Jeremías 51:32 - Biblia Enxet

³² Apkelmeyk axta apkelenmexma m'a wátsam apkelyekheykekxexa axta chá'a énxet'ák, apkelwatneyk axta han ma'a tegma apkelyennaqte nak, apkelyegwakkók apagko' axta m'a sẽlpextétamo.

Jeremías 51:32 ပူးပေါင်းရင်းမြစ်များ

Isaías 44:27

Ewanchek ko'o wának keymék ma'a wátsam ekwányam nak tén han katnehek meyke yegmen ma'a wátsam étkók agkok nak.

Isaías 47:14

Aphawók eyke pa'at apák xa: kalwatnohok ma'a táxa, mopwanchek elwagkasakpok teyp neyseksa m'a táxa eyáléwe. Hakte háwe táxa átex agkok ma'a, yaqwayam enxoho kaxtek tén han kaxek nápaqta'awo'.

Jeremías 51:30

Apkelwáteságkek apkempakhe m'a sẽlpextétamo Babilonia, apkelhákxeyk ma'a tegma apkelyennaqte apagkok nak; massék apkelyennaqte, máxa kelán'ák aptamhágkokxa'. Apkelántaxneykpek ma'a tegma apkelyawe apagkok nak, kélwatneyásekxeyk ma'a apxanák.

Jeremías 51:31

Apyaqmagákpek pók apkelseykha nak chá'a amya'a apkeltennássekxo chá'a wesse' apwányam Babilonia apmákpo apyókxoho m'a tegma apwányam apagkok.

Jeremías 51:33

Hakte aptáhak Wesse' ekha apyennaqte Dios apagkok nak Israel se'e: “¡Aphawók Babilonia m'a kélchexakkassamakxa nak chá'a apyempe'ék hótáhap apaktek, kaxwók sa' kammok ekhem eknakxamáxchexa apaktek!”

Jeremías 52:7

Kélyagkaxqatchek axta m'a nápakha tegma apyawe kélhaxtegkesso nak, apwakhayak axta eykhe caldeos ma'a, axta eyke kahaxnak aptepa wesse' apwányam yetlo apyókxoho sẽlpextétamo apagkok tegma apwányam nak, axta'a axta apkenyahágkok, apkelántekkek axta m'a átog ekpayho nak élámhakxa ánet meteymog tegma kélhaxtegkesso, cham'a ámay ekpayho nak kélchencháseykekxexa axta pánaqte exnók ma'a wesse', keñe apkelyetlawa m'a ámay ekmahéyak nak ekyapwátegweykenxa m'a Jordán.