Jeremías 51:11 - Biblia Enxet

¹¹ Peyk emasséssók Wesse' egegkok ma'a Babilonia, apnaqxétekhássásegkek han apkelwáxok ma'a kelwesse'e apkelwányam nak Media. Cháxa yaqwayam eyaqmagkásekxak Wesse' egegkok apteméssessamakxa axta m'a tegma appagkanamap apagkok. ¡Kóllánekxa yágke aktek kélagkok! ¡Kólmák sa' kéláhakkásamáxche!

Jeremías 51:11 ပူးပေါင်းရင်းမြစ်များ

1 Reyes 11:14

Keñe axta Wesse' egegkok aptekkessesa xama énxet yaqwayam yenmexek ma'a Salomón, Hadad axta apwesey, apteme axta edomita, wesse' apwányam apnámakkok axta m'a yókxexma Edom.

1 Reyes 11:23

Keñe axta Dios apkeltamho yenmexekxak Rezón ma'a Salomón. Eliadá axta han apketche m'a Rezón, apxegánegkessama axta wesse' apagkok, cham'a Hadad-ézer, wesse' apwányam axta m'a Sobá.

1 Crónicas 5:26

Axta keñamak, Dios apagkok nak Israel, apyáteyeykegkoho m'a Pul, wesse' apwányam nak Asiria, cham'a Tiglat-piléser, ektáha axta apkelántekkesso apkelókxa m'a Rubén énxet'ák apagkok, tén han Gad, tén han nápakha Manasés énxet'ák apagkok; apnaqleykekxeyk axta m'a yókxexma Halah, Habor, Hará tén han ma'a wátsam nak Gozán, cham'a apheykegkaxa nak makham se'e kaxwo' nak.

2 Crónicas 36:22

Aptamháha axta apwáxok Wesse' egegkok ma'a Ciro, wesse' apwányam nak Persia, yaqwayam eñeksek ekyókxoho aptémakxa nak wesse' apwányam ma'a appeywa, tén han aptáxésso, keso segánamakxa apagkok nak, cham'a ekwokmo axta xama apyeyam apteme wesse' apwányam, yaqwayam enxoho katnehek ma'a Wesse' egegkok appeywa aplegassama axta m'a Jeremías:

Esdras 1:1

Aptamháha axta apwáxok Wesse' egegkok ma'a Ciro, wesse' apwányam nak Persia, yaqwayam eñeksek ekyókxoho aptémakxa nak wesse' apwányam ma'a appeywa, tén han aptáxésso, keso segánamakxa apagkok nak, cham'a ekwokmo axta xama apyeyam apteme wesse' apwányam, yaqwayam enxoho katnehek ma'a Wesse' egegkok appeywa aplegassama axta m'a Jeremías:

Isaías 10:26

Ellegássesagkohok sa' ma'a Wesse' ekha nak apyennaqte, ekhawo apteméssesakxa axta apmenxena m'a énxet'ák Madián, cham'a Oreb meteymog nak, exekmósek sa' nahan apmopwána yenmexek ma'a énxet'ák Asiria, ekhawo aptémakxa axta apxekmóssama apmopwána apkelenmexma m'a énxet'ák Egipto.

Isaías 21:2

Asagkók agko' ma'a aqsok sexekmósso nak ma'a Dios: Appelakkassessek chá'a apsexnáneya pók ma'a énxet apsexnenagkamo nak chá'a pók, apmasséssekmek aqsok ma'a apmassesseykmoho nak chá'a aqsok. ¡Kólchempekxa néten, énxet'ák Elam! ¡Énxet'ák Media, kólchetamák! ¡Maltamhók ko'o kaxwo' kólpaqmésmakha eñama kéllegeykegkoho!

Isaías 21:5

Penchásexcheyk kélnegkenéyak aqsok ma'a néten mésa, kélpeykeságkek náxop ma'a apáwa kélpeykessamól'a chá'a náxop, cheynawók kaxwók ektámaxche ekyawe. ¡Sẽlpextétamo apkelwesse'e, kólchempekxa néten: kólyenmásekxa kéláhakkásamáxche'!

Isaías 41:25

“Éltamhók axta ko'o éphagwak xama énxet ma'a ekpayho nak teyapmakxa ekhem; ekwóneyha axta apwesey, tén axta apyephagwa'a m'a ekpayho nak nexcheyha. Máxa axta yelpa' aptemessásak apkelteyammeyncha'a m'a kelwesse'e apkeláneykha nak chá'a apkelókxa; máxa axta aptáhak ma'a aptémól'a apkelane yátegwáxwa eyélaqtések yelpa' m'a apmagkok.

Isaías 45:1

Apteméssessek axta Wesse' egegkok wesse' apwányam ma'a Ciro, apmeyk axta apmek apkelya'assamakxa yaqwayam enxoho etnehek apkeláneykha apyókxoho énxet'ák keso náxop tén han yaqwayam elyementók chá'a apkelmeykha apkenchesso kempakhakma m'a kelwesse'e apkelwányam nak. Apkeltamhók axta nahan kólmeykessesek chá'a átog tegma apkelyawe apmonye' Ciro m'a Wesse' egegkok meyke enxoho xama énxet apmopwána yápekxa'. Tén axta aptáha apcháneya s'e:

Isaías 45:5

Ko'o sekteme Wesse', méko pók; méko pók Dios mók nekha. Eltáméssegkek axta ko'o exchep yaqwayam elnapakpok neyseksa mehey'áseyak,

Isaías 46:11

Ekwóneyha ko'o xama énxet apkeñama nak teyapmakxa ekhem, makhawók sa' yenyeyk exegma', ektémól'a m'a náta ekyawe ekteykekxohol'a mók ápetek elánegwak sa' ekyókxoho m'a aqsok sekmáheyo nak alána'. Sa' atnehek alának aqsok ma'a sektáhakxa axta sekxeyenma, cham'a yaqwánxa axta atnehek, alának sa' nahan.

Jeremías 25:25

tén han ma'a apyókxoho kelwesse'e apkelwányam nak Zimrí, Elam, tén han Media:

Jeremías 46:3

“¡Kóllánekxa' kéláhakkásamáxche'! ¡Kólchetamák!

Jeremías 46:4

¡Kóltahanchesák yátnáxeg! ¡Kólchenát kélchánte nak chá'a! ¡Kólatchásekxa kélatchesso kélpátek sawo, kóléwekxa'! ¡Kólmaxneyagkokxa sawhéwa! ¡Kóláhakkásekxa kélnénya'ák kéláhakkasso nak chá'a!

Jeremías 46:9

“¡Kólxeg kélchánte nak yátnáxeg! ¡Kólxeg kélchánte nak yátnáxeg apkelyenyawasso! ¡Kólxeg kempakhakma yapmeyk: sẽlpextétamo nak Etiopía, tén han Libia, kólmekxa kéláhakkásamáxche'; tén han sẽlpextétamo nak Lidia, apmopwancha'a nak elmaha yágke!

Jeremías 50:25

Apmeykásekxeyk átog Wesse' egegkok ma'a apxátamakxa nak chá'a apkelmeykha apkenchesso kempakhakma, apkelhaxyawássekxeyk apkelmeykha, hakte aplóke', yetneyk han aqsok yaqwayam elának Wesse' ekha nak apyennaqte neyseksa m'a caldeos apchókxa.

Jeremías 50:3

Hakte nexcheyha apkeleñamak apkelxegakmo apketamakmo m'a yaqwayam sa' etnessásekxak yókxexma meykexa énxet ma'a apchókxa nak. Méko sa' xama énxet exnekxak ma'a tén han aqsok kélnaqtósso, hakte yenyahagkok sa' apyókxoho énxet.”

Jeremías 50:45

Kóleyxho séláneykekxa nak ko'o sektáhakxa sekmakókxa atnéssesek ma'a Babilonia, ko'o sektáha nak Wesse', sekmakókxa nak han ko'o atnéssesek ma'a apchókxa nak caldeos: Kawomhok sa' kélyementaméyak ma'a apketchek ketcheyetse nak, kóltawasha sa' nahan ma'a yókxexma apagkok ektaqmalma nak.

Jeremías 50:9

Hakte wának sa' ko'o kaxhok mók apketámeyam Babilonia m'a énxet'ák apkelyennaqte apxámokma apkeleñama nak nexcheyha. Eléwekxak sa' yaqwayam yempakha', emok sa' nahan. Kempakhakma yapmeyk apmopwancha'a elnapakpok ma'a, apmoplensa'a yágke m'a apkelyát'a enxoho.

Jeremías 51:12

¡Kólya'és néten magkenatchesso yaqwayam kólchetamagkok ma'a kélhaxtegkesso nak Babilonia! ¡Kólxámasák apkeltaqmelchesso tegma! ¡Kólnegkenák apkelhaxneykha! ¡Kólnegkenák kelhanma! Hakte apkeláneykekxeyk axta aptáhakxa Wesse' egegkok yaqweykenxa etnéssesek apkeltennassama axta m'a Babilonia, apkelanak nahan.

Jeremías 51:24

“Kélnápaqta'awók sa' kéxegke ayaqmagkásekxak apkeltémakxa m'a énxet'ák Babilonia, tén han ma'a caldeos, ekpayhawo nak chá'a atnéssesek, eñama ekmaso apteméssessamakxa axta m'a Sión. Ko'o sekxeyenma xa, sektáha nak Wesse'.

Jeremías 51:36

Aptáhak Wesse' egegkok se'e: “Alánekxések sa' ko'o exchep amya'a kélteméssessamakxa, ayaqmagkassásekxak sa' ko'o apteméssessamakxa exchep ma'a apkelenmexma. Eymaksek sa' ko'o m'a wátsam, tén han ma'a élánteyapmakxa nak yegmen Babilonia,

Daniel 5:30

Cháxa axta'a nak, apmatñakxa axta m'a Belsasar, wesse' apwányam apagkok axta m'a caldeos,

Joel 3:10

Sókwenaqte apagkok sa' etnahagkok ma'a sówaxpehek apagkok, keñe sa' sawhéwa apagkok etnahagkok ma'a sawo élhaxe nak, tén sa' ma'a apkelyelqamákpoho nak etnehek apkelpeywa s'e: “¡Émeyhek ko'o!”

Joel 3:9

Kóllegés sa' apyókxoho pók aptémakxa énxet'ák se'e: ¡Kóllánekxés aptamhágkaxa yaqwayam yempakha'! ¡Kóláneyha m'a apkelyennaqte nak! ¡Elxegmak sa' ma'a kempakhakma yapmeyk, tén sa' elxog!

Levítico 26:25

Wahak sa' ko'o kéxegke kempakhakma eñama megkólláneyak ma'a ekhémo mók nélpaqhetchásamáxkoho ahagkok nak; kólenyahagkok sa' chá'a kéxegke kólmeyekxak ma'a tegma apkelyawe kélagkok nak, wáphássesek sa' eyke ko'o negmasse, keñe sa' kéxegke elmok ma'a kélenmexma.

Zacarías 14:12

Ellegássesagkohok sa' eyke ekyentaxno agko' Wesse' egegkok ma'a pók aptémakxa énxet'ák ektáha axta chá'a apkelnápomap ma'a Jerusalén: kaltepelchexchek sa' aphápetek meletsapakxoho m'a énxet'ák apagkok nak tén han ma'a kañe' apaqta'ák nak ekweykekxoho m'a apaxkok nak.

Zacarías 14:2

Yánchásekxak sa' apyókxoho pók aptémakxa énxet'ák Wesse' egegkok xa ekhem nak, yaqwayam sa' ektámegmak elnapakpok ma'a Jerusalén. Emok sa' nahan ma'a tegma apwányam nak, esawhaksohok sa' nahan elmagkok aqsok apagkok ma'a apxanák nak, elyennaqtések sa' apyempe'ék elteméssessamhok exma m'a kelán'ák nak. Nápakha sa' nahan elmakpok énxet'ák apheykha nak xa tegma apwányam. Apkeleymomap sa' aqsa elhekxak ma'a.