Jeremías 51:52 - Biblia Enxet

⁵² Akke aptáhak Wesse' egegkok se'e: “Xegakmek yaqwánxa sa' ko'o allegássesagkohok ma'a kéleykmássesso nak Babilonia, elápentegmakha sa' kélyensáseyák ma'a ekyókxoho apchókxa nak.

Jeremías 51:52 ပူးပေါင်းရင်းမြစ်များ

Jeremías 50:38

¡Kóltawásesha wátsam apagkok: kalyameygkok sa'! Hakte Babilonia ekteme xama apchókxa ekheykegkaxa kéleykmássesso élmaso agko', cháxa élyeykessama nak exma xa.

Jeremías 51:47

Kammok sa' ekhem yaqwánxa allegássesagkohok ko'o m'a kéleykmássesso nak Babilonia. Mékoho sa' katnekxak ekyókxoho apchókxa, eksawheykekxoho kélhapák.

Ezequiel 28:23

“Wáphaksek sa' ko'o negmasse neyseksa exche', kasawhekxohok sa' éma m'a ekyókxoho ámay agkok; eletsapok sa' énxet'ák agkok apheykha nak ma'a kañe', eñama kélyetxaqxo chá'a sókwenaqte ekyókxoho m'a kañe' nak. Keñe sa' hélya'ásegwók ko'o sektáha Wesse'.

Ezequiel 30:24

Alyennaqtéssesek sa' ko'o apaktegák ma'a wesse' apwányam Babilonia, agkések sa' ma'a sókwenaqte ahagkok. Alekkexchesek sa' ko'o apaktegák ma'a faraón, yápentegmakha sa' nápaqta'awók apkelenmexma aplegágkoho enxoho ekmáske m'a apkelyense.