Jeremías 52:29 - Biblia Enxet

²⁹ keñe ekweykmo dieciocho apyeyam apnaqleykekxo, ochocientos treinta y dos énxet'ák Jerusalén;

Jeremías 52:29 ပူးပေါင်းရင်းမြစ်များ

Génesis 12:5

Apyentegkek axta han aptáwa' Sarai, tén han ma'a apephénem Lot, yetlo axta han ma'a ekyókxoho aqsok apagkok ekyetnakxa nak, tén han énxet'ák apkelmá axta m'a yókxexma Harán. Xama axta apkelwokmo Canaán,

2 Reyes 25:11

Tén axta Nebuzaradán apnaqlákxo Babilonia m'a apkeleymomap axta makham apheykha m'a tegma apwányam nak, ekweykekxoho m'a appasmeykekxa axta wesse' apwányam Babilonia, tén han ma'a apkeleymomap axta apkeláneyak chá'a aqsok.

2 Crónicas 36:20

Tén axta kélnaqlákxo Babilonia m'a metekyawa axta, aptemegweykenxa axta apkelásenneykha naqsa m'a wesse' apwányam, tén han apkelásenneykha naqsa m'a apketchek, ekwokmoho ekxatakha'a m'a Persia,

Éxodo 1:5

Setenta axta apyókxoho m'a Jacob aptawán'ák. Nanók axta eyke aphayam José m'a Egipto.

Jeremías 32:1

Appaqhetchessek axta Wesse' egegkok Jeremías, cham'a ekweykmo axta diez apyeyam apteme wesse' apwányam Sedequías ma'a Judá, ekweykmo axta dieciocho apyeyam apteme wesse' apwányam ma'a Nabucodonosor.

Jeremías 39:9

Keñe axta Nebuzaradán apteme nak sẽlpextétamo apkemha apmonye' apagkok ma'a wesse' apwányam, apnaqlákxo Babilonia m'a apkeleymomap axta tegma apwányam, appaxqeykekxa axta m'a caldeos; cham'a apyókxoho nak.

Jeremías 52:12

Apwokmek axta Jerusalén ma'a Nebuzaradán, apteme axta wesse' apwányam apkeláneykha tén han apkemha apmonye' sẽlpextétamo apagkok, ekhem diez pelten cinco, cham'a ekweykmo axta diecinueve apyeyam apteme wesse' apwányam ma'a Nabucodonosor, wesse' apwányam axta m'a Babilonia,

Jeremías 52:28

Keso apwánxa axta apyókxoho énxet apnaqleykekxa megkatnahakxa apkelókxa Nabucodonosor se'e: tres mil veintitrés énxet'ák Judá axta apnaqleykekxak ekweykmo axta siete apyeyam apteme wesse' apwányam;

Jeremías 52:30

keñe axta Nebuzaradán apkeltémo kólnaqlakxak setecientos cuarenta y cinco énxet'ák Judá, cham'a ekweykmo axta veintitrés apyeyam. Cuatro mil seiscientos énxet'ák axta apweykmok apyókxoho kélántekkesso kélnaqleykekxa megkatnahakxa apkelókxa.