Jeremías 50:32 - Biblia Enxet

³² Apchókxa eyeymáxkoho nak, etlapmok sa' xép, eyaqnenek sa' nahan, méko sa' han kaxneyásekxak néten. Alwatnések sa' apyókxoho tegma apkelyawe apagkok, kamasséssók sa' ekyókxoho aqsok ekhéyak nak nepyáwa xa táxa nak.”

Jeremías 50:32 ပူးပေါင်းရင်းမြစ်များ

Salmos 119:78

Elmegqágwakxohok apagko' sa' ma'a éleymáxkoho nak chá'a apkelpeywa, cham'a setwáseykegkoho nak chá'a ko'o meykexho ektáhakxa; émenyeyk ko'o kalchetagkasha ewáxok ma'a apchánamakxa nak antéhek.

Proverbios 16:18

Nentawásamáxche xegeykmok natámen ma'a eyeymáxkoho nak chá'a egwáxok; nentéyam chá'a kaxegmak natámen ma'a magésso nak ageyxkoho'.

Proverbios 18:12

Nentawásamáxche xegeykmok natámen ma'a eyeymáxkoho nak chá'a egwáxok; ekha sẽláyo xegeykmok natámen ma'a megkeymáxkoho nak egwáxok.

Jeremías 21:14

Allegássesagkohok sa' ko'o kéxegke ekhawo ektémakxa nak chá'a aqsok kélláneyak, awatnések sa' naxma kélagkok, cháxa táxa nak, kalwatnek sa' ma'a ekyókxoho aqsok ekhéyak nak kélnepyáwa'. Ko'o sekxeyenma xa, sektáha nak Wesse'.’”

Jeremías 49:27

Awatnek sa' ko'o m'a kélhaxtegkesso nak Damasco, kamasséssók sa' kelwesse'e apxanák Ben-hadad xa táxa nak.”

Jeremías 51:26

Méko sa' xama enxoho nekha'a étkók élpaqxo ektaqmalma kólmaha yaqwayam elanakpok tegma. Meyke xama aqsok meyke néxa sa' katnekxa'. Ko'o sekxeyenma xa, sektáha nak Wesse'.

Jeremías 51:64

tén sa' etnehek se'e: ‘Sa' etnehek ewéwagkok Babilonia xa, mopwanchek sa' exnekxak néten neyseksa m'a aqsok ekmaso peya nak yahak Wesse' egegkok.’” Cháxa néxa appeywa Jeremías xa.

Daniel 5:20

Xama axta apmoma eyeymáxkoho apwáxok, tén han aptéma ekyennaqte apwáxok yetlo apcheymákpoho, keñe kélyementameykekxo m'a aptémakxa axta ekha apmopwána, tén han apcheymákpoho apteme wesse' apwányam.

Amós 1:10

Cháxa keñamak peya nak ko'o awatnek ma'a kélhaxtegkesso nak tegma apwányam Tiro, kamasséssók sa' tegma apkelyawe apagkok xa táxa nak.”

Amós 1:12

Cháxa keñamak peya nak ko'o awatnek ma'a tegma apwányam Temán, kamasséssók sa' tegma apkelyawe nak Bosrá xa táxa nak.”

Amós 1:14

Cháxa keñamak peya nak ko'o awatnek ma'a kélhaxtegkesso nak tegma apwányam Rabá, kamasséssessók sa' tegma apkelyawe apagkok xa táxa nak, neyseksa élpayheykha apatña'ák énxet'ák kempakhakma, tén han éxtegyawà ektémól'a éxchahayam ekyennaqte.

Amós 1:4

Cháxa keñamak peya nak ko'o awatnek ma'a wesse' apwányam Hazael apxagkok, kalwatnek sa' nahan Ben-hadad apxagkok apkelyawe nak xa táxa nak.

Amós 1:7

Cháxa keñamak peya nak ko'o awatnek ma'a kélhaxtegkesso nak tegma apwányam Gaza, kamasséssók sa' tegma apkelyawe apagkok xa táxa nak.

Amós 2:2

Cháxa keñamak peya nak ko'o awatnek ma'a yókxexma Moab, kamasséssók sa' tegma apkelyawe nak Queriot xa táxa nak, eletsapok sa' moabitas neyseksa élpayheykha apatña'ák énxet'ák kempakhakma, tén han neyseksa kélpáwasso m'a kélaqkahasso.

Amós 2:5

Cháxa keñamak peya nak ko'o awatnek ma'a Judá, kamasséssók sa' tegma apkelyawe nak Jerusalén xa táxa nak.”

Amós 5:2

Apteyekmek Israel aphémo nak kelán'a étkok ektaqmalma; apteyekmek meyke apheykekxa néten. Apyetneyk náxop, cham'a xapop apagkok nak, méko han xama enxoho yaqwayam kaxneyásekxak néten.

Deuteronomio 32:22

Eklókók ahagko' ko'o, máxa táxa eyáléwe táhak seklo, kawomhok sa' élwatno m'a kañók agko' nak xapop. Kawatnek sa' ma'a xapop tén han ma'a aqsok ekyexna kélcheneykekxa nak, alwatnek sa' ma'a awhók kañók agko' nak ma'a meteymog élwenaqte.