Jeremías 51:34 - Biblia Enxet

^34-35 Aptáhak Jerusalén se'e, tegma apwányam Sión nak: “Nekha'a étkók axta ko'o etnéssáseykekxak Nabucodonosor wesse' apwányam nak Babilonia, emasséseykmek axta; máxa axta etnessáseykekxak ma'a sokpayhe meykel'a aqsok awáxok. Máxa yegmen askok ekyawe axta aptemék senaqsapma, ekyetno nak wátsam ekwányam; apyaqkáneykmek axta aptama ekleklamókxa nak apwáxok ekyetno sekyókxa, keñe m'a nekha nak apkexakhama. ¡Kólyaqmagkásekxak sa' setnéssessamakxa axta ko'o m'a Babilonia! ¡Kólyaqmagkásekxa sa' ektémakxa axta sẽlnapma negko'o m'a caldeos!”

Jeremías 51:34 ပူးပေါင်းရင်းမြစ်များ

Job 20:15

Eyekxagkok chá'a m'a aqsok ekxámokma apkelmenaqsapma axta; elhaxyawássesek chá'a Dios ma'a kañe' apwokmo nak.

Salmos 74:13

apmopwána axta exchep apmeykeseykekxak neyseksa wátsam ekwányam, apkelpáxqatchessegkek axta apqatkok yegmen askok élyawe ekhéyak nak wátsam ekwányam,

Proverbios 1:12

Apkelyennákxoho sa' ólnápok ma'a énxet'ák meyke nak apkeltémakxa, ektémól'a nétsapma kalmenaqsapok énxet'ák kélxátawayam nak kañe' takhaxpop.

Isaías 34:11

Sepekhék sa' katnegwók élyáqtamakxa m'a tén han mahésso, kalánegwók sa' axanák kágqag ma'a tén han sawe apkelyawe. Meyke xama aqsok sa' etnessásekxak Wesse' egegkok xa apchókxa nak, tén han ekyamayéxma.

Isaías 42:22

kélmenyexchessegkek eyke chá'a aqsok apagkok xa énxet'ák nak, kélyementamomchek nahan chá'a, apyókxoho nahan apkelmomakpok chá'a, kélxatamchek chá'a m'a kañe' magmowagkexa nak antépok; kélmomchek chá'a xa énxet'ák nak méko nahan xama énxet enxoho yaqwayam elántekkesek, kélpóssegkek chá'a, méko nahan chá'a xama énxet enxoho yaqwayam elwagkasek teyp.”

Jeremías 50:17

“Máxa nepkések apkelxegányam la'a m'a énxet'ák Israel, ekmenxeneykhal'a méwa. Wesse' apwányam Asiria axta apto apmonye', keñe axta natámen Nabucodonosor wesse' apwányam nak Babilonia, apkeltakxékencha'a apexchakkok.

Jeremías 50:7

Apkeltahanya'awók axta agkok chá'a m'a apkelenmexma nak, elnápok axta chá'a etawagkok, axta etnehek chá'a elpaqmétek se'e: ‘Manlánegkok negko'o aqsok ekmaso, hakte apkeláneykegkek melya'assáxma nápaqtók Wesse' egegkok ma'a, apkelmésso nak chá'a ekyókxoho aqsok, melya'ásseykmo axta chá'a m'a apyapmeyk nano'.’

Jeremías 51:44

“Añássesagkohok sa' ma'a dios Bel nak Babilonia, ayekxássesek sa' ma'a aqsok élmenaqsapma axta, melyo'ótamók sa' nahan kaxwók ma'a pók aptémakxa énxet'ák. ¡Kelyaqnenágkek kaxwók ma'a kélhaxtegkesso nak Babilonia!

Jeremías 51:49

Naqso', etyamok sa' ma'a Babilonia, eñama apkelnapma énxet'ák ma'a kañe' Israel, tén han ma'a ekyókxoho apkelókxa nak keso náxop.”

Lamentaciones 1:1

¡Apxakkók apagko' aptamhákxak ma'a tegma apyawe apláneyo axta chá'a énxet'ák! ¡Aphágwakxók kelán'a tampe' m'a tegma apyawe apagkok nak énxet'ák! ¡Kélméssegkek ekyentaxno ektamheykha m'a apchókxa ektaqmalma nak!

Lamentaciones 2:16

Elpaqmétek chá'a etaqnók xeye' m'a apyókxoho katnaha nak námakkok. Etnehek chá'a exének neyseksa apkelmóheykha tén han apkelyaqyeyasáseykha apmék: “Negmasséssekmók egagko'. Cháxa nélhaxanma nak katnehek xa; ¡negwet'ak kaxwo'!”

Ezequiel 36:3

Eltennés sa' sektáhakxa ko'o sélxeyenma m'a, etne sa' elának se'e: ‘Keso aptáhakxa exchek appeywa Wesse' egegkok se'e: Ekyókxoho yókxexma apketámeykmok kéxegke, apmassesseykmek nahan; apyókxoho énxet'ák apkeleñama nak mók apkelókxa aptemék apagkok kéxegke, keñe m'a énxet'ák apkelasméssama chá'a yetlo apkelwanyeykha.

Oseas 8:8

¡Kélsawhomakyek ma'a Israel! Máxa aqsok meyke eyásekhamaxchel'a aptemék apkelányo m'a pók énxet'ák nak,

Amós 8:4

Kóleyxho s'e, kéxegke kélnaqtawáseykegkoho nak chá'a m'a apkelmopyóseka nak, tén han kéltawassáseykha nak chá'a apheykha m'a meyke nak aqsok apagkok ma'a kélókxa;

Nahúm 2:2

Hakte peyk egkeyásekxak makham apcheymákpoho Wesse' egegkok ma'a Jacob, peyk egkeyásekxak makham apcheymákpoho m'a Israel, ektéma axta m'a nanók axta, amonye' axta kélsawhéssamo aqsok apagkok, amonye' axta kélteméssesso m'a ektémól'a anmen yámet meyke axchakkok.