Jeremías 51:40 - Biblia Enxet

⁴⁰ Keñe sa' anaqlakxak ma'a aptekyómakxa, ektémól'a nepkések apketkók kólnaqlakxak, tén han yát'ay, tén han ma'a nepkések apkelennay'a.”

Jeremías 51:40 ပူးပေါင်းရင်းမြစ်များ

Salmos 37:20

Máxa pa'at apák sa' etnahagkok elmétek ma'a élmasagcha'a nak apkeltémakxa; máxa éten sa' etnehek elmassegwók ma'a apkelenmexma nak Wesse' egegkok.

Salmos 44:22

Ketók eyke chá'a negko'o nentekyómakxa eñama negyetleykha exchep; máxa ẽlteméssessók ma'a nepkések kélnaqleykekxal'a aptekyómakxa.

Isaías 34:6

Kaltexneyxchek sa' éma m'a Wesse' egegkok sókwenaqte apagkok tén han pexmok, ektémól'a etekyók nepkések tén han yát'ay ma'a kélméssól'a yaqwayam etekyók. Elának sa' aqsok ektekyawa Wesse' egegkok ma'a Bosrá, nentekyawa ekyawe sa' elának ma'a tegma apwányam Edom.

Jeremías 48:15

Kólmasséssók sa' ma'a Moab, yetlo tegma apkelyawe apagkok; etekyók sa' ma'a wokma'ák apagkok apkelyennaqte nak. Apxénchek Wesse' Apwányam xa, apwesey nak Wesse' ekha apyennaqte.

Jeremías 50:27

¡Kólnáhap apyókxoho m'a sẽlpextétamo apagkok nak, kólnaqlakxa yaqwánxa nak etekyók! ¡Apyósekak eyke eykhel'a! ¡Wokmek ekhem yaqwánxa kóllegássesagkoho'!

Ezequiel 39:18

katawagkok sa' ma'a sẽlpextétamo aphápetek, keynagkok sa' nahan ma'a kelwesse'e apkeltaqmelchesso nak chá'a apkelókxa éma apagkok, máxa sa' katnéssesek ma'a ektémól'a nepkések apkelennay'a, tén han apketkók la'a, tén han ma'a yát'ay apketkók la'a essenhan ma'a weyke étkók kélennay'a eknaqmelel'a m'a yókxexma Basán.