Jeremías 51:1 - Biblia Enxet

¹ Aptáhak Wesse' egegkok se'e: “Wahak sa' ko'o éxchahayam ekyennaqte agko' ekmassésseykmohol'a aqsok ma'a Babilonia, tén han caldeos.

Jeremías 51:1 ပူးပေါင်းရင်းမြစ်များ

2 Reyes 19:7

Wának sa' ko'o ellegmakha amya'a m'a yaqwayam sa' kataqheksohok makham ma'a apchókxa nak, sa' wának emátegwakxak ma'a.’”

Salmos 137:8

¡Babilonia, kólmasséssók sa' xép! ¡Apkeleñémo apteméssesso nak ekpayhawo etnéssesek senteméssessamakxa axta negko'o!

Isaías 13:13

Keñe sa' kalpexyennók ma'a néten, kaqxegmakha sa' nahan ekyetnamakxa m'a xapop seklawa sa' ko'o xa ekhem nak, cham'a seklawa ahagko' sa'.

Isaías 14:14

Wántek sa' ma'a teyp netnók agko' nak ma'a yaphope; atnehek sa' ma'a aptémól'a Dios meyke nak Ekhémo.’

Isaías 21:1

Yókxexma meykexa énxet ekxénamaxche' yaqwánxa katnehek, ekyetno nak neyáwa wátsam ekwányam: Máxa éxchahayam ekyennaqte ekxegayam la'a nepyeyam entáhak ekxegakmo aqsok ekmaso agko' ma'a yókxexma meykexa nak énxet.

Isaías 47:1

“Kelán'a étkok Babilonia meyke nak makham atáwa', katyep, kaxa néten yagkamex; katyep néten ektaháno ekyawe, kelán'a étkok Caldea, kaxa náxop, hakte kamaskok sa' kaltamhaxchek kaxwók xeye' ektaqmalma tén han ektaqmalma émpehek.

Jeremías 23:19

Máxa éxchahayam ekyennaqte m'a Wesse' egegkok aplo, máxa m'a segyettekhane ekyennaqte ekyeyhegwayam nak chá'a takhapxet ma'a élmasagcha'a nak apkeltémakxa.

Jeremías 49:36

Alhak sa' ko'o éxchahayam xa énxet'ák nak éleñama ekyókxoho yókxexma, yaqwayam sa' kaxpánchesek kalya'aksek ekyókxoho yókxexma, ekwokmoho apsawhékpoho apkelmahéyak apkelyexánegwayam ma'a ekyókxoho apkelókxa.

Jeremías 50:21

“¡Kólchetamák yókxexma Merataim, tén han ma'a apheykha nak Pecod! ¡Kólemhák, kólsawhoho kólmasséssók! ¡Kóllána ekyókxoho m'a séltémókxa nak kóllána'! Ko'o sekxeyenma xa, sektáha nak Wesse'.”

Jeremías 50:24

Babilonia, xép apagko' axta appekkenma kelhanma, métégkok han ekmákxo. Apmákpe', hakte apkenmexeykekxeyk ma'a Wesse' egegkok.

Jeremías 50:29

“¡Kólwónmakha apyókxoho apkelmeykha nak chá'a yágke, yaqwayam sa' ektamagkok ma'a Babilonia! ¡Kólpakxenák sa' ma'a nepyáwa nak tegma apwányam, yaqwayam sa' megyenyehek exyenmok xama énxet enxoho! ¡Kólhésho mók ma'a apteméssessamakxa axta! ¡Kóltemésses ma'a apteméssessamakxa axta! Hakte cheymáxkók axta chá'a appeywa sexéneykencha'a ekmaso ko'o, ko'o sektáha nak Wesse' Dios Appagkanamap ma'a Israel.

Jeremías 50:33

Aptáhak Wesse' ekha apyennaqte s'e: “Kélnaqtawáseygkók ma'a énxet'ák Israel tén han Judá. Apkelmeyk ma'a apkelenmexma nak, memakók han ekxeykxa'.

Jeremías 50:9

Hakte wának sa' ko'o kaxhok mók apketámeyam Babilonia m'a énxet'ák apkelyennaqte apxámokma apkeleñama nak nexcheyha. Eléwekxak sa' yaqwayam yempakha', emok sa' nahan. Kempakhakma yapmeyk apmopwancha'a elnapakpok ma'a, apmoplensa'a yágke m'a apkelyát'a enxoho.

Jeremías 51:53

Yántek sa' eykhe Babilonia m'a néten, yaqwayam epekkenwók netnók agko' ma'a apxagkok apyennaqte nak, aláphaksek sa' eyke han ko'o apkelenmexma m'a, yaqwayam emasséssók. Ko'o sekxeyenma xa, sektáha nak Wesse'.”

Jeremías 51:60

Aptáxéssegkek axta Jeremías appeywa weykcha'áhak apxeyenma m'a ekyókxoho aqsok ekmaso yaqweykenxa katnehek kélhe m'a Babilonia, cham'a ekyókxoho ektémakxa axta ektáxésamaxche ekxénamaxche m'a.

Ezequiel 19:12

Kélpátekkessek axta eyke yetlo ektaqnómaxche, kélpekkenchek axta náxop. Yamássek axta m'a éxchahayam eñama nak teyapmakxa ekhem pallakmek axta m'a ekyexna; Kelyamakak axta m'a aktegák élyennaqte nak kélchexakkek axta nátex.

Oseas 13:15

Máxa sa' eykhe etnehek Israel ma'a ektémól'a kalyapwak pa'at, kawátekhápok sa' eyke m'a éxchahayam eñama nak ekteyapmakxa ekhem, cham'a éxchahayam ekyennaqte eñama nak ekwátekhapma m'a yókxexma meykexa nak énxet, keymaksek sa' ma'a ekteyapmakxa nak chá'a yegmen, kalyamasagkok sa' ma'a yámelchet. Elyementamok sa' apkelenmexma m'a aqsok élmomnáwa, tén han ma'a aqsok éltaqmalma nak.

Amós 3:6

páweyk agkok kélaqkahasso m'a tegma apwányam, énxet'ák akke kéltamhók kaltemeykha apkelwáxok; temégwokmók agkok exma ekmaso m'a tegma apwányam, Wesse' egegkok akke apcháphasso m'a.

Zacarías 2:8

Eyáphássek axta ko'o Wesse' egegkok ekha nak apyennaqte aswok se'e amya'a nak, atnehek wának énxet'ák ektáha axta apkelmenyexchesso ekyókxoho aqsok kélagkok kéxegke s'e: “Énxet apteméssesseykmoho exma ekmaso enxoho énxet'ák ahagkok, cháxa apteméssessekmoho exma ekmaso m'a aqsok sekmasmakxa ahagko' nak chá'a ko'o. Ko'o ahagko' sa' alnapaxchek xa pók aptémakxa nak chá'a énxet'ák, apkelásenneykha naqsa apagko' sa' nahan wának esawhaksohok aqsok apagkok.” Sa' etnehek exekmósek élseyéxma apagkok Wesse' egegkok ekha nak apyennaqte xa ektáha nak, keñe sa' kólya'ásegwók kéxegke aptáha seyáphasso ko'o m'a.