Jeremías 51:29 - Biblia Enxet

²⁹ Yawheyha xapop, pexyennegkek nahan, hakte apkelanak Wesse' egegkok ma'a ekxeyenma axta apwáxok elána', apmáheyo etnéssásekxak Babilonia meyke xama aqsok ekmaso agko'.

Jeremías 51:29 ပူးပေါင်းရင်းမြစ်များ

Isaías 14:16

Apchaqneyk nahan chá'a apkelano m'a ektáha nak chá'a apkelwete, aptáhak nahan chá'a apkelpaqmeta neyseksa apkelányo s'e: ‘¿Enxoho énxet apkelyegwakkáseykencha'a axta chá'a énxet'ák ekyókxoho apheykegkaxa xa, apmassesseykmo nak ma'a apkelókxa apheykegkaxa nak chá'a pók aptémakxa énxet'ák,

Isaías 24:20

Máxa anmen áto' sa' katnehek kayawheykha, máxa tegma aphápak sa' katnehek kayawheykha meykel'a apyennaqte apkelánamap. Yentexók agkók ma'a megkay'assáxma, teyekmek sa' agkok, megkólxátekhásekxeyk sa' chá'a.

Jeremías 10:10

Wesse' egegkok apteme Dios apmámnaqsoho, Dios megyetsapma, Wesse' apwányam memassegwayam. Aplókek agkok ma'a, kayawheykha chá'a xapop; mopwanchek elenmaxakpohok aplo m'a pók aptémakxa énxet'ák.

Jeremías 50:13

Hakte ataqnók sa' ko'o, meyke énxet apheykha kañe' sa' atnéssesek, meyke agko' aqsok sa' atnessásekxa'. Elyegweyk sa' chá'a apyókxoho apkelyeykhágwayam enxoho chá'a m'a, apkelwet'a enxoho ektémakxa kéllegassáseykegkoho.

Jeremías 50:36

¡Kólnáhap ma'a kelyohóxma'a apagkok: élyeyháxma sa' etnahagkok!

Jeremías 50:43

Apkelyelqákpek axta aqsa nahan apleg'a amya'a m'a wesse' apwányam Babilonia eñama apkeye, aplegágkók axta ekyentaxno apwáxok, tén han ekmáske, máxa axta aptáhak ma'a kelán'a ekmáheyól'a katnehek naqláwa.

Jeremías 50:45

Kóleyxho séláneykekxa nak ko'o sektáhakxa sekmakókxa atnéssesek ma'a Babilonia, ko'o sektáha nak Wesse', sekmakókxa nak han ko'o atnéssesek ma'a apchókxa nak caldeos: Kawomhok sa' kélyementaméyak ma'a apketchek ketcheyetse nak, kóltawasha sa' nahan ma'a yókxexma apagkok ektaqmalma nak.

Jeremías 50:46

Kaxtegyók sa' ekyennaqte agko' apteyekmo sa' ma'a Babilonia, kayawheykha sa' xapop, kañexkohok sa' élpayheykha apatña'ák ma'a mók apkelókxa nak.”

Jeremías 51:26

Méko sa' xama enxoho nekha'a étkók élpaqxo ektaqmalma kólmaha yaqwayam elanakpok tegma. Meyke xama aqsok meyke néxa sa' katnekxa'. Ko'o sekxeyenma xa, sektáha nak Wesse'.

Jeremías 51:28

Kóllánekxés aptamhágkaxa apyókxoho énxet'ák yaqwayam ektamagkok; kóllánekxés nahan aptamhágkaxa m'a kelwesse'e apkelwányam nak Media, yetlo apkeltaqmelchesso nak chá'a apkelókxa, tén han apkeláneykha, tén han ma'a ekyókxoho apkelókxa aptamheykegkaxa nak chá'a kelwesse'e apkelwányam.”

Jeremías 51:37

peya nak etnekxak ektaháneykekxa mók meteymog, élleykegkaxa semheg nawha'ák, meyke énxet apha, elyegwakkasek sa' chá'a apyókxoho énxet, yeyk sa' nahan chá'a.

Jeremías 51:43

Yókxexma ekmaso agko' aptamhákxak ma'a tegma apkelyawe apagkok nak, meyke xama aqsok, ekyamayéxma xapop, ekyaqhapmo exma, meykexa xama énxet apha, meykexal'a han kayeykhágwók.

Jeremías 8:16

¡Apkelxegakmek sẽlenmexma! ¡Legáxkók kaxwók Dan apkelennama m'a yátnáxeg apkelchánte nak ma'a énxet'ák! Apkelpáweyk agkok ma'a, kayawheykha ekyókxoho xapop. Apkelxegakmek yaqwayam emasséssak negókxa, tén han ekyókxoho aqsok egagkok, ekweykekxoho m'a tegma apkelyawe yetlo énxet'ák apheykha m'a kañe'.”

Joel 2:10

Kayawheykha chá'a xapop apmonye'e, kapexyennamok han chá'a m'a néten, kapeysemekxak chá'a ekhem, tén han pelten, kamaskok chá'a elápogwátek yaw'a.

Amós 8:8

¿Megkayawheykhaya sa' xapop eñama ekyókxoho s'e aqsok nak? ¿Mellekxagwahaya sa' apyókxoho énxet'ák apheykha nak ma'a kañe'? ¡Kamyekxak sa' chá'a néten ma'a xapop, tén sa' kaweywenták chá'a, ektémól'a kamyekxak néten yegmen ma'a Nilo, tén kaweywenták chá'a!