak nak xa ektéma nak?

Ezequiel 4:2

Keñe sa' natámen ewakhaksek sẽlpextétamo tén han ma'a apkelmeykha nak chá'a ektamagkok apkelenmexma, elána sa' meteymog kélhaxta m'a nepyáwa, tén han xama ámay kélyetlamakxa néten, yaqwayam sa' etakpok xama tegma apwányam ekhaxtamomaxche m'a nepyáwa.

Ezequiel 5:5

“Ektáhak ko'o sekpeywa s'e, sektáha nak Wesse': Cháxa Jerusalén xa. Ko'o axta sekpekkenma nepyeseksa m'a énxet'ák tén han ma'a pók aptémakxa nak chá'a énxet'ák.

Daniel 11:15

Exegmak sa' wesse' apwányam apkeñama nak nexcheyha, yának sa' kólekheksek xapop nepyáwa nak tegma apwányam ekyennaqte nak kélhaxtegkesso nepyáwa', tén sa' emok. Mopwanchek sa' eltaqheksohok apkelenmexma m'a sẽlpextétamo apmopwancha'a nak yempakhak apheykha nak nepyeyam.

Sofonías 3:1

¡Jerusalén la'aye, tegma apwányam apkenmexeykekxa nak Dios, eksawheykekxoho nak nentémakxa ekmaso, apnaqtawáseykegkoho nak chá'a m'a apheykha nak kañe'!