Jeremías 52:6 - Biblia Enxet

⁶ Yágwokmók axta meyk ma'a tegma apwányam, cham'a ekhem nueve aptáhakxa nak cuatro pelten ma'a apyeyam nak, méko axta entáhak aptéyak ma'a énxet'ák.

Jeremías 52:6 ပူးပေါင်းရင်းမြစ်များ

2 Reyes 25:3

Keñe axta ekhem nueve, pelten cuatro xa apyeyam nak, ekyágwokmoho meyk segaqhe m'a tegma apwányam, méko axta entáhak aptókagkaxa énxet.

Isaías 3:1

¡Kóltaqmelchesho kóllano'! Elántekkesek sa' Wesse' ekha nak apyennaqte Jerusalén tén han Judá m'a apyókxoho pók aptémakxa nak chá'a énxet'ák apkelseykentegkesso aqsok ma'a énxet'ák, tén han apyókxoho m'a apkelmeyáséyak nak chá'a aptéyak tén han ma'a yegmen.

Jeremías 15:2

Apkelmaxneyáha sa' agkok háxko elmahagkok, eltennés sa' sektáha ko'o sekpeywa s'e: “Énxet apkelxénamap nak eletsapok negmasse ekmaso, negmasse ekmaso sa' kalnápok; énxet apkelxénamap nak eletsapok kempakhakma, kempakhakma sa' eletsapok; énxet apkelxénamap nak eletsapok meyk élnapma, meyk élnapma sa' eletsapok; énxet apkelxénamap nak kólnaqlakxak megkatnahakxa apkelókxa, kólnaqlakxak sa' megkatnahakxa apkelókxa'.’

Jeremías 19:9

Wának sa' ko'o etawagkokxak aphápetek apketchek apkelennay'a m'a énxet'ák tén han apketchek kelwán'ák, etawagkokxak sa' nahan chá'a aphápetek ma'a pók, eñama melya'assáseyak aptamhágkaxa m'a apkelenmexma apkeltaqnagkamo apagko' nak chá'a neyseksa apwakhe m'a tegma apwányam.

Jeremías 21:9

Kempakhakma sa' eletsapok apkelheykekxa nak chá'a s'e tegma apwányam nak, tén han meyk, tén han negmasse. Keñe sa' ma'a apkelánteyapma nak chá'a, apkelmeyásamap nak chá'a m'a caldeos, apketamokmo nak kaxwók se'e tegma apwányam nak, meletsepek sa'; sa' kalwagkasek teyp aptamhéyak xa.

Jeremías 25:10

Amasséssessók sa' ko'o nepyeseksa eklegamaxche m'a kélmeneykmasso nak chá'a ekhem kélessawássessamo, tén han élpayheykekxexa nak chá'a kélwáxok, tén han ma'a élmeneykmásamáxche nak chá'a sẽlyamhopma, tén han ma'a élaqtáweykha nak chá'a m'a meteymog kéltekxekxo, kamassegwók sa' nahan ekwetamaxche élsassóxma m'a cháléwasso.

Jeremías 37:21

Keñe axta wesse' apwányam Sedequías apkeltamho aqsa kólhések Jeremías apmomap ma'a kañe' kélhaxtegkesso nak wesse' apwányam apxagkok, tén han kólsakxések chá'a kelpasmaga ekyókxoho ekhem, apkeñama nak apkelánamap ma'a ámay ekwesey nak Apkelánéyak Kelpasmaga. Axta kélteméssessók xa ektáha nak, ekhakxa axta makham nento m'a tegma apwányam. Aphegkek axta Jeremías ma'a kañe' kélhaxtegkesso nak wesse' apwányam apxagkok.

Jeremías 38:9

—Wesse', asagkók agko' apteméssesakxa Jeremías xa énxet'ák nak. Yámelchet apchaqxegkásak, yetsapok sa' meyk eyaqhe m'a, hakte méko kaxwók táhak nento tegma apwányam.

Jeremías 39:2

Apkelántaxneyk axta tegma apwányam ma'a sẽlpextétamo apyagqaxkatakxa axta, ekhem nueve ektéma axta once apyeyam cuatro pelten apteme wesse' apwányam ma'a Sedequías,

Lamentaciones 1:11

Apkellekxagweyha apyókxoho énxet'ák apheykha nak ma'a kañe', aptegyágkek aptéyak; apkelméssek chá'a aqsok apagkok ekyaqmageykekxa nento, yaqwayam enxoho meletsephe'. ¡Wesse', elano sẽlteméssesakxa ekmaso! ¡Kaxén apwáxok setnahakxa nak!

Lamentaciones 5:10

Máxa táxa axagkok temék élmeyesma egyempe'ék, kelméxenchessegkek egyempe'ék meyk sẽlnapma.

Ezequiel 14:13

“Apkelánegkek sa' agkok melya'assáxma xama apkelókxa hénmexek ko'o tén han seyensakmo enxoho sétleykha, allegássesagkohok sa' ko'o, amasséssók sa' ma'a ektémakxa nak ekha aptéyak; wáphaksek sa' meyk nepyeseksa, wának sa' eletsapok énxet tén han ma'a aqsok kélnaqtósso.

Ezequiel 14:21

“Ektáhak ko'o sekpeywa s'e sektáha nak Wesse': Kayágwomhok sa' aqsa ekmaso seyáphasa sa' ko'o cuatro nenlegeykegkoho ekmaso agko' ma'a Jerusalén, cham'a kempakhakma, meyk segaqhe, aqsok nawha'ák éllo tén han ma'a negmasse ekmaso, yaqwayam sa' kalnápok ma'a énxet tén han ma'a aqsok kélnaqtósso.

Ezequiel 31:1

Epaqhetchessek axta ko'o Wesse' egegkok eyeynókxa axta ekxega émha amonye' ekhem, aptáhakxa axta apqántánxo pelten ma'a once apyeyam. Aptáhak axta seyáneya s'e:

Ezequiel 5:16

Wáphaksek sa' ko'o meyk kélnepyeseksa kéxegke, ektémól'a m'a yágke aktek ekxámokma ekmassesseykmohol'a énxet. Wáphaksek sa' ko'o kélnepyeseksa kéxegke m'a sẽlmassésseyam nak tén han ma'a meyk segaqhe tén han ma'a meyke nento.

Ezequiel 7:15

Kempakhakma sa' ma'a yókxexma, keñe sa' ma'a kañe' nak negmasse tén han meyk. Eletsapok sa' neyseksa kempakhakma m'a énxet'ák apheykha nak yókxexma, keñe sa' ma'a apheykha nak kañe' tegma apwányam eletsapok meyk élnapma tén han negmasse ekmaso.

Levítico 26:26

“Ekmasséssekmek sa' agkok ko'o m'a kéltéyak nak, diez kelán'ák sa' chá'a kamakhetchesek kéltéyak kéxegke xama táxa axagkok, ketsék sa' chá'a kalmésagkok, kóltawagkok sa' eykhe, megkólyaqkanmehek sa' eyke chá'a.

Zacarías 8:19

“Manto nento, élánamáxche nak chá'a pelten cuatro, cinco, siete tén han diez, katnekxak sa' ekpayheykekxexa egwáxok, apkelsawássessamókxa apkelátseykegkaxa chá'a m'a Judá aptawán'ák neptámen. ¡Kólásekhoho chá'a kéxegke m'a ektáha nak ekmámnaqsoho tén han meyke ektáhakxa negha!”

Deuteronomio 32:24

eletsapok sa' meyk élnapma tén han negmasse; kamasséssók sa' negmasse ekmáske nak hentéhek; wahak sa' ko'o m'a aqsok nawha'ák éllo élleykha nak naxma tén han ma'a yéwa ekmáske nak hentakxek.