Jeremías 50:6 - Biblia Enxet

⁶ “Máxa axta nepkések apkelxegányam la'a m'a énxet'ák ahagkok, ekmasól'a apkelmeykha m'a ektáha nak apkeláneykha, apchahayól'a aqsa elxeganmok ma'a egkexe nak. Apyaqmagkáseykegkek axta chá'a apkelmahéyak mók egkexe, weykmók axta élwagqámeykegko m'a apxanák nak.

Jeremías 50:6 ပူးပေါင်းရင်းမြစ်များ

Salmos 116:7

Méko kaxwók ektáhakxa ewáxok, hakte taqmeleykha apwáxok sélányo m'a Wesse' egegkok,

Salmos 119:176

Ekxegáneykmek ko'o, aptémól'a nepkések, ¡hey'óta' hektamok! Mehelwagqeykmok ko'o m'a apkeltémókxa nak antéhek.

Salmos 23:2

Héllókassesek chá'a sekyampe m'a ekyetnamakxa nak pa'at ektaqmela, héntemekxak chá'a m'a ektaqmalmakxa nak ekyetno yegmen,

Salmos 32:7

Xép apteme sekyexanmomakxa, heyeksek chá'a m'a aqsok ekmaso, kalmeneykmasaxchek chá'a neyáwa sekhakxa', eñama sewagkasso teyp.

Salmos 90:1

Wesse', xép apteme chá'a negyexánegweykekxexa.

Salmos 91:1

Énxet apchásenneykekxa nak Dios Meyke Ekhémo segmasma, cham'a Ekha nak Apyennaqte,

Isaías 1:3

Keykpelkohok ótep ma'a weyke, kay'asagkohok nahan aphaxta apagkok ótep ma'a yámelyeheykok, keñe m'a Israel, énxet'ák ahagkok ahagko' nak melyekpelchehe', méko nahan apkelya'áseyak.”

Isaías 30:15

Aptáhak Wesse' egegkok se'e, cham'a Dios Aptaqmalma nak Israel: “Kólchexyem, kóllánekxa kélheykha keñe sa' kólwagkasaxchek teyp. Sa' kañék kélyennaqte kéxegke m'a ektaqmalma nak kélheykha tén han megkólya'ásseyam.” Makke kólmakók kéxegke,

Isaías 32:2

Máxa sa' etnehek chá'a xama m'a negyexánegkesseykekxexal'a éxchahayam, segmasmal'a kawak ma'a éxchahayam ekyennaqte agko', máxa sa' etnahagkok ma'a ektémól'a yegmen atamnek ényél'a m'a neyseksa ekyamáyekxa nak xapop, máxa sa' etnahagkok ma'a ektémól'a meteymog ekyawe agko' pessesse agkok émha m'a meykexa nak énxet.

Isaías 53:6

Nélxegáneykmek negko'o negyókxoho, máxa nepkések nentamheykegkok, nentamheykegkek chá'a enxama m'a negmáheyókxa egagko' nak chá'a antéhek. Apmeyáseykekxeyk eyke Wesse' egegkok ekyókxoho m'a nentémakxa élmasagcha'a nak negko'o.

Jeremías 10:21

—Élyeyháxma apkelámha apmonye'e apagkok nak xa énxet'ák nak; melchetamsók ma'a Wesse' egegkok. Cháxa keñamak megkatyapma nak chá'a aqsok apmáheyo elanagkok, apkexpánmeyk apyókxoho m'a nepkések apnaqtósso.

Jeremías 13:16

Kólteme chá'a kéláyo Dios Wesse' kélagkok, amonye' apcháphasso m'a ekyáqtessóxma, tén han kélpelapmeykha kéxegke m'a egkexe ekyaqtéssamakxa nak exma; amonye' aptemessáseykekxa ekyaqtessóxma ekyentaxno agko' ma'a élseyéxma, kélhaxanma nak kéxegke.

Jeremías 2:20

“Nanók agko' ko'o kéxegke sélenmexeykekxa', megkalyaqwámeykegkok hélyahakxoho.’ Axta kéltemék chá'a kélpaqméteykencha'a s'e: ‘Mogmenyeyk negko'o exchep agyetlawha.’ Kélláneykegkek axta kéxegke kéltémakxa megkólmasexta'a m'a néten egkexe nak tén han ma'a kóneg nak yenta'a élyentaxno pessesse agkok.

Jeremías 2:32

¿Kalwánaqmohoya chá'a xama kelán'a aqsok étkók agkok élmomnáwa, tén han élmeykha axta chá'a élnáxameykha m'a élyamhopma? Keñe énxet'ák ahagkok, nanók ekmasse élxéneykha apkelwáxok ko'o.

Jeremías 23:1

Aptáhak Wesse' egegkok se'e: “¡Keláneykha nepkések la'aye, apchahayo nak aqsa chá'a elxeganmok seknaqtósso nepkések, tén han yexpaqnek!”

Jeremías 3:23

Kaqhok negko'o ólmeyekxak chá'a m'a néten egkexe nak, essenhan ólpáxamágwakxak chá'a m'a néten meteymog élwenaqte nak; wánxa aqsa egwanchek negko'o agwetak nélwagkásamáxche teyp, negko'o nentáha nak énxet'ák Israel ma'a Dios Wesse' egegkok nak.

Jeremías 3:6

Axta aptemék ko'o seyenagkama Wesse' egegkok, aptémakxa axta wesse' apwányam Josías: “¿Apweteyaya ektémakxa m'a Israel, cham'a sénmexeykekxo nak ko'o? Xegamche keñe élánegweykmo ektémakxa megkamasexta m'a néten egkexe nak, tén han ma'a ekyókxoho kóneg yenta'a élyentaxno nak pessesse agkok.

Jeremías 33:12

Aptáhak Wesse' ekha apyennaqte s'e: “Keso apchókxa ektamheykekxo nak kaxwók meyke xama aqsok, meyke énxet, tén han aqsok kélnaqtósso, tén han ma'a apyókxoho tegma apkelyawe agkok nak, kaxnekxak sa' makham pa'at yaqwánxa sa' elagkok makham apnaqtósso nepkések ma'a keláneykha nepkések.

Jeremías 50:17

“Máxa nepkések apkelxegányam la'a m'a énxet'ák Israel, ekmenxeneykhal'a méwa. Wesse' apwányam Asiria axta apto apmonye', keñe axta natámen Nabucodonosor wesse' apwányam nak Babilonia, apkeltakxékencha'a apexchakkok.

Jeremías 50:19

Wának sa' elmeyenták makham énxet'ák Israel ma'a xapop apagkok nak, máxa nepkések sa' etnahagkok elwetak pa'at ekxámokma m'a Carmelo, tén han ma'a Basán, tén han ma'a élámhakxa nak meteymog élwenaqte m'a yókxexma Efraín tén han ma'a Galaad.

Ezequiel 13:10

“Naqso', apkelyexancháseykha chá'a énxet'ák ahagkok xa énxet'ák nak, apkeltennassama chá'a ektaqmalma apheykha m'a apyókxoho nak, asagkek eykhe m'a apheykha. Máxa m'a énxet aptemessáseykhal'a aqsa apkelane nápakhaw'ék tegma apkelyepetcháseykekxal'a aqsa néten eláxñásekxak ma'a lamhatánek.

Ezequiel 34:14

Anaqlakxak sa' yaqwayam etawagkok ma'a pa'at ektaqmalma agko' nak, cham'a ekxámokmakxa nak pa'at éltaqmalma m'a egkexe élwenaqte nak ma'a Israel. Sa' ellókasagkok apkelyampe m'a tén han etawagkok ma'a pa'at ekmátsa agko' nak.

Ezequiel 34:15

Ko'o ahagko' sa' nahan atnehek séláneykha m'a nepkések seknaqtósso, ko'o ahagko' sa' nahan anaqlakxak allókassesagkok apkelyampe. Ko'o sekxeyenma xa, sektáha nak Wesse'.

Ezequiel 34:16

Alchetmok sa' ma'a nepkések apkelxegányam nak, anaqlanták sa' ma'a apkelyetnakhágwayam nak chá'a apkelxega, alpextehetchesagkok sa' nahan ma'a ekhakxa nak chá'a énté xama apyók, apasmok sa' nahan ma'a apkelyelqamákpoho nak, keñe sa' amasséssók chá'a m'a apnaqmele nak tén han ma'a apkelyennaqte nak. Alanha sa' chá'a ko'o m'a, yetlo sekteméssesso m'a ekpayhawo nak chá'a anteméssesek nenláneykha.