Jeremías 52:22 - Biblia Enxet

²² Sawo ekyexwase axta han xama étseksa'ák ma'a élámha nak, ánet metros axta han ekmahéyak néten, wakheykekxeyk axta han nekhaw'ék ma'a sawo ekyexwase ekho axta yám'én aqta'ák, kélnáxegkáseykha axta han chá'a ekho yántakyexna. Hawók axta mók xa ánet nak meteymog élámha.

Jeremías 52:22 ပူးပေါင်းရင်းမြစ်များ

1 Reyes 7:20

Élyaqye axta han chá'a nekhaw'ék tén han néten ma'a apqatkok, cham'a élyawakxa nak chá'a élpayhe, yetlo m'a sawo élyagqáxeykha, doscientos yánta ekyexna kéleykmássesso ánet éléweykekxa axta han ma'a.

1 Reyes 7:42

apkeláneyak axta cuatrocientos yántakyexna yaqwayam kaxnagkok nekhaw'ék ma'a ánet sawo élyagqáxeykha nak, ánet éléweykekxa chá'a xama nekha m'a sawo élyagqáxeykha, kélwakhasso nak apqatkok élyaqye ekhéyak axta m'a néten nak élámha;

2 Reyes 25:17

Ketsék axta han yeykhágweykmohok chá'a ocho metros ekmahéyak néten ma'a xama nak meteymog élámha, sawo ekyexwase axta han ma'a étseksa'ák nak, ánet metros axta han ekmahéyak néten, wakheykekxeyk axta han nekhaw'ék ma'a sawo ekyexwase ekho axta yám'én aqta'ák, kélnáxegkáseykha axta han chá'a ekho yánta ekyexna. Hawók axta mók xa ánet nak meteymog élámha.

2 Crónicas 3:15

Apkeláneyak axta Salomón ánet élámha, dieciséis metros élwenaqte élmahéyak néten, yaqwayam elánchesek ma'a apmonye' nak tegma appagkanamap. Dos metros veinticinco centímetros axta élwenaqte m'a apqatkok.

Éxodo 28:25

elatches sa' nahan ánet naw'ék nak chá'a ánet axát'ák élpexyeynchamaxche nak ma'a néten nak ánet kéltahanchesso meteymog éltaqmalma, yaqwayam sa' kóltétekxak chá'a ekmeykegkaxa nak chá'a m'a apáwa efod ekpayho nak egnények.