Jeremías 50:46 - Biblia Enxet

⁴⁶ Kaxtegyók sa' ekyennaqte agko' apteyekmo sa' ma'a Babilonia, kayawheykha sa' xapop, kañexkohok sa' élpayheykha apatña'ák ma'a mók apkelókxa nak.”

Jeremías 50:46 ပူးပေါင်းရင်းမြစ်များ

Isaías 15:5

Chaqhak axta ko'o ewáxok sélano m'a Moab; apkelántekkek axta énxet'ák apheykha m'a kañe' apkenyahágko ekweykekxoho m'a Sóar, ekweykekxoho m'a Eglat-selisiya. Apkellekxagweygkokxeyk axta apkelxega m'a ekmeyeykekxa nak néten xóp ma'a Luhit; apkelpáxamáha axta ekyennaqte agko' éllapwámegko peya káhapwak aqsok ekmaso m'a ámay nak Horonaim.

Isaías 5:7

Israel apchókxa m'a apkeneykekxexa nak anmen yámet apagkok ma'a Wesse' ekha nak apyennaqte tén han ma'a Judá, cham'a apkeneykekxa apmopmenyého apagko' nak. Apkelhaxanmeyk axta katnehek kélyeheykekxoho segánamakxa apagkok Wesse' egegkok ma'a, wánxa axta eyke aqsa apweteya chá'a ekyetnama m'a nentekyawa; apkelhaxanmeyk axta katnehek ma'a ekpéwomo nak nentémakxa, wánxa axta eyke aqsa aplegaya chá'a m'a ekpayheykha nak egátog nenlegeykegkoho ekmáske.

Jeremías 10:10

Wesse' egegkok apteme Dios apmámnaqsoho, Dios megyetsapma, Wesse' apwányam memassegwayam. Aplókek agkok ma'a, kayawheykha chá'a xapop; mopwanchek elenmaxakpohok aplo m'a pók aptémakxa énxet'ák.

Jeremías 46:12

Apkelya'ásegkók kaxwók ekyókxoho apkelókxa kéltamhákxo mékoho, legáxcheyk han élpayheykha kélatña'ák ekyókxoho yókxexma nak keso náxop; apkeltegwákpek chá'a pók kempakhakma yapmeyk, apkelyettelegwágkók nahan chá'a xamók pók náxop.”

Jeremías 49:19

Katlakkasek sa' ko'o axegma', ektémól'a yámakméwa katyapok ma'a naxma ekyentaxno neyáwa Jordán, ekmahéyak la'a chá'a m'a yókxexma ekhakxa nak pa'at axnagcha'ák, sa' ko'o amenxenek énxet'ák Edom ma'a, wának sa' ko'o etnehek apkeláneykha apchókxa m'a énxet sélyéseykha nak ko'o. Hakte ¿yaqsa awanchek ko'o hexnésaxkoho'? ¿Yaqsa awanchek ko'o hélyekkónaxche'? ¿Yaqsa keláneykha nepkések apwanchek hénmexekxak ko'o?

Jeremías 49:21

Kaxtegyók sa' ekyennaqte agko' apteyekmo sa' ma'a Edom, kayawheykha sa' xapop; kalpayheykha sa' apatña'ák etegyaha ekpasmo, kañexkohok sa' élpayheykha apatña'ák ma'a Wátsam Ekwányam Ekyexwase nak.

Jeremías 51:29

Yawheyha xapop, pexyennegkek nahan, hakte apkelanak Wesse' egegkok ma'a ekxeyenma axta apwáxok elána', apmáheyo etnéssásekxak Babilonia meyke xama aqsok ekmaso agko'.

Jeremías 51:54

Babilonia keñamak élpayheykha kélatña'ák, caldeos apchókxa keñamak ekyennaqte agko' ekyennama exma.

Ezequiel 26:18

Keñe kaxwók apkelpexyennama apkelaka apteyekmo m'a énxet'ák apheykha nak neyáwa wátsam ekwányam. Apkelyegwakkók apagko' kaxwók apmassegwokmo exchep ma'a énxet'ák apheykha nak egkexe étkók neyseksa wátsam ekwányam.”

Ezequiel 27:28

Kalpexyennegkesek sa' énxet'ák apheykha nak chá'a neyáwa wátsam ekwányam élpayheykha apatña'ák ma'a énxet'ák apagkok apkelxega nak chá'a neygmen.

Ezequiel 31:16

Ekyeñenteyk sa' agkok ko'o kañe' apkelmaheykegkaxa nak chá'a apkeletsapma m'a, yaqwayam enxoho kapáxaqwók ma'a apkeletsapma nak chá'a, kalpexyennegkesek sa' ekyókxoho apheykegkaxa nak chá'a pók aptémakxa énxet'ák ma'a éxtegyawasso ekyennaqte nak ektéyam. Keñe sa' se'e kóneg xapop nélwanmégkaxa nak, kaltaqmelchessásekxak sa' awáxok ma'a yenta'a éleñama nak Edén, cham'a yenta'a éltaqmalma agko' nak, ektaqmalma nak éktegkesso yegmen ma'a Líbano.

Ezequiel 32:10

Xép sa' kañék atekkessesek ko'o apkelyegwakto apxámokma apagko' ma'a énxet; elpexyennók sa' sekyeykáseyncha'a sa' ko'o sókwenaqte ahagkok apmonye'e m'a apkelwesse'e apkelwányam apagkok nak. Apyaqnenchek sa' agkok, elpexyennók sa' apkelaye eñama éltamheykha apkelwáxok emaskok ma'a.