Jeremías 50:7 - Biblia Enxet

⁷ Apkeltahanya'awók axta agkok chá'a m'a apkelenmexma nak, elnápok axta chá'a etawagkok, axta etnehek chá'a elpaqmétek se'e: ‘Manlánegkok negko'o aqsok ekmaso, hakte apkeláneykegkek melya'assáxma nápaqtók Wesse' egegkok ma'a, apkelmésso nak chá'a ekyókxoho aqsok, melya'ásseykmo axta chá'a m'a apyapmeyk nano'.’

Jeremías 50:7 ပူးပေါင်းရင်းမြစ်များ

Salmos 71:5

Hakte axta ay'ásseykmok chá'a ko'o exchep Wesse', seyeynamo m'a sektémakxa axta étkok, seyásenneykekxa axta chá'a ektemék.

Salmos 79:7

Hakte apmassésseykmek Jacob ma'a, ekmaso aptemessáseykekxak ma'a apchókxa'.

Salmos 90:1

Wesse', xép apteme chá'a negyexánegweykekxexa.

Salmos 91:1

Énxet apchásenneykekxa nak Dios Meyke Ekhémo segmasma, cham'a Ekha nak Apyennaqte,

Isaías 47:6

Ekméssegkek axta ko'o yaqwayam elmegqék énxet'ák ahagkok ahagko' ma'a séltaqnaweykegko axta énxet'ák ahagkok, tén axta séltémo kalmok xeye'. Axta kalmopyósak élányo exche' m'a, kelhayak axta aqsok ekyentaxno agko' ma'a apkelwányamo nak.

Isaías 56:9

Kólchexyem, aqsok nawha'ák éllo; kólchempoho, aqsok nawha'ák élleykha nak naxma, kóltáswata nepkések;

Isaías 9:12

Énxet'ák Siria m'a ekpayho nak teyapmakxa ekhem, keñe filisteos ma'a ekpayho nak taxnegwánxa ekhem. Xama apketáméyak apsawhawo m'a énxet'ák Israel. Makke kamassak makham aplo m'a Wesse' egegkok; xénchek makham apwáxok ellegássesagkoho'.

Jeremías 10:25

Eyke eyenyenta aplo nepyeseksa m'a énxet'ák melya'ásegko nak xép, cham'a énxet'ák mewóneykha nak chá'a exchep, hakte apkelnapmeyk ma'a Jacob nak énxet'ák apagkok, apmassésseykmek apyókxoho, ekmaso aptemessáseykekxak ma'a apchókxa.

Jeremías 14:8

Xép, apkelhaxanma nak chá'a énxet'ák Israel, sẽlwagkasso nak chá'a teyp ekwa'a enxoho ekhem ekmaso negheykha, ¿yaqsa ektéma aptéma máxa apkeñama mók nekha s'e negyeseksa nak negko'o, aptémól'a m'a énxet apxegál'a, aphayam la'a sekxók yaqwayam etyenek axta'a?

Jeremías 17:13

Wesse', xép apteme apkelhaxanma m'a Israel. Elmegqágwakxohok sa' apyókxoho m'a apyamasma nak xép. Elmassegwók sa' apyókxoho m'a apyetnakhasso nak xép, ektémól'a kélwesey kéltáxéssól'a yagkamex, eñama apyamasma exchep, apteme nak ekteyapmakxa yegmen ektaqmalma.

Jeremías 2:3

Élpagkanchessegkek axta ko'o m'a énxet'ák Israel, axta aptamhéyak aqsok séneykekxa éltaqmalma m'a. Asagkek axta agkok chá'a apteméssesakxa xama énxet, añássesagkohok axta chá'a ko'o wahak apkellegeykegkoho ekmaso. Ko'o sekxeyenma xa, sektáha nak Wesse' kélagkok.”

Jeremías 31:23

Aptáhak Wesse' ekha apyennaqte, Dios apagkok nak Israel se'e: “Ekyaqmagkassessek sa' agkok ko'o mók ektémakxa nak apheykha m'a énxet'ák Judá, apkelhákxo sa' makham ma'a xapop apagkok nak, tén han ma'a tegma apkelyawe apagkok nak. Sa' etnehek makham apkelpeywa s'e: ‘¡Etaqmelchesek sa' Wesse' egegkok se'e egkexe ekpagkanamaxche nak, ekyetnamakxa nak ekpéwomo nentémakxa!

Jeremías 33:15

Wokmek sa' agkok xa ekhem nak, wának sa' ko'o exek xama aptáwen neptámen apagko' ma'a David, etnehek sa' ekpéwomo apkelánekxésso apheykha énxet'ák ma'a apchókxa, tén han ekpéwomo aptémakxa.

Jeremías 33:16

Elwagkasakpok sa' teyp énxet'ák Judá xa ekhem nak, keñe sa' énxet'ák Jerusalén méko katnehek ektáhakxa apheykha. Keso yaqwánxa sa' kólteméssesek apwesey s'e: ‘Wesse' egegkok apteme sẽlmallahanchesso.’

Jeremías 5:17

Etókasek sa' ma'a aqsok ekyexna apkeneykekxa, tén han apto, elnáhakkasek sa' nahan ma'a apketchek apkelennay'a tén han kelwán'ák. Etókasek sa' nahan ma'a nepkések apnaqtósso, tén han weyke, anmen yámet apkeneykekxa, tén han higo yámet. Sókwenaqte sa' elmaha emasséssók ma'a tegma apkelyawe ekyennaqte nak kélhaxtegkáseyak nepyáwa', cham'a apchásenneykekxo nak chá'a exchep.”

Jeremías 50:14

“¡Kóllánekxa kélchaqneykha kélmeykha nak yágke, kólwakhegwom Babilonia! ¡Kólyáta' ekyókxoho yágke aktek kélagkok, hakte apkeláneykegkek melya'assáxma nahaqtók ko'o m'a, sektáha nak Wesse'!

Jeremías 50:17

“Máxa nepkések apkelxegányam la'a m'a énxet'ák Israel, ekmenxeneykhal'a méwa. Wesse' apwányam Asiria axta apto apmonye', keñe axta natámen Nabucodonosor wesse' apwányam nak Babilonia, apkeltakxékencha'a apexchakkok.

Jeremías 50:33

Aptáhak Wesse' ekha apyennaqte s'e: “Kélnaqtawáseygkók ma'a énxet'ák Israel tén han Judá. Apkelmeyk ma'a apkelenmexma nak, memakók han ekxeykxa'.

Ezequiel 34:5

Meyke éláneykha aptáhak ma'a nepkések ahagkok keñe apkexpaqna, tókagkek ma'a aqsok nawha'ák éllo.

Ezequiel 35:12

Keñe sa' kay'ásegwók, seklegaya ko'o ekyókxoho m'a ektémakxa nak chá'a élxéneykha ekmaso m'a egkexe élekhahéyak nak Israel, ko'o sektáha nak Wesse'. Axta katnehek chá'a exche' kalxének se'e: ¡Yókxexma meykexa énxet kaxwók xa; egwanchek kaxwók agmok!

Daniel 9:16

Wesse' egegkok, negya'ásegkók negko'o exchep apteme segásekhayo. Elwatés aptaqnagko m'a Jerusalén, hakte xeyep tegma apwányam apagkok ma'a, cham'a egkexe ekpagkanamaxche nak. Apkesméssegkek Jerusalén ma'a apyókxoho pók aptémakxa énxet'ák apheykha nak nepyáwa', tén han ma'a énxet'ák apagkok nak, eñama mólya'assáxma tén han ma'a ẽlyapmeyk nanók axta.

Daniel 9:6

Mólyaheykekxak ma'a apkeláneykha apkellegasso nak appeywa, apkelpaqhetchessama axta chá'a yetlo apxeyenma apwesey exchep ma'a apkelwesse'e apkelwányam egagkok nak, tén han ma'a apkelámha apmonye'e, tén han ma'a ẽlyapmeyk nano', keñe han ma'a apyókxoho énxet'ák nak Israel.

Zacarías 1:15

Cháxa keñamak séltaqnaweygko ahagko' nak ko'o m'a pók aptémakxa nak chá'a énxet'ák, meyke nak élyetnakhayo apkelwáxok, hakte cham'a ekmasextexa axta ko'o seklo, apyáncheseykegkok axta aqsa apkellegassáseykegkoho m'a énxet'ák ahagkok.

Zacarías 11:5

Elnápok aqsa chá'a meyke apkelsexnánémap ma'a ektáha nak chá'a apkelmá, keñe m'a ektáha nak chá'a apkexakha, etnehek chá'a s'e: ‘¡Ekméssek ekxeyenma ewáxok Wesse' egegkok, xámchek kaxwók aqsok ahagkok!’ Kawakxohok megkalmopyósa elanok ma'a ektáha nak chá'a apkeltaqmelchesso.