Jeremías 51:17 - Biblia Enxet

¹⁷ Élyeyháxma apyókxoho énxet tén han melya'áseyak aqsok. Kelyexancháseykha chá'a aqsok kéleykmássesso m'a ektáha nak chá'a apkelane: kéleykmássesso sẽlyexancháseykha m'a, tén han meyke élennama;

Jeremías 51:17 ပူးပေါင်းရင်းမြစ်များ

Salmos 115:5

yetneyk atña'ák, yawanchek eyke kalpaqmétek; yetneyk aqta'ák, yawanchek eyke kalwetak exma;

Salmos 115:8

Elxohok sa' chá'a apyókxoho ektáha nak chá'a apkeláneyak xa kéleykmássesso nak, tén han apkeláyo nak chá'a.

Salmos 14:2

Apkeláneykha chá'a Wesse' egegkok énxet'ák ma'a aphakxa nak néten, yaqwayam enxoho éta', yetneyk kexa énxet apya'áseykegkoho aqsok, apketamso nak chá'a Dios.

Jeremías 10:14

Élyeyháxma apyókxoho énxet tén han melya'áseyak aqsok. Kelyexancháseykha chá'a aqsok kéleykmássesso m'a ektáha nak chá'a apkelane: kéleykmássesso sẽlyexancháseykha m'a, tén han meyke élennama;

Jeremías 50:2

“Kóllegés sa' se'e, kólya'assásegwom sa' nepyeseksa apyókxoho énxet'ák. Kóllegés sa' yaqwayam kólya'asagkoho'; nágkólpós xama enxoho. Kólteme sa' se'e: ‘¡Apteyekmek Babilonia! ¡Aqsok eyesmésamaxche tamhákxak ma'a dios Bel, megkay'ásegkok ektáhakxa élmenaye m'a dios Marduc! ¡Aqsok élasmésamaxche tamhákxak ma'a aqsok kéleykmássesso apagkok, tén han ma'a aqsok apkeláyókxa élmowancha'a amya'a nak, kelmenakawók agko'!’