Jeremías 51:8 - Biblia Enxet

⁸ Axta eyke kawenaqtémok apteyekmo m'a Babilonia aptamheykekxo nápakha'a apketkók. ¡Kóllekxagwaha kóllanok ma'a! Kólsantagkas pánaqte yaqwayam kóltexnássesagkok apkelyense, lapmaxcheyk sa' kaltaqmelchessessók.”

Jeremías 51:8 ပူးပေါင်းရင်းမြစ်များ

Isaías 21:9

Ekwet'ak ko'o ekxegakmo xama yátnáxeg apyenyawasso apqánet yátnáxeg kélnaqtehetchesso.” Tén axta aptáha xama énxet se'e: “¡Apteyekmek, Babilonia, apteyekme'! Nekha'a étkók kéltemessásekxak kélyaqnegkessásegko náxop ma'a ekyókxoho kéleykmássesso apagkok apcháyókxa nak chá'a.”

Isaías 47:11

Káhapwak sa' eyke exche' m'a eklegeykegkoho ekmaso, yawanchek sa' kaleyxchesek ma'a ekmowána nak; kaweywenták sa' takháxet xeye' aqsok ekmaso megkamowána nak kamagkok; cham'a xama aqsok ekmaso megkaxeyenma nak awáxok katlakkasek aqsa káhapwak xeye'.

Isaías 47:9

Katlakkasek sa' eyke káhapwak xama ekhem agko' xeye' xa aqsok nak: Tampe' sa' katnehek, tén han meyke étchek, megkeyxek sa' ekxámokma m'a ekmowána, tén han ektémakxa nak ekxámokma agko' ma'a ekmowána katekkesek aqsok.

Jeremías 46:11

“¡Énxet'ák Egipto, kólmeyekxa kóltegyaha pánaqte m'a Galaad! ¡Xámok sa' eykhe katnehek pánaqte kélmeykha, megkaltaqmelchessemek sa' eyke, hakte méko kéxegke pánaqte kélagkok!

Jeremías 48:20

Mékoho kéltemessásekxak ma'a Moab, asagkók agko' axta ektáhakxa. ¡Kóllekxagwaha kóllanok ma'a! ¡Kóllegés kélmasséssekmo Moab ma'a neyáwa nak wátsam Arnón!”

Jeremías 48:31

Cháxa keñamak peya sa' ko'o awónek, kaqhek ewáxok alanok apyókxoho m'a énxet'ák Moab, tén han ma'a énxet'ák Quir-heres.

Jeremías 50:2

“Kóllegés sa' se'e, kólya'assásegwom sa' nepyeseksa apyókxoho énxet'ák. Kóllegés sa' yaqwayam kólya'asagkoho'; nágkólpós xama enxoho. Kólteme sa' se'e: ‘¡Apteyekmek Babilonia! ¡Aqsok eyesmésamaxche tamhákxak ma'a dios Bel, megkay'ásegkok ektáhakxa élmenaye m'a dios Marduc! ¡Aqsok élasmésamaxche tamhákxak ma'a aqsok kéleykmássesso apagkok, tén han ma'a aqsok apkeláyókxa élmowancha'a amya'a nak, kelmenakawók agko'!’

Jeremías 51:41

¡Apteyekmek ma'a Babilonia, apxénamap nak ekyókxoho yókxexma, apmákpe'! ¡Apkelyegwakkek apkelwet'a ektáhakxa m'a apyókxoho énxet'ák!

Jeremías 8:22

¿Mékoya xama enxoho pánaqte m'a Galaad? ¿Mékoya xama enxoho apmopwána hentaqmelchessók ma'a? ¿Yaqsa ektéma meltaqmelweykmo nak énxet'ák ahagkok?

Ezequiel 30:2

“Xép énxet, exén sa' sektáhakxa ko'o sekpeywa, etne sa' se'e: “Keso aptáhakxa exchek appeywa wesse' egegkok se'e: kólwehéssesha m'a ekhem

Daniel 5:24

Cháxa keñamak apcháphasa nak kélaphek ektáxésa s'e ektéma nak amya'a:

Daniel 5:31

apmákxeyk axta aptémakxa nak wesse' apwányam ma'a Darío, apkeñama axta m'a yókxexma Media. Sesenta y dos apyeyam apagkok axta m'a Darío.

Nahúm 3:19

¡Méko pánaqte agkok ma'a apyense nak xép; megkataqmelwome'! Apkeltekpagáha apmék yetlo élpayheykekxa apkelwáxok apyókxoho apkellege nak ektáhakxa exchep eyáhapwe aqsok ekmaso, ¿yaqsa axta megkañeykegkoho chá'a m'a aptémakxa ekmaso, megkayetyapwágweykmo axta?”