Jeremías 50:29 - Biblia Enxet

²⁹ “¡Kólwónmakha apyókxoho apkelmeykha nak chá'a yágke, yaqwayam sa' ektamagkok ma'a Babilonia! ¡Kólpakxenák sa' ma'a nepyáwa nak tegma apwányam, yaqwayam sa' megyenyehek exyenmok xama énxet enxoho! ¡Kólhésho mók ma'a apteméssessamakxa axta! ¡Kóltemésses ma'a apteméssessamakxa axta! Hakte cheymáxkók axta chá'a appeywa sexéneykencha'a ekmaso ko'o, ko'o sektáha nak Wesse' Dios Appagkanamap ma'a Israel.

Jeremías 50:29 ပူးပေါင်းရင်းမြစ်များ

Éxodo 10:3

Apkelxegkek axta apkelya'aweykxo faraón ma'a Moisés tén han Aarón. Aptáhak axta apcháneya s'e: —Exchek aptáhak Wesse' egegkok, aptáha nak hebreos Dios apagkok se'e: ‘¿Háxko ekwánxa kamassegwók ekyennaqte apwáxok nahaqtók ko'o? Yoho elxog énxet'ák ahagkok, yaqwayam sa' hélpeykesho';

Isaías 37:23

¿Yaqsa axta énxet apkenmexeyncha'a cha'a tén han apwanyeyncha'a chá'a? ¿Yaqsa axta énxet apkelpáxegkáseyncha'a chá'a tén han megyésa chá'a apkelano yetlo eyeymáxkoho apwáxok? ¡Apkenmexáha axta exchep ma'a Dios Appagkanamap nak Israel!

Isaías 47:10

Chásenneykekxeyk axta exche' m'a ektémakxa ekmaso, axta entemék chá'a awáxok se'e: ‘Méko sét'a.’ Kelyexancháseykha axta chá'a exche' m'a ektémakxa ekya'áséyak aqsok tén han ekyekpelchémo. Axta entemék chá'a awáxok se'e: ‘Ko'o aqsa, méko émók sekhawo.’

Jeremías 25:14

Apkelásenneykha sa' nahan etnahagkok ma'a apchókxa élyawe nak tén han ma'a kelwesse'e apkelwányam apkelyennaqte apagko' nak. Cháxa peya sa' ko'o ayaqmagkásekxak ma'a ekpayhawo nak chá'a m'a aqsok apkelánéyak.’”

Jeremías 48:26

Kólnáhakkas anmen énxet'ák Moab, hakte apkenmexeykekxeyk Wesse' egegkok. Keñe sa' eltexneykpekxak apkelyekxo m'a énxet'ák Moab, apyókxoho énxet'ák sa' elesmaksek ma'a.

Jeremías 49:16

Eyaqhémo temégweykmok kéxegke m'a kéleymáxkoho nak, hakte kóleyxchek axta chá'a. Kélheykha kéxegke m'a neyseksa meteymog élyagqaxe, kélpathetmeyk ma'a naw'ék egkexe netno nak. Kéllánegweykmek eykhe kéxegke kélxanák ma'a netnók agko' nak, ektémól'a náta ekyawe, sa' eyke kólenyék alántekkesek ko'o kéxegke m'a. Ko'o sekxeyenma xa, sektáha nak Wesse'.

Jeremías 50:24

Babilonia, xép apagko' axta appekkenma kelhanma, métégkok han ekmákxo. Apmákpe', hakte apkenmexeykekxeyk ma'a Wesse' egegkok.

Jeremías 50:26

¡Kólchetámegma kéleñama ekyókxoho yókxexma! ¡Kólmeykessesák atña'ák ma'a apxátamakxa nak hótáhap apaktek! ¡Kólánchesekxa énxet'ák, kólmasséssem! ¡Nágkólém xama enxoho!

Jeremías 50:32

Apchókxa eyeymáxkoho nak, etlapmok sa' xép, eyaqnenek sa' nahan, méko sa' han kaxneyásekxak néten. Alwatnések sa' apyókxoho tegma apkelyawe apagkok, kamasséssók sa' ekyókxoho aqsok ekhéyak nak nepyáwa xa táxa nak.”

Jeremías 50:9

Hakte wának sa' ko'o kaxhok mók apketámeyam Babilonia m'a énxet'ák apkelyennaqte apxámokma apkeleñama nak nexcheyha. Eléwekxak sa' yaqwayam yempakha', emok sa' nahan. Kempakhakma yapmeyk apmopwancha'a elnapakpok ma'a, apmoplensa'a yágke m'a apkelyát'a enxoho.

Jeremías 51:24

“Kélnápaqta'awók sa' kéxegke ayaqmagkásekxak apkeltémakxa m'a énxet'ák Babilonia, tén han ma'a caldeos, ekpayhawo nak chá'a atnéssesek, eñama ekmaso apteméssessamakxa axta m'a Sión. Ko'o sekxeyenma xa, sektáha nak Wesse'.

Jeremías 51:3

¡Kóllánekxa yágke kélagkok kélmeykha nak chá'a yágke! ¡Kóláhakkásekxa kélnénya'ák ma'a kéláhakkasso nak chá'a! ¡Nágkalapyósho kóllanok ma'a wokma'ák nak Babilonia; kólmasséssem sa' apyókxoho m'a sẽlpextétamo apagkok!

Jeremías 51:49

Naqso', etyamok sa' ma'a Babilonia, eñama apkelnapma énxet'ák ma'a kañe' Israel, tén han ma'a ekyókxoho apkelókxa nak keso náxop.”

Jeremías 51:56

Apkelxegakmek yaqwayam emasséssók Babilonia; apkelmeyk kaxwók ma'a kempakhakma yapmeyk apagkok, apkelekkexchessek yágke apagkok. Hakte Wesse' egegkok, apteme xama Dios, apyaqmagkáseykekxohol'a chá'a aptémakxa xama énxet ekpayhawo nak chá'a etnéssesek.

Lamentaciones 1:9

Kelyepetcheyak élnaqta m'a aqsok élmanyása; megkaxeyenmak awáxok yaqweykenxa katnehek. Asagkek ektáhakxa ektéyam; méko xama enxoho yaqwayam epeykessásekxak awáxok. ¡Wesse', elano sẽltemessáseykekxa mékoho tén han ektémakxa apkeleymákpoho m'a sélenmexma!

Lamentaciones 3:64

Wesse', etnésses ekpayhawo nak etnéssesek, egkés ma'a éltémókxa nak egkések ma'a aqsok apkelánéyak.

Daniel 11:36

“Elának sa' chá'a ekyókxoho ekxénakxa enxoho chá'a apwáxok elának ma'a wesse' apwányam apha nak nexcheyha. Keyxkohok agko' sa' apwáxok, yának sa' eyeykhágweykmohok ma'a ekyókxoho aqsok kéláyókxa nak chá'a, exénmakha sa' ekmaso agko' yenmexek ma'a Dios apmámnaqsoho nak; katyapok sa' ekyókxoho m'a aqsok apkelane, ekwokmoho aplegassásegkoho m'a Dios; hakte megkatnehek melane Dios ma'a apmakókxa enxoho elána'.

Daniel 4:37

“Élpeykessamók ko'o kaxwók ma'a Wesse' Apwányam apha nak néten, ko'o Nabucodonosor, eyáyók han, ekteméssessegkek han apcheymákpoho, hakte naqsók agko' ma'a ekyókxoho aqsok apkelane nak, péwók nahan, apwanchek etnessásekxak mékoho m'a apkenè nak chá'a etnahak ekha kéláyo.”

Daniel 5:23

Apkenmexeykekxeyk xép Wesse' egegkok, apkeltémo kólsantagkasek egheykok tén han egheykok élyawe ekhéyak axta m'a tegma appagkanamap, apkelmáha axta apyena vino xa, yetlo m'a ektáha axta apkeláneyeykha, apkelpeykásawók han ma'a aqsok kéláyókxa élánamáxche nak sawo ekyátekto ekmomnáwa, tén han sawo ekmope ekmomnáwa, sawo ekyexwase, sawo ekyentaxno, yántéseksek tén han meteymog; aqsok kéláyókxa megkate nak exma, megkañe nak ektemegweykmoho exma, megkay'áseyak nak aqsok. Melpeykessamók ma'a Dios apmésso nak apyennaqte wesse', tén han apmésso nak chá'a ekyókxoho m'a apkelanakxa enxoho chá'a.

Abdías 1:15

Sa' kólteméssesek xépxa ekhawo apteméssesakxa nak ma'a apnámakkok: ¡exkak sa' ma'a ekpayhawo nak kólteméssesek! “Chágketwokmek kaxwók Wesse' egegkok ekhem apagkok yaqwánxa sa' elyekpelkohok apyókxoho énxet'ák.