Jeremías 51:56 - Biblia Enxet

⁵⁶ Apkelxegakmek yaqwayam emasséssók Babilonia; apkelmeyk kaxwók ma'a kempakhakma yapmeyk apagkok, apkelekkexchessek yágke apagkok. Hakte Wesse' egegkok, apteme xama Dios, apyaqmagkáseykekxohol'a chá'a aptémakxa xama énxet ekpayhawo nak chá'a etnéssesek.

Jeremías 51:56 ပူးပေါင်းရင်းမြစ်များ

Génesis 49:24

apmeyhek eyke m'a José, meyawhesha chá'a yágke apagkok; ¡Jacob Dios apagkok apyennaqte keñamak apteméssesso!, ¡apkeláneykha nepkések apwesey keñamak, cham'a apmasma nak ma'a Israel!

Salmos 137:8

¡Babilonia, kólmasséssók sa' xép! ¡Apkeleñémo apteméssesso nak ekpayhawo etnéssesek senteméssessamakxa axta negko'o!

Salmos 37:15

Sawo élwenaqte apagkok apagko' sa' eyke kólyetxeykxak chá'a, keñe sa' yágke apagkok katnekxak nekha'a étkók.

Salmos 46:9

apmasséssekmek kempakhakma, ekweykmoho m'a néxa xapop nak keso nélwanmeygkaxa; apkelekkexchek ma'a yágke, nekha'a étkók aptemessásak ma'a sawhéwa, ¡apkelwatnékxeyk ma'a yátnáxeg apkelyenyawasso apkenchesso nak kempakhakma!

Salmos 76:3

axta apkelekkexmak kélmeykha nak chá'a kélanchesso kempakhakma m'a: cham'a kéláhakkassamaxche', sókwenaqte, yágke, tén han ma'a sawhéwa.

Isaías 21:2

Asagkók agko' ma'a aqsok sexekmósso nak ma'a Dios: Appelakkassessek chá'a apsexnáneya pók ma'a énxet apsexnenagkamo nak chá'a pók, apmasséssekmek aqsok ma'a apmassesseykmoho nak chá'a aqsok. ¡Kólchempekxa néten, énxet'ák Elam! ¡Énxet'ák Media, kólchetamák! ¡Maltamhók ko'o kaxwo' kólpaqmésmakha eñama kéllegeykegkoho!

Isaías 34:8

Katnehek sa' ekhem apyaqmagkáseykekxexa mók ma'a Wesse' egegkok, apyeyam apyaqmagkassáseykekxexa mók kélteméssessamakxa m'a Sión.

Isaías 35:4

kólteme kólának énxet'ák eyeye nak chá'a apkelwáxok se'e: “¡Kólwasqápekxoho, nágkólé'! ¡Keso Dios kélagkok se'e yaqwayam elwagkasek teyp, ellegássesagkohok sa' ma'a kélenmexma ekpayhawo nak yaqwayam ellegássesagkoho'!”

Isaías 59:18

Egkések sa' chá'a Wesse' egegkok xama m'a ekpayhawo nak chá'a egkések; ellegássesagkohok sa' ma'a apkelenmexma nak. Egkések sa' chá'a ekpayhawo nak chá'a egkések ma'a aptaqnagko nak chá'a; kawakxohok sa' nahan ma'a apheykha nak apkelókxa neyáwa wátsam ekwányam.

Jeremías 49:35

“Ektáhak ko'o sekpeywa s'e, sektáha nak Wesse' ekha sekyennaqte: Alekkexchesek sa' ko'o yágke apagkok ma'a énxet'ák Elam, cham'a yágke ekméssamo nak chá'a apkelyennaqte.

Jeremías 50:10

Elyementók sa' aqsok apagkok caldeos, elyementamagkok sa' aqsok apagkok ekwokmoho élleklámegko apkelméyak. Ko'o sekxeyenma xa, sektáha nak Wesse'.

Jeremías 50:36

¡Kólnáhap ma'a kelyohóxma'a apagkok: élyeyháxma sa' etnahagkok!

Jeremías 51:24

“Kélnápaqta'awók sa' kéxegke ayaqmagkásekxak apkeltémakxa m'a énxet'ák Babilonia, tén han ma'a caldeos, ekpayhawo nak chá'a atnéssesek, eñama ekmaso apteméssessamakxa axta m'a Sión. Ko'o sekxeyenma xa, sektáha nak Wesse'.

Jeremías 51:30

Apkelwáteságkek apkempakhe m'a sẽlpextétamo Babilonia, apkelhákxeyk ma'a tegma apkelyennaqte apagkok nak; massék apkelyennaqte, máxa kelán'ák aptamhágkokxa'. Apkelántaxneykpek ma'a tegma apkelyawe apagkok nak, kélwatneyásekxeyk ma'a apxanák.

Jeremías 51:48

Kapayhekxak sa' awáxok apteyekmo sa' Babilonia m'a néten, tén han xapop, tén han ma'a ekyókxoho aqsok élánteyapma nak, apkelxegakmo sa' apkeleñama nexcheyha m'a apmassésseyam nak. Ko'o sekxeyenma xa, sektáha nak Wesse'.

Jeremías 51:53

Yántek sa' eykhe Babilonia m'a néten, yaqwayam epekkenwók netnók agko' ma'a apxagkok apyennaqte nak, aláphaksek sa' eyke han ko'o apkelenmexma m'a, yaqwayam emasséssók. Ko'o sekxeyenma xa, sektáha nak Wesse'.”

Jeremías 51:6

“¡Kólántép Babilonia! ¡Kólwagkasaxche teyp kélewagko enxoho! ¡Nágkóltamho kóletsapok eñama apkeláneyak melya'assáxma m'a énxet'ák Babilonia! Wokmek kaxwók sekyaqmagkáseykekxexa mók apkeltémakxa, axnéshok sa' mók ma'a ektémakxa nak chá'a aqsok apkeláneyak.

Lamentaciones 3:64

Wesse', etnésses ekpayhawo nak etnéssesek, egkés ma'a éltémókxa nak egkések ma'a aqsok apkelánéyak.

Ezequiel 39:3

Keñe sa' alekkexekxak ma'a yágke apmeykencha'a nak nepsagqalwa apaqnegkeshok sa' ma'a ahamtek apmeykencha'a nak ma'a apkelya'assamakxa.

Ezequiel 39:9

“Elántépok sa' ma'a énxet'ák apheykha nak kañe' tegma apkelyawe Israel, elwatnekxak sa' nahan ma'a apkelmeykha apkenchesso kempakhakma, cham'a mók ektémakxa nak chá'a m'a apkeláhakkásamap, tén han ma'a yágke yetlo m'a ahamta'ák nak, héwa élyawe tén han ma'a sawhéwa, kaxek sa' nahan yántapák apagkok yaqwayam elwatnek ekweykmoho siete apyeyam.

Amós 2:15

Melenmaxakpek sa' ma'a apmeykha nak yágke, melwagkasakpek sa' teyp ma'a apkelyennaqte nak apkenyahéyak, tén han ma'a apchánte nak yátnáxeg yenyehek.

Abdías 1:15

Sa' kólteméssesek xépxa ekhawo apteméssesakxa nak ma'a apnámakkok: ¡exkak sa' ma'a ekpayhawo nak kólteméssesek! “Chágketwokmek kaxwók Wesse' egegkok ekhem apagkok yaqwánxa sa' elyekpelkohok apyókxoho énxet'ák.

Habacuc 2:8

Épetchekxak sa' pók, pók aptémakxa énxet'ák yenmexek xép, elyementók sa' aqsok apagkok, ekhawo aptémakxa axta chá'a exchep, apkelyementamoma aqsok apagkok ma'a. Exnéshok sa' mók ma'a ekyókxoho aptémakxa ekmaso axta, apyennaqteyáseykencha'a axta apyempehek ma'a apchókxa, apkenmexma axta m'a tegma apkelyawe nak, yetlo énxet'ák apheykha m'a kañe'.

Deuteronomio 32:35

yaqwayam sa' amha m'a ekhem sekheyásawo sa' mók apkeltémakxa, sekmésa sa' apkellegeykegkoho ekpayhawo nak chá'a agkések, ekwokmo sa' apkelyaqnenágko keso náxop. Chágketwokmek ekhem yaqwánxa kólmasséssók, ¡Ketók agko' kaxwók ekhem!’

1 Samuel 2:4

Cha'a apkelekkexchesso chá'a yágke apagkok ma'a kempakhakma yapmeyk apkelyennaqte nak, tén han apmésso apkelyennaqte m'a apkelyelqamákpoho nak;